VOV4.K’ho- Mho ngai 3/6, tàm Hìu duh broă Chính phủ dê, ồng Vũ Đức Đam Phó Thủ tướng Chính phủ đơng lam dơ\ pơrjum bơyai ală gùng dà broă lơh rơndăp tăp sèng wơl drà năc lòt nhơl tàm tơngai tu\ do, kuơmàng là tơnơ\ tu\ lơh thoàr ală broă lơh ơm yah mpồl bơtiàn bơh lồi nhai 4 pa do.

Bơh bồ nam tus tu\ do, khà năc dunia tus Việt Nam mìng geh 3 tơlak 700 rbô nă lơm, gơmù 50% pơndrờm bal dùl tu\ mờ nam 2019. Khà năc tàm lơgar gơmù mờr 60%. Kờp jơh priă geh bơh broă lơh nhơl chờ mìng lơh geh rlau 150 rbô tơmàn đong, gơmù mờr 50% pơndrờm bal dùl tu\ mờ nam 2019.

Tơnơ\ mờ tu\ ală jơnau sồr bè ơm yah mpồl bơtiàn geh lơh thoàr bơh lồi nhai 4 pa do, broă lơh nhơl chờ neh rơhời geh lơh wơl, mơya, broă lơh nhơl chờ Dunia neh gơtìp ơm ing jơh kờp bơh nhai 3 nam do.

Tàm dơ\ pơrjum, ală mpồl lơh sa kă bro đơs là, Chính phủ pal geh broă dong kờl ai ală công ty drơng broă nhơl chờ in, lơh gơlik bơta bơtơl pràn ai gah nhơl chờ in. Yal lài bè khà năc lòt nhơl nam do, tu\ ală broă lơh dong kờl, lơh gơdan lòt nhơl lơh gơkờ` ngan geh lơh, năc tàm lơgar lòt nhơl digơlan geh pơgăp bơh 50 tus 60 tơlak nă.

Cau mblàng Lơ Mu K’Yến