VOV4.K’ho - Bơh bồ nam tus tu\ do, tàm Dak Lak neh gơlik geh 17 dơ\ bu\ dà tàm kơnòm dềt. Bulah ală jơnau đơs lài neh geh đơs bơh jo\, gơnoar atbồ tàm [òn lơgar mờ ală mpồl lơh broă, mpồl bal neh lơh pràn broă mblàng yal, mơya tài broă bơto re dà kơnòm dềt in ờ hềt geh lơh ringbal, kơnòm dềt tàm tiah [òn lơgar, tiah sar lơgar ngài gam ờ tơl uă ngan anih nhơl `o\, den tàng broă ală oh jòi tus dà dờng, dà croh nàng nhơl `o\ lơh gơbàn jơnau digơlan bu\ dà là bơta ờ gơtùi pleh.

Pah tu\ sền rùp kòn klau 13 sơnam chơt tài bơh bu\ dà, bi Nguyễn Văn Tình, ơm tàm thôn 3, xã Hòa Phú, [òn dờng Buôn Ma Thuột, càr Dak Lak gơ lơh jê nùs ngan. Neh rlau 3 nhai, mơya ùr bơklau bi dê ờ gơtùi hui\ trồ mho ngai hơ\.

                               Bi Tình kềng rùp kòn gơtìp chơt tài bơh bu\ dà

Tơnơ\ tu\ jơh bơsram, sau Nguyễn Xuân Trường bal mờ mpồl bơyô tàm jà gơp lòt tus tơnau dà nàng um. Tàm tu\ um, ờ bơtuah Trường gơtìp ntiar jơng tàm tiah dà jrô mờ ờ geh cau dong klàs di tu\ den tàng oh neh gơtìp bu\ dà. Tài ờ git re dà mờ bơta gròi sền bơh cau dờng dê, kòn klau bi dê neh chơt. Bi Nguyễn Văn Tình đơs:

Ơm tàm hìu den mè bèp kung tơngkah là lòt bơsram là ờ go\ di lòt um dà croh, sau kung mìng ơi ơi bè hơ\ lơm. Mơya tơnơ\ tu\ sau jơh bơsram den bơyô tàm jà lòt den tàng sau lòt um tu\ lơi bol a` ờ git.

Tus mho mang geh cau tus tàm hìu yal là sau neh roh.Bơh tu\ sau klau chơt tài bơh bu\ dà, ồng Lý Văn Kín ơm tàm thôn 22, xã Cư Bông, kơnhòal Ea Kar kung gam ờ gơtùi dờn hơ\ là bơta geh ngan sơl.

                        Kơnòm dềt um dà dờng, dà croh mờ ờ git bơta ngòt rơngơt digơlan gơlik geh

Ồng yal: nàng drơng jơnau kờ` [ồm dà chi tam in, hìu bơnhă neh tờ tơnau dềt tềng sươn hìu tơn. Hìu bơnhă ồng kung neh blơi che lòs nàng kang lơh pơng gàr gùt dar, mơya mìng dùl êt ờ go\ mờ sau ồng dê neh gơ dùh tàm tơnau hơ\ sồng gơlik geh bơta rềs àr moat jrùm ngan:

Git là tờ tơnau tàm do ngòt rơngơt ngan, hìu bơnhă kung neh rơcang kang mờ che lòs, hơ\ sồng ai gai chi nàng pơng gàr tai, mơya ờ hềt thàn lơh, rềs àr gơlik geh mhar ngan, hìu bơnhă jê nùs ngan. Kung gam mpau go\ sau, gam geh yờ sau, sau sền a`, mơya tu\ kah den hơ\ mìng là mpau gời.

Tu\ do, tàm Dak Lak geh uă ngan kơnòm bơsram tàm sơnam lòt bơsram kấp 1, kấp 2 ờ git re dà, tài broă bơto re dà tàm ală hìu bơsram tàm càr kung ờ hềt geh lam lơh ring bal sơl.

Nàng git re dà, ală oh tàm [òn dờng, [òn drà geh mè bèp jun tus ală tơnau re dà bơh cau dê lơh nàng cih mat bơsram re dà tềng đap bơta pơlam bơh cau pơlam tàp re dà dê. Ai tàm [òn lơgar, là tiah ờ geh ală tơnau dà bơh cau dê lơh, den kơnòm dềt bơsram is re dà bơh broă lòt tàm dà dờng, dà croh pah ngai. Mơya gơ jat bal mờ tu\ [ươn là ală jơnau ngòt rơngơt digơlan gơlik geh tàm dà dờng, dà croh tu\ ờ geh cau dờng lòt bal.

Tài ờ geh anih nhơl `o\ den tàng uă kơnòm dềt tàm tiah sar lơgar ngài bơh càr Dak Lak dê lòt hờ dà dờng, dà croh nàng nhơl

Bi Nguyễn Ngọc Đông Quỳnh, kuang bàng Ủy ban nhân dân xã Hòa Phú, [òn dờng Buôn Ma Thuột pà git, xã neh lam lơh uă broă lơh nàng tơrmù [à bơta kơnòm dềt nhơl `o\ tàm dà dờng, dà croh, mơya tài ờ geh anih nhơl `o\, kơnòm dềt den kờ` mù tàm dà, sùm tus ală tiah do nàng nhơl, um dà den tàng lơh gơbàn jơnau digơlan bu\ dà:

Tu\ do xã Hòa Phú geh pơgap bơh 4 tus 5 tơnau dà, tơngai bè ờs ală oh lòt bơsram den geh hìu bơsram atbồ, sền gròi, mơya kàl rlô bơkang ală oh ờ geh anih nàng nhơl `o\ den ală oh lòt tus ală tơnau hơ\ nàng um. Xã kung geh sră nggal pơyua ală thôn, [òn in sồr kờp sền jơh ală tơnau dà geh gơ rềng tus kơnòm dềt sùm lòt um nàng top [àng yal lài mơyă ală oh tă sang jơh.

Jat khà kờp bơh Sở Lao động thương  binh mờ Xã hội càr Dak Lak dê yal, bơh nam 2016 tus tu\ do, tàm càr geh 138 nă kơnòm dềt chơt tài bơh bu\ dà. Mìng is 6 nhai bồ nam do, neh geh 17 nă kơnòm dềt chơt tài bơh bu\ dà.

      Tài ờ geh [làng nhơl niam, den tàng geh uă kơnòm dềt tàm càr Dak Lak l^k tàm dà dờng, dà coh nhơl

Jat mò Lại Thị Loan, Phó kuang atbồ Sở Lao động – Thương binh mờ Xã hội càr Dak Lak đơs, nàng tơrmù [à bơta kơnòm dềt gơtìp bu\ dà, tơngai lài, Sở neh lam lơh uă broă lơh bè: sơlơ lơh pràn broă mblàng yal rơcang sơndră bu\ dà; cribơyai mờ UBND càr geh sră nggal đơng lam ală sở, gah lơh broă, ală tiah, ală mpồl lơh broă, ală mpồl cau nàng sơlơ tơnguh rlau tai broă rơcang sơndră rềs àr sồt să mờ bu\ dà tàm kơnòm dềt; mơkung hòi jà gùt mpồl bơtìan sơlơ lơh pràn broă bơto re dà kơnòm dềt in. Mò Lại Thị Loan pà git:

Bol a` neh bơcri priă lơh rlau 20 broă lơh hìu ờ do ờ dă rơcang sơndră rềs àr sồt să tàm kơnòm dềt kấp càr nàng bơh hơ\, kấp kơnhòal, kấp xã pơnjat tai lơh jat mờ lơh uă. Bal mờ hơ\, bol a` kung sền gròi tus broă bơto re dà ală oh in, ngan là hòi jà ală bơta dong kờl bơto re dà ờ sa priă. Tàm nam 2019 pơn jat tai lam lơh rơndap broă bơh Bộ Lao động thương binh mờ xã hội dê tàm 8 xã kuơ màng bơh kơnhòal Ea Kar dê mờ uă tơngume bè sơlơ chồl pràn broă mblàng yal, lơh sơntèk re dà, bơto re dà ờ do ờ dă halà bơt bơtàu tiah ơm kis ờ do ờ dă. Cồng nha lơh geh là êt ngan geh 1 rbô 200 nă kơnòm dềt git re dà.

Rềs àr bu\ dà tàm kơnòm dềt tu\ do là dùl bơta geh ngan lơh gơbàn ờ suk tàm gùt mpồl bơtìan mờ bơta do sồr gùt mpồl bơtìan pal geh ală broă lơh ngan ngồn nàng kơryan. Tàm hơ\ broă bơto bơtê ală bơta chài bè rơcang sơndră bu\ dà mờ lơh gơlik tiah ơm kis ờ do ờ dă kơnòm dềt in geh sền là broă lơh kuơ màng nàng ờ gam tai ală bơta jê sồt cèng mat sơnđan bu\ dà.

Cau mblàng K’Duẩn