VOV4.K’ho –  Drim ngai 08/6, Quốc hội pờ tê ring bal Nghị quyết ki\ Hiệp định kă bro khat gơboh đah lơgar Việt Nam mờ Mpồl tam klac châu Âu (EVFTA); Nghị định ring bal Hiệp định sền gàr mờ dong kờl bơcri pria\ đah dùl gah là lơgar Việt Nam mờ dùl gah là Mpồl tam klac châu Âu mờ ală lơgar geh jơng tàm Mpồl tam klac châu Âu (EVIPA); Nghị quyết ring bal mut tàm Công ước sồ 105 bơh Mpồl lơh broă dunia bè sang sơbì lơh broă rồn bơ klơn.

Broă ring bal ală Nghị quyết do geh pơrya kươmàng ngan, tài broă Quốc hội ring bal EVFTA mờ EVIPA geh pơyua jơnau đơs pràn kơldang ngan bè nùs nhơm lơh ngan bơh lơgar Việt Nam dê tàm broă chồl pràn broă mut gơ rờm bal lơh sa dunia. 100% kuang bàng Quốc hội geh mat tàm dơ\ pơrjum neh pờ tê ring bal Nghị quyết ki\ Hiệp định kă bro khat gơboh đah lơgar Việt Nam mờ Mpồl tam klac châu Âu (EVFTA).

Mờ 95,45% kuang bàng Quốc hội ring bal, Quốc hội neh ring bal Hiệp định sền gàr mờ dong kờl bơcri pria\ đah dùl gah là lơgar Việt Nam mờ dùl gah là Mpồl tam klac châu Âu mờ ală lơgar geh jơng tàm Mpồl tam klac châu Âu (EVIPA). Nghị quyết ngui tơn jơh ală tơngume bơh Hiệp định dê.

Cau mblàng K’Duẩn