VOV4.K’ho- Mho ngai 29/01, tơ nơ\ tu\ tơn jơh ngai lơh broă dơ\ 5 bơh Pơrjum dờng Đảng dơ\ 13 dê, Thủ tướng Nguyễn Xuân Phúc neh đơng lam pơrjum Thường trực Chính phủ tàm Tiah tờm pơrjum dà lơgar Mỹ Đình bè broă lơh rơcang sơndră kòp Covid-19. Thủ tướng đơs nền nùs nhơm “sơbac mhar mờ ală broă lơh jơh nùs, krà` cê, ring bal bơh tu\ ală tiah geh kòp geh sền go\ mơ”.

Thủ tướng kung đơs lah, tơngkah ală tềl tơnggo\ ờ krà` cê kơryan geh cồng nha dilah geh, ngan là 2, 3 càr [òn dờng, 2, 3 tiah ờ huan rơcang ngac. Thủ tướng đơs là, tàm tu\ lam lơh broă lơh sơndră kòp, bol he neh geh ua\ broă lơh ngan ngồn mờ bơta đơng lam tơn, bơta đơng lam nền nòn bơh Phó Thủ tướng, ồng Vũ Đức Đam, Kuang atbồ Mpồl đơng lam dà lơgar rơcang sơndră kòp Covid-19, Bộ trưởng Bộ Y tế, ồng Nguyễn Thanh Long.

Tus tu\ do, Mpồl đơng lam dà lơgar mờ Bộ Y tế neh lơh 2 dơ\ tàm jàu broă lơh gùt lơgar. Kuang đơng lam bồ ua\ càr, [òn dờng gam tus bal pơrjum dờng Đảng gùt lơgar dơ\ 13 neh dan jơnau đơs mờ geh Đoàn Chủ tịch ai gơ noar rê bơh pơrjum dờng nàng rê đơng lam tơn broă lơh rơcang sơndră kòp tàm tiah he dê, tus xã, sơnah [òn, lơh jat jơnau đơng lam bơh dà lơgar dê mờ nùs nhơm krà` cê, lơh broă ring bal.

Cau mblàng K’Duẩn