VOV4.K’ho- Dơ\ pơrlòng jơh bơsram kấp pe nam 2020 gam tus rềp, tàm tơngai càr geh kòp bạch hầu mờ gam sơlơ tơnguh tai broă lơh rcăng sơndră kòp Covid-19, rơnàng kơnòm să càr Kon Tum geh uă broă lơh geh kuơ ngan nàng dong kờl ai ală cau pơrlòng in. Kờp tus mho ngai 5/8, Ban thường vụ Tỉnh đoàn Kon Tum neh hòi jà tă pơgồp geh rlau 9 rbô nơm chèu mờ 75 thùng dà hùc pà ală cau pơrlòng in.

Kuang bàng, đoàn viên Tỉnh đoàn Kon Tum neh lơh is 500 nơm sơgơn kơryan dà gơpra`

Bal mờ hơ\, Mpồl Tam klăc ơruh pơnu Việt Nam càr Kon Tum kung neh crơng gơs 36 Mpồl lơh broă dong kờl is, bal mờ 650 nă cau dong kờl is rcăng dong kờl ală cau pơrlòng tàm ală ngai pơrlòng. Nàng lơh niam broă rcăng sơndră kòp bạch hầu mờ kòp Covid-19 ai ală cau lơh broă dong kờl is tus bal dong kờl cau pơrlòng in, kuang bàng, đoàn viên Tỉnh đoàn Kon Tum neh lơh is 500 nơm sơgơn kơryan dà gơpra` pà cau tàm ală mpồl cau lơh broă dong kờl is in.

Cau mblàng Lơ Mu K’Yến