VOV4.K’ho- Ngai òr 21/2, Ủy ban Nhân dân càr Lâm Đồng bơyai lơh dơ\ pơrjum cribơyai broă rơndăp lơh ngui mờ rề ơnàng lơh uă broă lơh Trung tâm tơnơ\ tu\ tơnhàu. Jat jơnau yal, tơnơ\ 7 nhai ngui tơrlòng lài ală măy tam cah blơn su\t gơ wèt rơndăp broă lơh Trung tâm tơnơ\ tu\ tơnhàu tàm Mpồl lơh sa kă bro Phong Thúy gơ wèt kơnhoàl Đức Trọng neh tơnguh tai bơta pràn tam cah phan lơh gơs bơh sươn sre pah nhai bơh 600 tấn gơguh tus 800 tấn, gơmù cau lơh broă pah ngai bơh 8 nă tàm 8 jiơ gơmù gam 6 nă tàm 2 jiơ. Kờp du\ priă cồng lơh geh gơguh tai pơgăp 700 đong dùl ki\ pơndrờm mờ broă tam cah blơn su\t mờ broă lơh mờ tê. Do là ală măy mok bơh lơgar Nhờk dê lơh gơs; gơ wèt Broă lơh tam klac bal bơtàu tơnguh lơh broă sa sươn sre jat gùng dà geh ngui uă gah mờ lơh niam wơl tiah bơcri priă đah mpồl JICA lơgar Nhờk mờ Ủy ban Nhân dân càr Lâm Đồng. Digơlan tus nam 2020, Lâm Đồng geh sac rwah geh pơgăp 10 mpồl lơh sa kă bro nàng rề ơnàng lơh uă broă lơh Trung tâm tơnơ\ tu\ tơnhàu ai ală phan bơna bè biăp, bơkàu, cê...

Cau cih mờ yal tơngi\t- Lơ Mu K’ Yến