VOV4.K’ho– Đơs mut pơrjum dơ\ 10 Quốc hội khóa 14, drim 20/10, Chủ tịch Quốc hội, mò Nguyễn Thị Kim Ngân pà git, tàm ală ngai do, ua\ càr tiah tàm gùl dà lơgar gam pal lơh ngan kong mờ ală hoàc huơr kơn jơ\ kơn jut bè kòn bơnus mờ phan bơna tài bơh mìu dà ko\ dà cò lơh aniai. Quốc hội tam pà bal mờ ală jê sồt, moat jrùm, roh rui dờng ngan do mờ dan pơyua jơnau lùp còp jơh nùs tus làng bol, cau ling tiah gơtìp aniai, bal mờ jơnau tam pà moat jrùm tus ală hìu bơnhă kuang bàng, cau ling chơt phi să mờ làng bol gơtìp chơt să.

Quốc hội sồr Chính phủ mờ gơnoar atbồ ală kấp pơn jat tai tơnguh nùs nhơm rơcang ngac tềng đap ală broă gơlik geh ờ niam bơh trồ tiah dê, geh broă lơh jơh nùs, geh cồng nha nàng mhar bơsong jơnau gơ lời wơl bơh mìu dà ko\ dà cò; mơkung hòi jà làng bol, cau ling tàm gùt lơgar, làng bol lơgar he tàm lơgar ndai lơh jat jơnau hòi jà bơh Tổng Bí thư, Chủ tịch lơgar dê pơn jat tai tơnguh bơhìan tam klac bal, tam pà bal, dong kờl phan bơna mờ nùs nhơm, dong làng bol ală tiah gơtìp hoàc huơr mhar sơrlèt gan kal ke, gàr kơ\ kơljap rài kis mờ broă lơh sa.

Cau mblàng K’Duẩn