VOV4.K’ho- Lơh jat Dơ\ lam sồr “Bơsram mờ lơh jat ơnà jak Bác Hồ dê”, tàm ală nam do, rơnàng kơnòm să càr Daklak bơh [òn dờng, [òn drà tus dì [òn lơgar mờ tiah nhàr lơgar ndrờm geh ală broă lơh loh làng geh kuơ ngan ngồn.

“Bơsram jak, lơh broă jak” là 1 tàm 5 jơnau mờ Bác Hồ bơto sồr neh geh H’Nhat Buôn Yă (kòn cau Rơđê, kơnòm bơsram ơdu\ 12A6, Hìu bơsram kai III Chu Văn An, [òn dờng Buôn Ma Thuột, càr Daklak” kah sùm bơh ală ngai gam bơsram kai bơsram dùl. Là kòn dơ\ 4 tàm hìu bơnhă geh 6 nă oh mi, mè bèp lơh broă sa sươn sre, ală bi ùr ndrờm sơrbì bơsram bơh gờn, bơh tu\ gam dềt, H’Nhat neh rơcang is mờ rơcang lài tàm broă bơsram sră. Sùm 11 nam do, H’Nhat sùm geh sră jờng rơ kơnòm jak tơl ală bơta. Ờ mìng bơsram jak, H’Nhat gam là cau atbồ kơnòm bơsram tàm ơdu\, kuang bàng mpồl ơruh pơnu jơh nùs ngan, tơryang tơryồng ngan. Bơsram jak jơh ală môn, kuơmàng H’Nhat kờn ngan bơsram môn Lịch sử. Bơdìh mờ ală jơnau bơto bơh pơgru dê tàm ơdu\, oh gam jòi sền is ală bơta sră [ău, sră nggal kuơ bè jơnau kah yau nàng geh uă tai jơnau gi\t wa\. Mờ bơta jơh nùs mờ kờn ngan bơsram, H’Nhat neh lơh geh uă khà jờng jơnhoa tàm ală dơ\ pơrlòng bơh càr mờ Dà lơgar bơyai lơh. Oh kung geh Mpồl ơruh pơnu Cộng sản Hồ Chí Minh dà lơgar càr Daklak jờng rơ sơl:  “Broă bơsram mờ lơh jat jơnau Bác Hồ bơto sồr, lài ngan là oh pal bơsram gơ in jak ngan, gơ gơs là kơnòm bơsram jak, kòn dờn bơr, bơsram nàng tơnơ\ do ờ lơh mè bèp muăt jrùm, ờ lơh roh bơta kơ\p kơnờm sùm bơh pơrgu dê. Oh sền dờng màng tàm tơngume bơsram là uă ngan, bal mờ hơ\ oh kung lơh bal ală broă lơh bơh hìu bơsram mờ ơdu\ dê sồr lơh bè tus bal lơh đơs crih tam ya halà ală dơ\ pơrlòng bơh Gah Bơto bơtê mờ bơsram càr dê bơyai lơh. Oh sùm rơndăp tu\ jiơ lơh bal ală broă lơh, lơh bè lơi gơ in niam ngan rlau jơh mơya ờ go\ lơh aniai tus broă bơsram”.

Bơsram mờ pơlam tàp tàm tiah ling klàng, Thượng uý Mai Huy Bình, lơh broă tàm Pôs đồng ling sền gàr tiah nhàr lơgar Ia Rvê, kơnhoàl Ea Súp, sùm lơh ngan lơh jat ală nùs nhơm niam broă lơh jak bơh cau ling wa Hồ dê. Là cau atbồ Mpồl tơrgùm bal sền gàr pal geh, mơkung là Kuang jat jơng atbồ Mpồl ơruh pơnu, Mai Huy Bình sùm lam lơh ală srơh tàm pơrlòng lời ai ală ơruh pơnu tàm mpồl ling in. Bi kung geh uă broă bơceh lơh gơs priă jền, tă pơgồp nàng lơh geh cồng nha ală broă lơh “Hìu 100 đong”; “Dong kờl mờ kơnòm bơsram r[ah lòt bơsram”; mờ “Yờ cơn đoà jơng oh lòt bơsram” bơh hơ\ lơh geh priă jền dong ală hìu bơnhă uă kal ke bè hìu ơm, ală kơnòm bơsram r[ah, kòn đời mè bèp bơsram jak. Thượng uý Mai Huy Bình, đơs: “Tàm broă lơh den sùm lơh ngan lơh gơs jak kơnòl broă, mờ broă geh jàu, mblàng yal kuang bàng, cau ling tàm mpồl ling in, kung bè làng bol [òn lơgar tàm tiah lơh pôs đồng in gi\t geh ală broă lơh niam, broă lơh jak, pơgồp bơnah lơh pràn dơ\ bơsram mờ lơh jat ơnà jak Bác Hồ dê. Tàm tơngai tus, den să tờm a` geh lơh ngan mu\t lơh niam ală kơnòl broă geh jàu, mblàng yal ală kuang bàng, cau ling mờ làng bol [òn lơgar in gi\t ngan gùng dà broă lơh bơh Đảng, Kơrnoat boh lam dà lơgar dê”.

Ai bi Nguyễn Bá Chí Công, Kuang jat jơng atbồ Mpồl ơruh pơnu sơnah [òn Thắng Lơi, [òn dờng Buôn Ma Thuột, den geh uă broă lơh geh kuơ ngan nàng mblàng yal, lam sồr ală ơruh pơnu tàm mpồl lơh bal ală srơh. Mùl màl bè bơyai lơh uă dơ\ ai cau lòt sền gàr niam ờdo ờdă gùng lòt tàm ală mpồng hìu bơsram, bơyai lơh mpồl ơruh pơnu lơh broă dong kờl is mblàng yal ờdo ờdă gùng lòt…Bơh ală broă lơh geh kuơ ngan ngồn do, neh bơtòm tơrgùm, tam klac bal ơruh pơnu lơh bal tàm ală srơh. Kơnờm bơh hơ\, tàm ală nam do, mpồl ơruh pơnu sơnah [òn Thắng Lợi, sùm là mpồl lam lài pơnrơ ngan bơh [òn dờng Buôn Ma Thuột dê. Să tờm bi Công kung neh geh uă dơ\ geh jờng rơ: “Tu\ geh broă lơh dờng bơh Mpồl ơruh pơnu dê kung bè bơh Mpồl tam klac ơruh pơnu dê sồr lơh den ală mpồl ơruh pơnu ndrờm hòi ală ơruh pơnu tàm mpồl, bơh ơruh pơnu jat yàng mờ ală ơruh pơnu kòn cau tàm ală [òn ndrờm tus lơh bal tơl ngan. Tu\ lam lơh ală broă lơh bè hơ\, den kung dong ală ơruh pơnu in geh bơta pràn chồl tă pơgồp bơta pràn mờ dà kơlhề bơh he dê. Tàm hơ\ geh ală broă lơh tàp pràn să jan, chài rơgơi đơs crih tam ya, hơ\ là dùl bơta kờn bơh ală ơruh pơnu dê tu\ do, bè hơ\ den hơ\ sồng tam klac bal, tơrgùm geh jơh ală ơruh pơnu tàm sơnah [òn”.

Nguyễn Bá Chí Công, cau tàm gùl bal mờ ală cau ala mat mpồl ơruh pơnu càr Daklak lòt pơrjum ơruh pơnu gơguh jak lơh jat jơnau Bác Hồ bơto sồr

Bơh ală broă lơh loh làng, geh kuơ ngan, dipal mờ gơnoar broă mờ bơsram sră, rơnàng kơnòm să càr Daklak neh “Bơsram mờ lơh jat ơnà jak Bác Hồ dê” dùl bă duh hồl ngan. Ală broă lơh pơnrơ jak tàm dơ\ lam sồr do neh lơh geh bơta pràn lơh gơ rề uă tus tàm ală ơruh pơnu, pơgồp bơnah kuơmàng tàm broă lơh gơs kơnòl broă mờ bơsram sră tàm ală anih lơh broă, mpồl lơh broă mờ hìu bơsram tàm càr Daklak.

Cau cih mờ yal tơngi\t- Lơ Mu K’ Yến