VOV4.K’ho- Rơndăp broă lơh gùng rơndeh ntoăt răt Dầu Giây- Liên Khương ( bơh Đồng Nai tus Lâm Đồng) jòng mờr 200 kơi sồ geh tam pà gơs 3 rơndăp broă lơh bơnah mờ kờp jơh priă bơcri lơh là rlau 55 rbô tơmàn priă. Tàm hơ\, rơndăp broă lơh bơnah 1 bơh Dầu Giây- Tân Phú rơcang lơh bơh tàm lồi nam 2017 jat broă lơh sră pơrgon BOT. Rơndăp broă lơh bơnah 2 bơh Tân Phú tus Bảo Lộc jòng 66 kơi sồ mờ kờp jơh priă bơcri lơh là rlau 17 rbô 260 tơmàn geh lơh mờ priă càn ODA. Digơlan bơnah priă càn ODA là 14 rbô 300 tơmàn, priă càn bơh Gơnoar atbồ lơgar dê là 2 rbô 300 tơmàn. Rơndăp broă lơh bơnah 3 bơh Bảo Lộc tus Liên Khương jòng 73 kơi sồ mờ khà priă bơcri rlau 23 rbô tơmàn priă geh bơcri lơh jat broă lơh sră pơrgon BOT geh priă dong kờl bơh dà lơgar dê nàng kờn lơh geh cồng nha. Bàr rơndăp broă lơh bơnah 2 mờ 3 digơlan mu\t lơh tàm nam 2018 mờ geh lơh gơs tàm nam 2021. Bè hơ\, mờr 200 kơi sồ gùng rơndeh ntoăt răt tơrbo\ bơh càr Đồng Nai tus càr Lâm Đồng jat broă rơndăp lơh geh lơh gơs mờ ai rơndeh in lòt rê tàm nam 2021.

Cau cih mờ yal tơngi\t- Lơ Mu K’ Yến