VOV4.K’ho - Ngai òr (25/6), rơlao 58 rơbô nă kơnòm bơsram tàm 5 càr Tây Nguyên neh lơh gơs ngai pơrlòng sơnrờp bơh dơ\ pơrlòng jơh bơsram cấp 3 dà lơgar nam 2019, mờ 2 môn pơrlòng là văn mờ toán.

               Kơnòm bơsram pơrlòng tàm anih pơrlòng hìu bơsram Cao đẳng Sư  phạm Dak Lak

Ngai pơrlòng sơnrờp ngan tàm Tây Nguyên geh bơyai lơh tàm trồ tiah mrềt niam, gùng lòt geh gàr niam. Jăt jơnau yal tàm thị xã Gia Nghĩa, càr Dak Nông, tàm càr Kon Tum mờ [òn dờng Dà Làc, càr Lâm Đồng, tàm môn Văn mờ Toán, ală kơnòm bơsram geh lùp ndrờm pin dờn geh điểm di mơ rơlao hờ đang.

                    Ală kơnòm bơsram tàm càr Lâm Đồng pin dờn mờ jơnau pơrlòng môn Toán

Mpồl sền gròi bơh Bộ Giáo dục mờ Đào tạo dê neh lòt sền broă rơcang pơrlòng, bơyai lơh sền pơrlòng tàm 5 anih pơrlòng bơh kơnhoàl Mang Yang mờ [òn dờng Pleiku, càr Gia Lai dê.

                     Kơnòm bơsram tơn jơh jơnau pơrlòng môn toán tàm anih pơrlòng hìu bơsram cấp 3 PLeiku

Mpồl sền gròi đơs, Mpồl đơng lam dơ\ pơrlòng tàm càr Gia Lai neh pơlam, bơyai lơh pơrlòng niam, di mờ broă rơndap lơh; phan bơna wil tơl, [uơn cau pơrlòng in; 2 môn pơrlòng sơn rờp geh lơh niam, ờ do ờ dă.

Mpồl sền gròi kung jờngrơ broă pơgồp bal bơh gơnoar atbồ ală tiah mờ tỉnh Đoàn Gia Lai dê tàm broă dong kờl nhai pơrlòng nam do.

Tàm ngai sơnrờp, rơlao 13 rơbô nă cau pơrlòng tàm càr Gia Lai neh lơh gơs 2 môn pơrlòng là Văn mờ Toán. Tàm jơh 2 môn thi, Gia Lai ờ geh cau pơrlòng mờ kuang bàng sền pơrlòng lơi lơh tìs kơrnoăt pơrlòng.

Tàm ngai pơrlòng sơnrờp càr Lâm Đồng geh 113 nă kơnòm bơsram ờ tus pơrlòng, 1 nă kơnòm bơsram tus pơrlòng môn Ngữ văn gơtìp ờ ai pơrlòng tài tìs mờ kơrnoăt pơrlòng.

Tàm càr Kon Tum geh 21 nă kơnòm bơsram ờ tus pơrlòng (tàm 2 [ùi pơrlòng).

Càr Dak Lak ờ tus 109 nă tàm dơ\ pơrlòng môn Toán, 89 nă kơnòm bơsram ờ tus pơrlòng môn văn. Dơ\ pơrlòng nam do, tàm càr Dak Lak geh 860 jơdu\ pơrlòng ai tàm 32 hìu bơsram tàm 15 kơnhoàl, thị xã mờ [òn dờng.

Cau mblàng Ndong Brawl