VOV4.K’ho – Sơn đờm bơh ngai do tus ngai 15/6, pơrjum dơ\ 3, Quốc hội kơnă 14 mut tàm dơ\ lùp jơnau. Phó Thủ tướng Trương Hoà Bình mờ 4 Bộ trưởng: Nông nghiệp mờ Phát triển nông thôn, Kế hoạch mờ Đầu tư, Y tế, Văn hoá - Thể thao mờ Du lịch geh hơ jơnau lùp bè ală bơta mờ kuang bàng sền gròi.

Drim do, Bộ trưởng Bộ Nông nghiệp mờ Phát triển nông thôn Nguyễn Xuân Cường là cau sơn rờp hơ jơnau lùp tềng đap Quốc hội. Tơngume lùp jơnau tơr gùm tàm broă lơh tam gơl pa mờ rơndap broă mut lơh geh cồng nha rơndap sap sèng wơl gah lơh sa suơn sre tàm tơngai tus; broă lơh tơnguh jơnhua bơta niam, cồng nha mờ bơta pràn tàm pơr lòng bơh phan lơh gơs dê, wèt tus bơt bơtàu rài lơh sa phan bơna bơtàu tơnguh kơ\ kơljap; broă lơh prap gàr, sền gàr, lơh gơlik wơl mờ tơnhàu, bơtàu tơnguh phan tàm dà.

{ùi mho, Bộ trưởng Bộ Văn hoá - Thể thao mờ Du lịch Nguyễn Ngọc Thiện hơ bè bơta atbồ, lơh sră ai gơnoar ală broă lơh chài rơgơi, niam chài; mut ngui ală broă lơh chài rơgơi, tàp pràn să jan; bơyai lơh chờ… Bal mờ hơ\ là broă lơh kơryan bơta ờ niam bè nùs nhơm mpồl bơtiàn mờ bơta chài lơh broă bal; bơt bơtàu, prap gàr, bơtàu tơnguh chài rơgơi mpồl bơtiàn; broă lơh atbồ mờ ală broă lơh tơnguh bơta niam rơndap ù tiah gah nhơl chờ.

                                                                                 Cau cih mờ yal tơnggit K’Duẩn