VOV4.K’ho-Mho ngai 18/11, ồng Trương Hòa Bình Phó Thủ tướng Thường trực Chính phủ neh đơng lam dơ\ pơrjum bơh Mpồl đơng lam bơyai lơh Pơrjum dờng cau ala mat gùt lơgar ală jơi bơtìan dơ\ 2. Digơlan pơrjum dờng geh lơh bơh ngai 2 tus ngai 4 nhai 12 nam 2020 tàm Hà Nội, mờ kờp jơh là 1 rơbô 600 nă cau ala mat tus bal.

Phó Thủ tướng ồng Trương Hoà Bình đơng lam pơrjum

Đơs tàm dơ\ pơn du\t pơrjum, ồng Trương Hòa Bình, Phó Thủ tướng Thường trực Chính phủ đơs sùm; Pơrjum dờng cau ala mat gùt lơgar ală jơi bơtìan kòn cau Việt Nam dơ\ 2 bơyai lơh 10 nam dùl dơ\. Do là kơnòl broă chính trị kuơ màng, geh bơta kuơ ua\ ngan gơ wèt mờ làng bol ală jơi bơtìan kòn cau, tơngo\ bơta pin dờn bơh làng bol dê gơ wèt mờ Đảng mờ Dà lơgar. Den tàng, ồng Trương Hòa Bình, Phó Thủ tướng Thường trực Chính phủ  sồr ală Bộ, gah sơnah lơh broă pal geh gùng dà broă lơh sền gàr, gàr tơl niam bơta lơngap lơngai ờ do ờ dă bè jơh tơl ală gah ai Pơrjum dờng, cau ala mat mờ cau tus bal in nàng Pơrjum dờng geh cồng nha niam bơne\.

Cau mblàng K’ Hạnh