VOV4.K’ho – Mho òr 23/11, tàm anih prap ơn phan kuơ kah yau Hồ Chí Minh, [òn dờng Hà Nội, Gah chài rơgơi, tàp pràn să jan mờ nhơl chờ dà lơgar, mpồl duh broă pơr lòng pà khà jờng dà lơgar mut lơh ràng tơlik “ Bác Hồ mờ ală srơh pơr lòng kờ` gơboh dà lơgar mờ ală dơ\ pơrjum pơr lòng kờ` gơboh dà lơgar.”

Ràng tơlik “ Bác Hồ mờ ală srơh pơr lòng kờ` gơboh dà lơgar mờ ală dơ\ pơrjum pơr lòng kờ` gơboh dà lơgar” geh 3 bơnah: Bác Hồ - bơceh lam lơh srơh pơr lòng kờ` gơboh dà lơgar; ală srơh pơr lòng kờ` gơboh dà lơgar bơh làng bol dê jat jơnau hòi jà bơh Bác Hồ dê; pơr lòng kờ` gơboh dà lơgar tài jơnau kờ` “ Làng bol pas sơm, dà lơgar pràn kơldang, làng bol lơh tờm, ringbal, gơguh jak”. Mờ mờr 200 pang rùp, sră nggal mờ phan lời kir, ràng tơlik neh yal dùl êt bè gơnoar bơh Bác Hồ dê tàm broă bởch lam lơh, mut lơh mờ pơn jờng srơh pơr lòng kờ` gơboh dà lơgar. Bơdìh mờ ală sră nggal kah yau kuơ màng, ràng tơlik kung yal ală srơh pơr lòng kờ` gơboh dà lơgar tu\ do gơ jat bal mờ ală dơ\ lam sồr bè “ Ngai tài cau rơbah”, “ Gùt lơgar sơmbat tê bal bơt bơtàu [òn lơgar pa”, “ Gùt làng bol tam klac bal bơt bơtàu rài kis pa”… mờ kuơ màng là dơ\ lam sồr “ Bơsram mờ lơh jat ơnà jak Bác Hồ.

                                                                     Cau cih mờ yal tơngit K’ Duẩn.