VOV4.K’ho- Ngai 19/7, Mpồl ơruh pơnu kơnhoàl M’ Drak, càr Dak Lak neh sơn đờm wơl tai broă lơh ma\y ATM phe ntrờ` làm bă tiah nàng kờ` dong kờl làng bol gam gơtìp tam cah is nàng rcang sơn dră kòp bạch hầu. Bal mờ hơ\, Đoàn viên ơruh pơnu bal mờ mpồl tờm tus bal, kơryan tàm ală anih kơryan kòp, mblàng yal mờ hòi jà làng bol lơh jat ală gùng dà broă lơh rcang sơn dră kòp.

Tàm ngai sơn rờp sơn đờm lơh wơl tai broă lơh ma\y ATM phe ntrờ` bă tiah “Tam pà bal bơta kờ` gơboh”, Huyện đoàn M’Drak, càr Dak Lak neh phàt phe mờ bung mi ai 160 hìu bơnhă tàm thôn 7 (xã Cư Cróa) mờ thôn 4 (xã Ea Mđoal), là 2 thôn bơh kơnhoàl M’ Drak gam geh tam cah is nàng rcang sơn dră kòp bạch hầu. Càr Dak Lak tu\ do neh geh 17 nă cau kòp bạch hầu tàm 5 kơnhoàl M’Drak, Krông Bông, Cư Kuin, Lak mờ Cư Mgar. Tềng đap ală bơta gơlik geh kal ke bơh kòp dê, gơnoar atbồ mờ gah lơh sơnơm càr dê gam tơrgùm ală mpồl cau, ai jơh bơta pràn sơn dră kòp. Mơkung, lơh jat broă lơh ơm yah ngài 3 thôn gơ wèt 2 kơnhoàl mờ kờp jơh geh pơgap 4 rơbô nă làng bol.

Cau mblàng K’ Hạnh