VOV4.K’ho - Tàm tu\ khà priă bơ sơt kau su gơmù lơyah tàm ală nam do, ală mpồl lơh broă di Binh đoàn 15, Bộ Quốc phòng neh geh uă tam gơl pa nàng gơ rờm bal mờ lơh geh cồng nha lơh sa. Công ty 74, Binh đoàn 15, lơh broă tàm kơnhoàl Đức Cơ, càr Gialai là dùl tàm ală mpồl lam lài:

Bi Bùi Trung Tuấn neh geh 15 rềp mềl mờ Công ty 74, Binh đoàn 15, lơh công nhân còr bơ sơt kau su. Rlau 1 nam do, tu\ suơn kau su tam gơl gơs wàng dờng ròng kơnrồ, bi Tuấn neh tam gơl lơh công nhân bơh xí nghiệp ròng phan pơgồp bal mờ lơh gơlik phơng sih. Bi Tuấn pà git, 2 broă lơh krơi is mơya bi mờ ală công nhân ndai ndrờm lơh ngan bơsram nàng mut lơh gơ in niam, pơgồp bơnah dong mpồl lơh broă lơh jơh kơnòl. Bi đơs: “Tu\ công ty tam gơl gơs uă gah, uă broă lơh, tam gơl gơs broă ròng kơnrồ den bol a` geh bơto pơlam tơl làm nàng tơrgùm geh ală mờng chài, bulah să tờm a` lài do neh ròng kơnrồ tàm hìu, he kung mut ngui nàng ròng kơnrồ gơ in niam. Gàr niam kơnrồ sơntìl kung bè kơnrồ lơh poac nàng tơlik tac.”

Đại uý Trần Quốc Tuấn, atbồ xí nghiệp ròng phan, Công ty 74, Binh đoàn 15 pà git, broă lơh tơr lòng lài ròng kơnrồ bơh mpồl dê neh mut lơh geh rlau 1 nam. Wàng ròng tu\ do geh rlau 500 nơm kơnrồ. Đal git do là dùl rơndap broă lơh sa, kă bro tàm bơta pa, den tàng mpồl sùm sền gròi tus bơta niam. Jơh ală broă lơh tàm ròng phan ndrờm geh mut lơh krà` cê jat bơta chài. Den tàng, tàm rlau 1 nam, jơh ală khà kơnrồ lơh poac mpồl dê ndrờm geh cau kă bro tàm càr mờ bơdìh càr cih mat lài nàng blơi mờ sră cih mat blơi ngai sơlơ gơguh uă. Hơ\ kung là bơnàng jă nàng xí nghiệp rề ơnàng broă ròng phan tàm nam 2017 do mờ ală nam pơnjat tai. Đại uý Trần Quốc Tuấn đơs: “Broă lơh bơh lơh broă sùm mpồl Đảng, mpồl atbồ Công ty kung bè mpồl atbồ xí nghiệp den sền gròi ngan tus bơta niam kơnrồ dê. Bơh broă blơi sơntìl hơ\sồng tus broă siam sa, gàr kloh niam halà tơlik tac. Rơndap broă nam 2017 dê là rề ơnàng broă lơh tus rlau 1 rbô nơm, lơh niam ờ uă wàng ròng, ting lềng kơnrồ nàng poac kơn rồ niam rlau, drơng jat jơnau kờ` drà kă bro dê.”

Trung tá Nguyễn Mạnh Cường, Bí thư Đảng uỷ, Phó kuang atbồ Công ty 74, Binh đoàn 15 pà git, bal mờ broă mut lơh ală broă lơh sa, kă bro pa, công ty kung tơr gùm tơnguh cồng nha lơh sa, kă bro tờm kau su, do là gah kă bro jo\ nam công ty dê. Mờ ală broă lơh pa, sơlơ tơnguh rlau tai kơrnuat lơh broă, mut lơh tềm pềr, công ty neh tơmù gùl khà priă lơh gơlik bơ sơt kau su, pơ gồp b ơnah tơnguh priă cồng mhar tu\ drà kă bro bơtàu tơnguh wơl bè tu\ do. Bơh hơ\, mhar bơ tơl wơl ală hoàc huơr lơh sa gơbàn tàm ală nam lài. Trung tá Nguyễn Mạnh Cường đơs: “Nam 2017 den công ty đal git gam gơtìp uă ngan kal ke. Bulah khà priă bơ sơt kau su gơguh mơya ờ hềt kơljap. Dơ\ 2 là trồ tiah tàm nam 2017 gam gơlik geh kal ke, digơlan ờ niam. Đảng uỷ, mpồl atbồ Công ty 74 đal git uă rơndap broă, broă lơh nàng lơh bè lơi geh bơta pràn sơngka sền gàr suơn chi, gàr niam cau lơh broă in, gàr tơl priă nhai, gàr tơl phan bơna nàng gơtùi lơh geh tàm nam 2017.”

Bal mờ ală rơndăp broă, gùng dà broă lơh sa, kă bro pa, kuang bàng, cau ling, cau lơh broă tàm Binh đoàn 15, Bộ Quốc phòng kung gam mu\t tàm nam pa Đinh Dậu mờ uă bơta niam bè 1 nam geh uă cồng nha. Cau ai tơng^t jơnau đơs do geh jơnau lùp Thượng tá Phan Văn Phú, Bí Thư Đảng uỷ, Phó kuang atbồ Công ty 72, Binh đoàn 15, bè ală nùs nhơm pin dờn, kơ\p kờ` bơh mpồl ling dê tàm nam pa.

- He pa mu\t nam pa Đinh Dậu 2017 tàm nùs nhơm chờ hờp. Kuang bàng, cau ling, cau lơh broă kung bè làng bol tàm tiah pôs ling wă rò satềp bè lơi ơ Thượng tá?

Thượng tá Phan Văn Phú: Công ty 72 geh ù tiah ơm tàm tiah nhàr dà lơgar kơnhoàl Đức Cơ dê mờ mờr 3 rơbô nă cau lơh broă, tàm hơ\ geh rơlao 900 nă cau lơh broă là kòn cau. Kuang bàng, cau ling, cau lơh broă, cau lơh broă tàm mpồl ling den sùm g^t tơl bè kơnòl să tòm tus mờ cau lơh broă tàm mpồl dê kung bè làng bol ală kòn cau tàm do. Mùl màl tàm uă nam do, broă drơng satềp làng bol in đơs bal mờ cau lơh broă đơs is den geh Đảng uỷ, đơng lam ală mpồl ling bal mờ kuang bàng, cau ling, cau lơh broă g^t loh.

Gơwèt mờ nam do, lơh jăt gùng dà broă lơh bơh gơnoar atbồ dê bè broă drơng satềp cau lơh broă kung bè làng bol ală kòn cau tàm tiah nhàr dà lơgar in, bol a` neh geh broă rơcang lài nền nòn ngan. Bơta chờ ngan là, kơnòl lơh sa, kă bro công ty dê geh cồng nha niam rơlao, niam rơlao jăt mờ ală nam lài. Lơh sa, kă bro geh priă cồng den tàng broă tơl niam tàm satềp cau lơh broă bal mờ làng bol ală kòn cau in geh niam rơlao, geh 1 satềp hờm ram, chờ hờp, geh tơl. Bơdìh hơ\ tai, lơh jăt gùng dà broă lơh bơh gơnoar atbồ mờ bol a` kung g^t tơl bè broă drơng satềp cau rơ[ah in, làng bol tàm do in den bol a` tă 1 bơnah khà priă, 1 bơnah kes priă mpồl ling dê. Tơl kờ` ai tơl hìu làng bol kòn cau, tàm hơ\ uă ngan là ală hìu kal ke 1 bơnah phan pà 1 tơlăk priă tàm 1 hìu. Dong kờl làng bol geh 1 satềp tơl, hờm ram.

- Ơi, chờ ngan tềng đăp mờ satềp hờm ram, chờ hờp bơh kuang bàng, cau ling bal mờ làng bol tàm tiah geh mpồl ling dê. Bè hơ\ tàm nam pa do, nùs nhơm, bơta pràn kuang bàng, cau ling, cau lơh broă tàm mpồl ling bè lơi ơ Thượng tá?

Thượng tá Phan Văn Phú: Mờng cồng nha nam 2016 geh den nùs nhơm pin dờn bơh kuang bàng, cau lơh broă tàm công, cau lơh broă neh geh tơnguh. Den tàng, lơh jăt kơnòl nam 2017 den di gơlan tàm ală kuang bàng, cau ling, cau lơh broă tàm Công ty 72 bol a` dê geh 1 nùs nhơm pin dờn uă ngan. Bơh cồng nha uă tàm nam pa do, bol a` pin dờn là di gơlan geh lơh jăt kơnòl lơh sa, kă bro geh tơnguh bơtàu niam rơlao, geh cồng niam rơlao. Bơh tu\ hơ\, pơn jăt tai geh nùs nhơm pin dờn tus mờ cau lơh broă, làng bol ală kòn cau tàm do in.

- Ơi, Dan ưn ngài Thượng tá!

                                                                                    Cau cih mờ yal tơnggit K’Duẩn mờ Ndong Brawl