VOV4.K’ho - Quốc hội tàm poh lài neh cri bơyai bè broă lơh jăt jơnau kờ` bơh dà lơgar dê bè broă tơnguh bơtàu lơh sa mpồl bơtiàn tàm tiah làng bol kòn cau mờ tiah kơh bơnơm tơngai bơh nam 2021 tus 2030.

Tàm broă tơnguh bơtàu bal bơh tiah do dê, jơnau đơs sùm geh gơnoar kuơ màng tàm broă ai gùng dà, broă lơh bơh Đảng dà lơgar, ai bơta ngăc ngar, bơta chài rơgơi kòn bơnus tus rềp rơlao mờ làng bol tàm ală tiah sar lơgar ngài ngan.

Broă lơh do gam lơh cau lơh broă tàm anih jơnau đơs pal tam gơl pah ngai kờ` ai jơnau đơs bơh Đảng, jơnau đơs bơh [òn lơgar đềt mềr mùl màl rơlao mờ làng bol.

Pah drim tu\ guh b^c, broă lơh sơnrờp ngan bơh mò Lưu Thị Tiệp kis tàm xã Cai Bộ, kơnhoàl Quảng Hoà, càr Cao Bằng dê là pờ rơjô nàng iăt jơnau đơs tòm kòn cau mò dê bal mờ ală jơnau đơs pơn đik neh đềt mềr ngan mờ mò bơh tu\ gam kơnòm.

Tơnơ\ rơlao 2 nhai pờ tơrlòng jơnau đơs, jơnau đơs kòn cau Tày-Nùng bơh jơnau đơs Việt Nam neh dờp geh g^t nđờ jơ\t rơbô jơnau pơgồp bal bơh cau iăt rơjô dê tàm gùt lơgar, bơh ù tiah bồ tô dà lơgar Móng Cái, ală càr Cao Bằng, Lạng Sơn, Bắc Kạn mờ geh bal làng bol kòn cau Tày kis tàm Tây Nguyên.

“Pah drim tu\ guh b^c a` pờ rơjô iăt jơnau đơs mờ dà kòn cau Tày, geh iăt jơnau đơs mờ dà kòn cau tòm tàm anih jơnau đơs dà lơgar, a` chờ hờp ngan, ưn ngài jơnau đơs do uă ngan.

A` kơ\p kờ` jơnau đơs geh uă tơngai pờ rơlao bè ală jơnau đơs Then, Sli, Lượn nàng làng bol lòt lơh broă rê glar bòl geh iăt ală jơnau đơs Then, đơs Lượn gơlơh chờ, niam tàm să rơlao…

Tàm ală tiah bồ tô dà lơgar, rơjô dềt bơh jo\ ngan neh là cau bơyô đềt mềr mờ cau ling sền gàr tiah nhàr dà lơgar pah tu\ lòt sền gròi gùng nhàr dà lơgar. Mờr 20 nam đềt mềr mờ pôs ling Apa-chải, do là tiah đah tô măt tơngai mu\t dà lơgar, cau ling sền gàr tiah nhàr dà lơgar Lê Văn Thinh gam kah sùm bè pa nti mơ ală mang tàm tiah nhàr dà lơgar trồ tiah mrềt noăt ngan, àng kơnhai àng sơrdah, brê bơnơm Apa-chải gơl^k go\ loh làng ngan.

Hơ\ là tu\ bi gơlơh ngoh rơngăc ngar mờ kah [òn lơgar, go\ loh làng ngan bơta kuơ bơh tơl nđàm ù dà lơgar dê. Săp đơs bơh rơjô dềt lơh jơng cơn đoà lòt sền gròi tiah nhàr dà lơgar ờ hoan glar bòl tai.

-Gơwèt mờ cau ling sền gàr tiah nhàr dà lơgar, tàm hơ\ uă ngan là tu\ trồ mang, tu\ gam sền gàr tàm tiah nhàr dà lơgar, hơ\ sồng là ală tu\ lòt sền gròi jăt gah gùng nhàr dà lơgar, di lah geh cèng bal rơjô dềt mờ geh pờ jơnau đơs là chờ hờp ngan.

Sùm lòt tus tàm ală tiah sar lơgar ngài, tiah làng bol kòn cau kờ` iăt jơnau đơs bơh cau te\ khà, kuang bàng Quốc hội càr Nghệ An ồng Trần Văn Mão đơs: Tàm uă tiah sar lơgar ngài tu\ do, jơnau đơs tàm rơjô gam geh gơnoar tòm ngan tàm boă ai jơnau tơng^t tus mờ làng bol:

-Jăt a` pal geh rơndăp broă lơh tơrgùm bal jo\ jòng, kờ` ngui ală cồng nha khoa học công nghệ yal tơng^t jơnau tus tàm bơta mùl màl, lơh bè lơi kờ` jơnau đơs tàm rơjô geh tơl gơwèt ală tiah mờ tu\ do làng bol ờ hềt geh tơl kờ` tìp.

Mờ uă broă lơh, mờ ală phan lơh broă bè loa pờ tơl^k jơnau đơs, broă pờ tơl^k jơnau đơs mờ gùng viễn thông, bơta tòm là kờ` g^t bơta kơ\p kờ` bơh làng bol, mơya pal di mờ bơta ngăc ngar làng bol dê nàng he gơtùi ai dùl khà jơnau tơng^t kờ` lam sồr di tu\ ai làng bol in.

Là kuang bàng làng bol dê, lòt uă tiah, tìp uă làng bol kòn cau, kuang bàng Quốc hội Nguyễn Duy Hứa, mpồl kuang bàng càr Dak Lak go\ loh làng ngan gơnoar bơh jơnau đơs tàm rơjô dê bơh bơta mùl màl tàm dơ\ rơcang sơndră mờ kòp Covid-19 pa do:

-A` đơs niam ngan bơh lài tus tu\ do ală bơta jơnau đơs tàm rơjô dê. Do là broă lơh geh cồng nha ngan geh gùng dà broă lơh bơh Đảng, Dà lơgar dê, tàm hơ\ uă ngan là bơh Chính phủ tus mờ làng bol. Bơta do go\ loh làng ngan tàm dơ\ kòp Covid-19 pa do, làng bol g^t mơ nùs nhơm, jơnau đơng lam bơh Chính phủ tu\ jơnau tơng^t geh ai tơl^k.

Pờ ơnàng tiah pờ tơl^k jơnau đơs tus mờ ală tiah sar lơgar ngài, tàm hơ\ uă ngan là tiah ờ hềt geh jơnau đơs bơh làng neh geh tàm broă lơh jo\ jòng anih jơnau đơs Việt Nam dê. Bal mờ hơ\ là gùng dà broă ai jơnau tơng^t tus tàm ală tiah bơh jơnau đơs dà lơgar.

Mờ gơnoar do, jăt Phó kuang atbồ anih jơnau đơs Việt Nam ồng Trần Minh Hùng yal, Anih jơnau đơs Việt Nam gam pơgồp bal mờ ờ uă anih lơh broă geh gơnoar kơlôi sơnơng, lơh geh ală rơjô di pal mờ bơta geh bơh làng bol kis tàm tiah sar lơgar ngài in.

-Broă ai jơnau tơng^t tus tàm ală tiah, tàm hơ\ uă ngan là tiah sar lơgar ngài den neh geh uă broă lơh jăt jơnau kờ` dà lơgar dê. Mờ pơgăp mờ do 10, 20 nam, anih jơnau đơs Việt Nam kung neh geh chính phủ jào broă lơh jăt jơnau kờ` ai jơnau tơng^t tus tàm ală tiah bơh broă pà rơjô, bơh broă bơcri priă lơh ală anih pờ tơl^k jơnau đơs xã, sơnah [òn, thị trấn.

Mơya, tơnơ\ mờ hơ\ broă lơh do ơm ing. Tu\ do den jăt jơnau đơng lam bơh chính phủ dê geh lơh wơl broă ai jơnau tơng^t tus tàm ală tiah bơh broă pà rơjô làng bol in, den anih jơnau đơs Việt Nam kung gam kơlôi sơnơng kờ` lơh geh ală bơta rơjô di pal mờ ală bơta geh tàm tiah sar lơgar ngài.

54 jơi bơtiàn kòn cau oh mi bal là 54 anih prăp gàr bơta chài rơgơi, đơs crih tamya uă bơta, mơya di gơlan gơtìp roh tềng đăp mờ broă tơnguh bơtàu lơh sa kă bro. Pơn jăt tai mờ tơnguh bơta niam chài rơgơi ală jơi bơtiàn kòn cau Việt Nam tus mờ cau iăt rơjô gam kơnòm să là dùl tàm ală broă lơh tòm ngan bơh anih pờ tơl^k jơnau đơs dê.

Bơh anih pờ tơl^k jơnau đơs do, geh yal jơnau tơng^t bè broă tam gơl pa broă lơh sa mpồl bơtiàn, sền gàr dà lơgar, bơta lơngăp lơngai tàm lơgar mờ bơh gùt tiah tàm dunia, kờ` nùs nhơm bơh Đảng tus rềp mờ làng bol, kờ` làng bol go\ gơlơh ram nùs tu\ iăt jơnau đơs bơh mò ồng tòm he dê.

Cau mblàng Ndong Brawl