VOV4.K’ho - Trồ tiah prang, tơngai duh jo\ ngai bơh nhai 12/2014 tus bồ nhai 5/2015, neh lơh hoàc huơr uă ngan tàm càr Dak Lak. Jăt gah lơh sa mờ tơnguh bơtàu [òn lơgar càr Dak Lak yal, gùt càr geh khà phan tam gơtìp prang lơh aniai là rơlao 52 rơbô lồ, tàm hơ\ khà ù gơtìp ờ geh tơnhào tài ờ tơl dà kờ` sơndră mờ prang là 3 rơbô 328 lồ. Dơ\ trồ prang jo\ tàm uă nhai do neh lơh uă croh dà soăt, dà căt gơmù, soăt jơh. Jăt jơnau yal bơh ală kơnhoàl tàm càr Dak Lak, neh geh 200 broă lơh bơtơ\t rơbòng dà ờ gơtùi lơh broă tai… bơh bồ nhai 5 tus tu\ do, tàm càr Dak Lak neh geh mìu rah tàm ờ uă tiah, khà prang neh gơmù, kuơ màng ngan là tus mờ tòm kơphe. Bu\ lah bè hơ\, khà dà tàm ală dà dờng, dà croh mờ dà căt ờ hềt geh bơtơl, lơh g^t nđờ rơbô hìu làng bol gam ờ tơl dà ngui sa.

Cau mblàng Ndong Brawl