VOV4.K’ho – Jat Mpồl lơh broă sùm Mpồl đơng lam Tây Nguyên yal, tơngai do, ală càr tàm Tây Nguyên geh 827 hìu sơnơm dà lơgar dê crơng gơs, tàm hơ\ geh 31 hìu sơnơm càr, 76 hìu sơnơm kơnhoàl, mờ 750 hìu sơnơm ntum. Kuơmàng, 82% khà hìu sơnơm ntum tàm ală càr Tây Nguyên neh geh bác sĩ lơh broă, jơnhoa rlau pơndrờm mờ khà kờp bal bơh gùt lơgar dê (gùt lơgar geh 78,5%). Mơya, tài bơh bơta is rơmis bơh kơnhoàl ù tiah do dê là ù tiah dờng ơnàng ngan, làng bol ơm kis rơha, làng bol kòn cau gam uă bơhiàn ờ niam gam bơngơl gơla ờ hềt bơtàu tơnguh ngan ngồn, ờ huan geh tơl pràn kham sơm kòp tàm hìu sơnơm. Ală hìu sơnơm ờ hềt ndrờm bal, ờ hềt lơh geh jơnau kờn bè phan bơna, phan ngui lơh broă. Mpồl cau lơh broă gam ờ tơl mờ ờ jak tàm broă lơh ờs mờng, pràn jak ngui ală măy mok lơh sơnơm dùl e\t ngan…gơlam tus cồng nha broă lơh kham sơm kòp sền gàr pràn kơldang să jan làng bol in tàm tiah do là ờ hềt uă pơndrờm mờ jơnau kờn ngan ngồn.

Cau cih mờ yal tơngi\t- Lơ Mu K’ Yến