VOV4.K’ho-Lơh jat nùs nhơm lam lài, lơh is bơh rơnàng kơnòm să dê, tàm ală nam do, rơnàng kơnòm să Kuang àng càr Lâm Đồng sùm là mpồl cau lam lài lòt lài tàm jơh ală broă lơh, cap rơcang sơrlèt gan jơh ală bơta kal ke nàng lơh gơs jak ngan kơnòl broă geh jàu. Tàm broă lơh tơrgùm bal pràn tài mpồl bơtiàn, rơnàng kơnòm să Kuang àng càr Lâm Đồng sùm wèt tus ală broă lơh lam sồr làng bol mờ broă lơh mpồl bơtiàn lơh broă niam nùs nhơm, lời wơl ală jơnau kah mờ nùs nhơm niam bơne\ ngan bè cau ling Kuang àng tàm nùs nhơm làng bol dê.

Tàm ală broă lơh lòt lơh broă hờ [òn lơgar, den lòt bal mờ làng bol tus bal bơ\t bơtàu [òn lơgar pa, tus bal toah wàs rbòng dà, lơh gùng lòt, lơh niam wơl hìu ơm ai ală hìu bơnhă chính sách, dong kờl àu mpha, sră măy sră cih ai kơnòm bơsram r[ah in…sùm geh rơnàng kơnòm să kuang àng càr Lâm Đồng bơyai lơh sùm. Đại úy Phan Văn Phú, Bí thư Mpồl ơruh pơnu Kuang àng càr Lâm Đồng, pà gi\t: Do là ală broă lơh geh kuơ ngan, sùm gơhòi gơ jà gal ngan ală đoàn viên ơruh pơnu lơh bal. Đại úy Phan Văn Phú, đơs:

“Broă lơh tơrgùm bal pràn tài mpồl bơtiàn geh ală đoàn viên tàm mpồl kuang àng càr Lâm Đồng jơh nùs lơh pràn. Bơdìh mờ dong kờl ală hìu bơnhă chính sách, kơnòm bơsram geh rài kis kal ke den jat ờs mờng tu\ tơngai, tơngume broă lơh, mpồl ơruh pơnu kuang àng càr lam lơh uă broă lơh dong kờl ală làng bol kòn cau tàm tiah sar lơgar ngài, ală broă lơh bè kàl mrềt ram, lơh broă dong kờl is kàl mrềt, sơnam pa kờn gơboh, lơh broă dong kờl is kàl rlô bơkang, hơ\ sồng ală broă lơh bè sòl àng gùng [òn, pà sră cih sră măy ai kơnòm bơsram in, pà phan ai hìu bơnhă chính sách in bal mờ khà priă gơguh tus gi\t nđờ rhiang tơlak”.

Bal mờ hơ\, broă lơh sơnơm, sền gàr pràn kơldang să jan ai làng bol in kung geh ală đoàn viên, ơruh pơnu Kuang àng càr Lâm Đồng lơh jat jơh nùs ngan. Mờ jơnau đơs “Dùl ntờc mhàm ai te\, dùl rài kis ơm wơl”, tam pà bal mờ mpồl bơtiàn tàm broă lơh pà mhàm dong kờl cau, pah nam, Mpồl ơruh pơnu Kuang àng càr Lâm Đồng bơyai lơh êt ngan là bơh rlau 3 dơ\ pà mhàm dong kờl is, lơh geh pơgăp 500 kơldung mhàm pà ai anih ơn prăp mhàm kis in nàng drơng ai broă lơh sơnơm tàm tiah do in. Bơdìh hơ\ tai, mpồl ơruh pơnu kuang àng càr Lâm Đồng gam sùm pơgồp bal mờ hìu sơnơm đa khoa càr Lâm Đồng lam lơh uă dơ\ “Tơngai rlô phồng” rê tus ală tiah sar lơgar ngài bè Cát Tiên, Dà Teh, Dam Rong nàng kham kòp mờ pà sơnơm ờ sa priă ai làng bol ală kòn cau r[ah in, mblàng yal sền gàr pràn kơldang să jan mờ kơryan ală kòp mpồl bơtiàn lơh bơtờp ai làng bol in. Thượng úy Trần Anh Dũng, Bí thư mpồl ơruh pơnu Kảnh sát lùp khàu Kuang àng càr Lâm Đồng, pà gi\t:

“Gơ jat bal mờ broă lơh ờs mờng den bol a` sùm pơgồp bal mờ mpồl ơruh pơnu kuang àng gah ma túy mờ mpồl ơruh pơnu gah cau pơgru bơh cao đẳng lơh sơnơm dê nàng lơh pràn mblàng yal bè ma túy, kòp HIV. Jơh ală tơngume mblàng yal ndrờm geh lơh jat cau mblàng yal nàng yal wơl jơh ală tơngume kuơmàng ai làng bol in”.

Bơh broă bơyai lơh uă broă lơh geh kuơ ngan, srơh tàm pơrlòng “Rơnàng kơnòm să Kuang àng càr Lâm Đồng lam lài, bơceh pa, lơh is, lơh broă geh cồng nha tài bơta lơngăp lơngai Dà lơgar” neh ngai sơlơ geh pràn lơh gơ rề uă, gơhòi gơ jà uă ngan đoàn viên, ơruh pơnu tàm [òn lơgar tus bal. Jat bi Now Hồng Thuyên, là đoàn viên kis tàm xã Tân Châu, kơnhoàl Di Linh, càr Lâm Đông yal, bơh ală broă lơh wèt tus [òn lơgar bơh Mpồl ơruh pơnu kuang àng càr dê, gi\t wa\ lơh jat nùs nhơm lam lài bơh ală đoàn viên ơruh pơnu dê tàm ù tiah xã neh ngai sơlơ gơguh uă tai. Ờ mìng tus bal pơrjum bơyai ơruh pơnu uă mờ tơl ngan mờ gam lơh jat bal jơh nùs ngan ală broă lơh mpồl bơtiàn bơh tiah do dê lam lơh. Bi Now Hồng Thuyên, pà gi\t:

“Mpồl ơruh pơnu kuang àng càr rê tus [òn lơgar bơyai lơh ală broă lơh bè pà phan ai ală kơnòm bơsram kal ke, ală hìu bơnhă chính sách mờ làng bol geh rài kis kal ke in, lòt còp ală hìu bơnhă cau ling sồt să, cau ling chơ\t màng…là dùl nă đoàn viên ơruh pơnu tàm kơnhoàl Di Linh, bol a` sền go\ gơlơh pơ`ìơ să ngan mờ chờ hờp ngan tềng đap ală broă lơh mpồl ơruh pơnu mờ mpồl ơruh pơnu kuang àng càr Lâm Đồng dê”.

Mờ ală cồng nha neh lơh geh bơh srơh tàm pơrlòng “Rơnàng kơnòm să Kuang àng Lâm Đồng lam lài, bơceh pa, lơh broă dong kờl is, lơh broă geh cồng nha tài bơta lơngăp lơngai Dà lơgar”, tơngai lài neh geh rlau 430 mpồl mờ cau dùl nă să is bơh mpồl ơruh pơnu Kuang àng càr Lâm Đồng dê geh Bộ Kuang àng, Mpồl ơruh pơnu Dà lơgar mờ ală anih lơh broă bơh càr Lâm Đồng dê pà sră jờng rơ dờng dềt ală bơta. Mờ Mpồl ơruh pơnu Kuang àng càr Lâm Đồng kung là dùl tàm ală mpồl geh dờp sền 5 nam sùm lơh geh sră jờng rơ jak ngan!

Cau cih mờ yal tơngi\t- Lơ Mu K’ Yến