VOV4.K’ho – Mho òr (8/6), lơh broă sùm Mpồl đơng lam Tây Nguyên neh yal mờ cau lơh bau\ bè bơta lơh sa mpồl bơtiàn, hòi jà kă bro mờ bơcri priă gùt tiah Tây Nguyên.

Tàm hơ\, tam gơl niam ngan rlau jơh là broă mut lơh priă bơcri bơtàu tơnguh di priă bơcri kes priă dà lơgar dê mờ rlau 2.600 tơmàn priă; uă ngan tơr gùm tàm ală gah bơtơt rbòng dà, lơh sơnơm, bơto bơsram, bơt bơtàu phan bơna tàm ntum uă kal ke, tiah nhàr dà lơgar. 5 nhai do, gùt tiah do geh tai 1.500 mpồl lơh sa kă bro pa crơng gơs, mờ priă bơcri cih mat rlau 3.200 tơmàn priă. Mờ bơta đơng lam krà` cê bơh Gơnoar atbồ lơgar dê, bơh bồ sơnam tus tu\ do, gùng lòt tàm Tây Nguyên neh geh uă tam gơl niam. Rơndap broă lơh niam gùng rơndeh 20 tơrbo\ Dà Làc mờ [òn dờng Hồ Chí Minh geh lơh gơs; rơndap broă lơh niam gùng Hồ Chí Minh gơl lòt gan Tây Nguyên geh chồl mhar tơngai mut lơh, geh ai rơndeh lòt rê tàm lồi nhai 6 do. Mờr tus, gùng rơndeh 26, 27 gơl lòt gan Tây Nguyên kung pơnjat tai geh lơh niam.

                                                                                       Cau mblàng K’ Duẩn