VOV4.K’ho - Tu\ do,  cau ùr neh rhời đơs tờm gơnuar, bơnga\ he dê mờ ala\ broa\ lơh mpồl bơtìan, mơya tu\ rê mờ hìu nha\, ua\ ngan cau ùr kung ờ hềt lik klàs bơh bơta sơnơng cèng mat sơnđan ring bal mờ cau klau mờ cau ùr. Cau ùr kơp kờ` la, dilah bơklau mờ kòn he dê git rlau, den bơta kơnjơ\  broa\ tàm hìu nha\ di gơlan ờ gam tai.

Rài kis ngai sơlơ tam gơl pa, jơnau đơs bè ring bal cau klau mờ cau ùr tàm hìu bơnhă gam ngai sơlơ geh cau klau sền dờp mờ nùs nhơm wa\ wờng rlau. Gi\t cau ùr bơh he dê ngai pah ngai pal àn ơnòng ală bơta kơn jơ\ kơn ju\t bơh tàm broă lơh tàm làng bol bòn lơgar, uă cau klau neh tam gơl is broă kơlôi bơklau mìng lơh broă dờng lơm mờ bồ tơngoh jak chài là broă hìu là kơ nòl bal. Bol he iăt te\ ală jơnau đơs bơh khi dê yơ:

“ A` kơlôi tàm hìu, broă pal tam pà jơh bal 2 nă ùr bơklau in di là dipal rlau, tài bơh gơnuar broă bơh tơl nă cau dê ndrờm gơ\p bal.

Hìu là hìu bal, den hơ\ là broă bal bơh jơh bal ùr bơklau dê, cau klau pal lơh bal broă lơh hơ\ mờ pơ ùr he dê.

Pah ngai, cau klau pal lơh bal ală broă mờ cau ùr bè pìh phan, ràu jơlu\, bơngàn. Jơh ală bơta ring bal mờ gơp, ờ go\ geh chi lơi pal ờ lơh ờ”.

Mơya, jơnau pal muăt jrùm ngan, hơ\ ờ di là jơnau kơlôi sơ nơng bơh jơh ală cau klau dê. Ờ dùl ết nă cau klau ơn is să tờm he tàm gơnuar broă cau tờm tàm hìu bơnhă nàng hơ\ sồng đơs ờ gơ jê gơ jal là, broă sền gàr hìu bơnhă là kơ nòl bơh cau ùr dê. Lòt drà, tru\ gơm biăp piang, pìh phàn, jùt hìu đam, lòt jun rò kòn bơsram…ală broă lơh ờ geh mat tàm hìu bơnhă neh mờ gam lơh uă cau ùr gơ ơm tàm rài kis kal ke, bòl glar ngan. Tài bơh kung bè bơklau sơl, oh mi cau ùr gam geh broă lơh sơl, lơh broă dà lơgar, lơh broă mpồl bơtiàn. Ngai 8 jiơ tàm anih lơh broă bòl glar ngan, tus mho mang mờ kơ nòl broă drơng broă bơklau mờ kòn in, uă cau ùr ờ gam tai tu\ jơ ai ală jơnau kờn is bơh he dê in. Bơta ring bal neh ờ gam geh tai bơh ală broă lơh tồn lah dềt rơhền ngan hơ\ tàm hìu bơnhă. Uă cau ùr đơs là, khi kờn dờp geh bơta dong kờl bơh bơklau dê nàng gơtùi lơh niam gơnuar broă pơ ùr, lơh mè, mờ ờ ko\ng uă ir bơta bòl glar kal ke:

“ Là cau ùr, a` kơ\p kờn, bơklau oh kon a` pal dong kờl bà a` tàm ală broă tàm hìu.

A` kơ\p kờn bơklau a` sền gròi tus pơ ùr uă rlau mờ gi\t dong kờl bal ală broă tàm hìu.

Jơnau mờ a` kơ\p kờn tàm bơklau a` tơ nơ\ do, là khai hơ\ gơtùi dong kờl bà a` tàm broă hìu, gi\t wa\ wờng bal mờ ală broă lơh dà lơgar mờ mpồl bơtiàn bơh pơ ùr dê, mờ sền dờng màng jơnau đơs kung bè rài kis mờ bơta kơlôi sơ nơng is bơh pơ ùr dê dùl êt”.

Jăt uă cau jak chài ờs mờng gah nùs nhơm bồ tơngoh, den bơh tài ală hìu bơnhă rài pa tàm lơgar he kung gam ờ hềt kơ\ kơl jăp geh nùs nhơm ring bal cau klau mờ cau ùr, bulah neh geh uă tam gơl uă ngan là tài bơh bàr đah ờ hềt jòi geh jơnau đơs bal. Den tàng bè hơ\, ală ùr bơklau kờn pal ơm nggui bal wơl mờ gơ\p, nàng đơs ală jơnau kơlôi sơ nơng, bơta kơ\p kờn bè gơnuar broă mờ bơngă bơh he dê tàm hìu bơnhă. Tu\ gi\t wa\ jơh ală bơta bòl glar kal ke mờ pơ ùr he dê gam pal ko\ng, den cau bơklau geh ală bơta tam gơl is di tu\. Bè đah cau ùr, bơta ngăc ngar, dipal tàm tu\ boh bơr là jơnau kuơ ngan dong khi dờp geh bơta dong kờl jơh nùs bơh bơklau dê. Thạc sĩ gah nùs nhơm bồ tơngoh là mò Đào Lê Hoà An kuang geh jơng tàm Mpồl duh broă dà lơgar Mpồl kơlôi sơ nơng nùs nhơm bồ tơngoh làng bol bòn lơgar Việt Nam, đơs:“ Cau klau tàm hìu bơnhă kờn pal sền gròi, dong kờl pơ ùr bơh ală broă lơh dềt rơhền ngan, lơbơn lơmư ngan. Bol he gơtuì dong pơ ùr broă tàm hìu, bè ràu jơlu\ bơngàn, pìh phan bơh broă tam pà dipal. Bè hơ\, ngan ngồn broă tàm hìu geh nggờc rlau mờ geh tơr mù bơta àn ơnòng kơn jơ\ kơn ju\t ai cau ùr in. Mơya, cau ùr pal chài ngan nàng pơn jờng, chul chồl bơklau he dê”.

Tàm rài kis hìu bơnhă rài pa, tu\ cau ùr geh sền dờng màng mờ dong kờl bal bơh ală broă dềt rơhền ngan rlau jơh, tu\ hơ\, ngan ngồn geh bơta ring bal cau klau mờ cau ùr.

                                                            }au mblàng Lơ Mu K’ Yến.