VOV4.K’ho – Drim ngai 7/10, tàm Hà Nội, Mpồl đơng lam dà lơgar bè rơcang sơndră trồ tiah lơh aniai bơyai lơh pơrjum cribơyai ală rơndap broă sơndră mờ mìu nhàc mờ broă gơlik geh bơh mìu dà ko\ dà cò dê. Thứ trưởng Bộ Nông nghiệp mờ Phát triển Nông thôn, ồng Nguyễn Hoàng Hiệp tơngkah, tiah mìu nhàc digơlan ờ jai pràn tai, bulah bè hơ\, kung gam lơh gơbàn mìu dờng ờ niam tàm tiah tàm gùl lơgar mờ Tây Nguyên. Jơnau pơhìn gơbàn hoàc huơr tài bơh trồ tiah lơh aniai là dờng ngan, kuơmàng là ờ do ờ dă bơ tơt kìng dà mờ lơh broă sa suơn sre.

Ồng Nguyễn Hoàng Hiệp đơs nền, ală tiah, ngan là ală tiah geh jơnau pơhìn ua\ bè ngơr bam tài bơh mìu dờng pal jơh nùs tàm broă đơng lam, ờ lời gơlik geh bơta dà ko\ dà cò tàm rơndap rơndồl; rơcang lài ală rơndap broă dong kờl rềs àr tàm tơl broă gơlik geh bè gùng lòt gơtìp dà wềl, tam cah is; ngơr bam tiah đah đơm, mhar kờp sền, git go\ ală jơnau pơhìn pa nàng ntrờ` làng bol lik bơh tiah ngòt rơ ngơt bè dà ko\ dà cò, tơrlah ù.

Cau mblàng K’Duẩn