VOV4.K’ho – Bơh nam 2008 tus tu\ do, càr Daklak geh rlau 26.500 lồ brê, ù brê gơtìp ală hìu làng bol sơgràm phà tìs mờ adat boh lam nàng lơh sa sươn sre. Jat Ủy ban Nhân dân càr Daklak yal, bơh lồi nam 2016, geh 13 tàm 15 kơnhoàl mờ [òn dờng ki\ broă lơh tơrgùm ai wơl brê, ù brê gơtìp koh kơl aniai, gơtìp sơgràm ai tìs mờ adat boh lam.

Tềng đap mat kờ` pal sờr ntrờn, ai tơrgùm wơl mhar tơn rlau 15 rbô lồ brê nàng tam wơl brê. Mơya, tàm bơta geh ngan rơ\p mìng tus sờr ntrờn hìu kù, koh kơl chi tam tìs mờ adat boh lam tàm bă ù brê sơgràm ai tìs mờ adat boh lam, ai broă tơrgùm ai wơl ù brê nàng tam wơl brê den gam uă bơta ờ hềt lơh gơtùi.

Cau cih mờ yal tơngi\t- Lơ Mu K’ Yến