VOV4.K’ho - Tàm tiah nhàr lơgar  càr Dak Lak, brê dơm chi dờng nhai do jrùh jơh nha. Ngai den tơngai duh, trồ mang den càk khồm pràn. Tàm tiah hơ\, geh ală cau ling sền gàr tiah nhàr lơgar gam at kơ\ nggkơr phàu sền gàr tiah nhàr dà lơgar, nàng làng bol sa tềp Bính Thân ngap lơngai, chờ hờp, ram mhu\:

Mang đơs crih tamya lồi nam tàm hìu pơrjum pôs ling sền gàr tiah nhàr dà lơgar Ia Rvê, kơnhoàl Ea Sup, càr Dak Lak, ờ tơr gùm uă kuang bàng, cau ling, mơya kung gam ram mhu\. Ală bi pa rê bơh ală anih sền gròi, tàm muh mat, tàm sap đơs crih kung gam cèng nhơm càl. Bi Đỗ Trí Anh, pôs ling sền gàr tiah nhàr lơgar Ia Rvê yal: “ Sa tềp tàm tiah sar lơgar ngài den bol a` ndrờm kah hìu, mơya neh là cau ling tàm mpồl ling, ngan là ling sền gàr tiah nhàr lơgar, là cau sền gàr tơn tiah nhàr dà lơgar, den bol a` kung lời wơl nùs nhơm is, nàng lơh jơh kơnòl sền gàr tiah nhàr dà lơgar, drơng dà lơgar, làng bol in geh sa tềp chờ hờp, ngap lơngai.”

Mang đơs crih bal tàm mpồl ling

Tu\ ală cau tàm pôs ling chờ hờp đơs crih tamya gờm chờ sơnam pa, den ală cau ling bơh ală mpồl lòt sền, ơm krau\ lài gam at kơ\ nggkơr phàu tàm tiah brê ngài. Trung uý Lê Văn Trung, atbồ mpồl ling phàu crong, pôs ling sền gàr tiah nhàr dà lơgar Ia Rvê pà git, mpồl tam lơh sùm tơr gùm uă, nàng lơh jơh kơnòl geh jàu: “ Kuang bàng, cau ling tàm mpồl ờ mìng lòt sền trồ ngai, mờ gam ơm krau\ lài, lòt sền trồ mang. Sa tềp bơhìan 2016 tàm bơta trồ tiah ờ niam, neh geh bơta đơng lam mờ pơn jờng nùs nhơm bơh mpồl đơng lam bồ pôs ling dê, den oh mi jơh nùs rơcang lài tam lơh, sền gàr gơnoar tờm ngap lơngai tiah nhàr dà lơgar.”

Mpồl ơm krau\ lài tàm sơne\ 3 gùng dềt, sơne\ 3 dà dờng Ea Hleo mờ dà dờng Ya Lôp, tiah nhàr bơh 4 càr Dalak, Gialai, lơgar Việt Nam dê mờ Mundulkiri, Ratanakiri, lơgar Campuchia.

Tu\ lơi kung rơcang tam lơh

Rơhài dờng, sơmac brê, ù tiah kơh bơnơm, trồ tiah ro kơn ra`…. ờ lơh tam gơl nùs nhơm kuang bàng, cau ling sền gàr tiah nhàr dà lơgar. Đại uý Hoàng Ngọc Ân, kuang jat jơng atbồ pôs ling sền gàr tiah nhàr dà lơgar Ea Hleo yal, rơcang tơl làm, sền gròi niam rài kis cau ling, pôs ling neh mut lơh geh cồng nha ală rơndap broă sền gàr tiah nhàr dà lơgar: “ Pôs ling neh mut lơh ring bal ală broă lơh, ngan là tàm dơ\ sa tềp, sền gròi rài kis phan bơna, nùs nhơm nàng oh mi kuang bàng cau ling bè nùs nhơm là sùm kơ\ nùs bơsong kal ke. Bè rài kis phan bơna den geh bơta sền gròi bơh kơnă hơđang, hơ\ sồng ală pôs ling dờp lơh oh mi dong kờl, làng bol tiah nhàr dà lơgar kờ` gơboh, dong kờl bal, den pôs ling kung neh rơcang tơl làm, ai oh mi sa tềp chờ hờp mờ ram mhu\ tàm nùs nhơm pôs đồng là hìu, tiah nhàr lơgar là bòn tờm, làng bol tiah nhàr dà lơgar là oh mi tờm pròc mhàm.. mờ jơnau đơs hơ\ den mpồl đơng lam pôs ling neh gàr niam ală kuang bàng, cau ling in geh dùl dơ\ sa tềp tơl làm, hờm ram mờ bềng nùs nhơm oh mi, nùs nhơm ling klàng làng bol tàm tiah nhàr dà lơgar.”

Thượng tá Đồng Văn Triệu, atbồ pôs ling sền gàr tiah nhàr dà lơgar Ia Rvê pà git: “ Đal git kơnòl sền gàr gơnoar tờm ngap lơngai tiah nhàr dà lơgar là tờm, mờ kuang bàng cau ling geh chờ hờp sa tềp wă rò sơnam pa lài. Tơnguh niam rài kis phan bơna, nùs nhơm tàm dơ\ sa tềp, den bol a` neh dong kờl tơmut tàm ală dơ\ sàu sac au ling in tàm 4 ngai sa tềp, tơl nă tàm 1 ngai là 150 rbô, bal mờ ală khà tơl gàr niam jat jơnau sồr, mơkung tă dùl êt kes priă dong kờl nàng ai tơl nă kuang bàng cau ling in geh phan pơyua cau tờm in halà ngui sa tàm sa tềp. kuang bàng, cau ling kung pal sền gàr nùs nhơm kac màng, lơh broă niam, ngan là tàm broă sền gàr ngap lơngai tàm dơlam is nàng lơh jơh kơnòl geh jàu.”

Mpồl ling sền gàr tiah nhàr dà lơgar sa tềp gờ`, nàng wă rò tơngai tàm jàu sơnam tàm bơta chờ hờp lơh jơh kơnòl kuơ màng sền gàr tiah nhàr dà lơgar.

Klơm mbar bal mờ ală cau tàm mpồl

Thiếu tá Vũ Xuân Đại, atbồ pôs ling sền gàr tiah nhàr lơgar Dak Ruê pà git: “ Gơ wèt mờ mpồl ling sền gàr tiah nhàr dà lơgar den broă sền gàr tiah nhàr dà lơgar là ngai kung bè mang, mờ tơngai tàm jàu sơnam pa tàm tiah nhàr lơgar den sùm geh kuang bàng đơng lam bồ bal mờ ờ uă oh mi kơnă mpồl. tơnơ\ mờ tu\ wă rò tơngai tàm jàu sơnam pa tàm pôs ling den bol a` ờ mìng mut lơh broă lòt sền mờ gam wă rò sơnam pa bal mờ ală anih sền gròi tàm tiah nhàr dà lơgar.”

Jat Đại tá Phạm Quang Hùng kuang atbồ gah đơng lam ling klàng càr Daklak, ală pôs ling sền gàr tiah nhàr dà lơgar neh sền gròi tơl niam ngan rài kis phan bơna mờ nùs nhơm tus mờ kuang bàng, cau ling, lơh jơh niam kơnòl sền gàr kơ\ gơnoar tờm tiah nhàr dà lơgar, gàr niam ờ do ờ dă mpồl bơtiàn tiah nhàr dà lơgar nàng làng bol chờ hờp sơnam pa wă rò sa tềp Bính Thân wil tơl: “ Ală pôs ling ndrờm geh rơndap broă niam ngan, tàm hơ\ bơyai lơh sa tềp lài, wă rò sơnam pa tu\ ală mpồl lơh broă bơh ală gah, mpồl lơh broă tus nting sap sa tềp den kung bơyai lơh tơn cau ling in sa tềp, nàng ală ngai sa tềp cau ling tơr gùm tàm kơnòl sền gròi lơh broă tàm ală anih, mpồl tàm tiah nhàr dà lơgar kung bè tàm bòn lơgar. Ală pôs ling kung bơyai lơh ală broă lơh chài rơgơi đơs crih tamya, tàp pràn să jan nàng pơn jờng nùs nhơm, lơh gơs bơta chờ hờp ai ală kuang bàng cau ling in iang nùs lơh broă, rơcang lài tam lơh, sền gàr ngap lơngai tiah nhàr dà lơgar, bòn lơgar lài mờ tu\, tàm tu\ mờ tơnơ\ mờ tu\ sa tềp, gàr niam làng bol in iang nùs chờ hờp wă rò sơnam pa.”

Sơnam pa gam tus tàm ală ntê bơkàu mai rơmit niam ngan tàm làm gùt tiah nhàr dà lơgar càr Daklak. Ală bă brê dơm chi dờng jrùh nha kung neh sơn đờm cat cồng tơlir. Tiah hơ\, ală kuang bàng, cau ling sền gàr tiah nhàr dà lơgar gam at kơ\ nggkơr phàu sền gàr tiah nhàr dà lơgar, nàng làng bol in iang nùs chờ hờp wă rò sơnam pa.

                                                            Cau cih mờ yal tơngit K’ Duẩn