VOV4.K’ho - Ơm is tàm gùl brê dà lơgar Yok Đôn, [òn Drang Phôk ngài mờ ntum Krông Na, kơnhoàl Buôn Đôn, càr Daklak rlau 20 kơi sồ gùng ù. Kơnờm geh bơta dong kờl bơh mpồl ling sền gàr tiah nhàr dà lơgar càr Daklak bal mờ gơnoar atbồ tàm [òn lơgar, rài kis làng bol [òn Drang Phôk dê gam ngai sơlơ bơtàu tơnguh: 

Ơm tàm gùl brê ngài, lài do, rài kis bơh rlau 100 hìu nhă mờ mờr 500 nă cau ală kòn cau Rơđê, M’nông, Jarai, Lào tàm [òn Drang Phôk ndrờm gơ Dwèt tàm brê: ting mòc phan brê, chu brê, koh kơl brê lơh mìr, tùc kòi.. Nam 2007, mpồl ling sền gàr tiah nhàr dà lơgar càr Daklak bal mờ gơnoar atbồ tàm [òn lơgar neh rồ geh 17 lồ [làng sre, lơh bơtơt rơbòng dà. Mpồl lơh broă bơh pôs ling sền gàr tiah nhàr dà lơgar Srepôk neh ơm bal, sa bal, lơh ngan dong làng bol lơh kòi 2 kàl, hời rơhời bơtàu tơnguh rài kis. Mò Bun Kẹo Lào, cau tàm [òn Drang Phôk pà git: “ Bơh ngai geh dà lơgar dong kờl den rài kis bơh làng bol dê neh tam gơl uă ngan, jơh jơ gloh, ờ huan kal ke tai, tu\ do lơh kòi sre kung tơnhàu geh uă rlau.”

10 nam do, geh cơldu\ kham kòp ling klàng làng bol bơh pôs ling sền gàr tiah nhàr dà lơgar Srepôk dê sền gròi pràn kơldang să jan, [òn Drang Phôk neh ờ gam tai kòp mprơm duh să, kòp mprơm gơlik mhàm lơh aniai. Làng bol kung neh git chài rơcang sơndră khih tài sa bơ sềt, sa poac kit trồ, sa poac bơs klan dal… Ồng Y Không, ơm tàm [òn do yal: “ Làng bol bol a` ơm tàm tiah sar lơgar ngài, lài do gơbàn kòp jê kung ờ geh cau lơh sơ nơm halà ờ git hìu sơnơm lơi ờ, mìng kơnờm tềng cau bơjơu lơm. Tu\ do den geh mpồl ling sền gàr tiah nhàr dà lơgar 743 dong kờl, hơ\ sồng gah đơng lam mpồl ling sền gàr tiah nhàr dà lơgar sùm dong sơ nơm tơmba, kham sơm kòp. Sơnơm tơmba geh dong kờl tus tàm hìu tơn, dong làng bol ơm tiah ngài bè bol a` sơm bời kòp. Bol a` ưn ngài mpồl ling uă ngan.”

Bè ală broă lơh dong kờl làng bol bơh mpồl ling sền gàr tiah nhàr dà lơgar dê, Đại uý Phạm Văn Hứng, kuang jat jơng atbồ gah gùng dră bal pôs đồng Srepôk đơs: “ Lơh niam broă lam sồr làng bol, lơh sa, tam kòi sre, bơtàu tơnguh rài kis nùs nhơm làng bol in, den cồng nha lơh geh là rài kis làng bol dê ngai sơlơ bơtàu tơnguh, kơnòm dềt geh tus hìu bơsram, pơgồp bơnah tơnguh chài git wă, hời rơhời sang bơhiàn bơr ngơl gơla, mờ làng bol jơh nùs bal mờ mpồl ling sền gàr tiah nhàr dà lơgar sền gàr gơnoar tờm, ngap lơngai tiah nhàr dà lơgar.”

Kơnờm bơta dong kờl  bơh dà lơgar mờ mpồl ling sền gàr tiah nhàr dà lơgar, [òn Drang Phôk neh geh ngui đèng dà lơgar, geh broă lơh ai dà ngui bal, hìu sơnơm ling klàng làng bol, hìu bơsram kơnòm dềt in… rài kis làng bol dê ngai sơlơ bơtàu tơnguh. Ồng Lê Tiến Dũng kuang jat jơng atbồ anih duh broă làng bol ntum Krông Na, kơnhoàl Buôn Đôn pà git: “ Lài do làng bol lơh broă sa jat bơhiàn ờs mờng, cồng nha lơh geh lơyah ngan. Tu\ geh ală mpồl ling dong kờl, ngan là mpồl ling sền gàr tiah nhàr dà lơgar pơlam bơta chài lơh broă den làng bol neh sền gròi mut ngui, tơnguh cồng nha tơnhàu chi tam, ngan là kòi sre, bơh hơ\ rài kis làng bol dê hời rơ hời geh bơtàu tơnguh, mờ tơmù bơta kơn jơ\ mut tàm brê dà lơgar Yok Đôn, git wă làng bol dê bè sền gàr brê kung geh tơnguh, pơgồp bơnah sền gàr phan geh kis mờ tiah kis brê bơnơm.”

                                                                                 Cau cih mờ yal tơngit K' Duẩn.