VOV4.K’ho – Drim òr (10/6), Quốc hội neh ring bal Nghị quyết bè broă lơh sền gròi nam 2020 mờ 446/447 kuang bàng ring bal. Jơnau yal iăt kơno mờ yal lơh loh jơnau đơs bơh kuang bàng Quốc hội dê bè rơndap cih Nghị quyết bè Broă lơh gròi sền bơh Quốc hội nam 2020, Tổng thư ký - Chủ nhiệm Văn phòng Quốc hội ồng Nguyễn Hạnh Phúc pà g^t, sền bal, den ală kuang bàng Quốc hội ring bal mờ tơngume jơnau yal mờ rcăng broă lơh gròi sền bơh Quốc hội dê nam 2020.

Dờp jơnau đơs bơh kuang bàng, tàm tu\ lơh broă lơh gròi sền, Ủy ban Thường vụ Quốc hội geh sồr ală anih lơh broă jat sền ală jơnau cih bơh Adat lơh broă gròi sền bơh Quốc hội mờ Hội đồng nhân dân dê, jat bal mờ Quy chế lam lơh jat bàr pe broă lơh gròi sền bơh Quốc hội,  Ủy ban Thường vụ Quốc hội, ală anih lơh broă bơh Quốc hội dê, ală mpồl kuang bàng Quốc hội mờ kuang bàng ala mat Quốc hội.

Mơkung, pơn jat tai kơlôi sơnơng, tam gơl pa, bơtơl ai gơ in di pal mờ bơta geh ngan, pơgồp bơnah tơnguh uă cồng nha lơh broă gròi sền bơh Quốc hội dê.

 Cau mblàng K’ Hạnh