VOV4.K’ho - Drim òr (20/05), tàm Hà Nội, neh mut lơh dơ\ pơrjum  dờng màng pơrjum dơ\ 9, Gơnoar ala mat dà lơgar kơna\ 13. Đơs tàm dơ\ mut pơrjum,  ồng Nguyễn Sinh Hùng kuang atbồ gơnoar ala mat dà lơgar neh đơs tờm: Pơnjat tai bơtàu tơngguh dà lơgar, 5 nhai bồ nam do, lơh sa-mpồl bơtìan dà lơgar he geh ua\ tam gơl niam,  gơguh lơh sa geh ai go\ loh ngan, pria\ ta\ dia geh ai go\ gơguh ua\,  pria\ cồng bơh anih pria\ jền pơnjat tai gơmù, bơta kuơ mpồl bơtìan, ala\ broa\ lơh tơmù rbah geh sền gròi dùl ròt, sền gàr ngap lơngai geh bơtàu tơngguh,  bơta  ờ do ờ da\ mpồl bơtìan geh gàr kơ\.

 Kung tàm dơ\ mut pơrjum,  ồng Nguyễn Thiện Nhân kuang atbồ anih duh broa\ gah tề lam gùng dra\ bal dà lơgar ai git: Rcang tus dơ\ pơrjum, gah tề lam gùng dra\ bal dà lơgar ala\ kơna\ mờ ala\ mpồl kuang bàng gơnoar ala mat dà lơgar neh trơ gùm geh rlau 3 rbô 800 jơnau kờ` đơs bơh cau te\ khà mờ làng bol gùt lơgar neh pơyua tus Gơnoar ala mat dà lơgar. Ala\ jơnau kờ` đơs geh đơs ua\ ngan tàm 6 tơngu me bơh sơnrờp bè bơta  lơh sa, cau lơh sa, mờ [òn lơgar, rài kis làng bol mờ gàr niam bơta kuơ mpồl bơtìan, mut lơh ala\ gùng dà broa\ lơh, adat boh lam bè ù tiah, atbồ phan bơna, sền gàr tiah kis, bơto bơtê mờ bơsram, lơh sơnơm, tam dra\, sơndra\ mờ sa kuề sa kùa, hoàc hươr mờ broa\ geh lơh niam bal hia\ sra\ nggal.

                                      Cau mblàng K’ Brọp.