VOV4.K’ho- Bulah kung gam pal lơh ngan nàng kơryan kòp Covid-19 mờ kòp bạch hầu, mơya tu\ g^t jơnau yal uă hìu bềp tru\ phan sa nùs nhơm niam dong kờl is tàm Đà Nẵng gơm sa dong kờl ală tiah ơm yah ngài in gam ờ tơl biăp, plai do, uă làng bol tàm tiah Tây Nguyên neh dùl nùs bal tă pơgồp dà kơl hề, sơm bat tê bal pơyoa tus Đà Nẵng ală căp biăp bềng lìu nùs nhơm…

Đì rơndeh mờr 100 kơi sồ bơh thôn Nam Phú, xã Nam Đà, kơnhoàl Krông Nô, càr Dak Nông tus tàm [òn dờng Buôn Ma Thuột nàng pơgồp dùl ết biăp ai mpồl dong kờl is tàm Dak Lak in pơyoa dong kờl Đà Nẵng, bi Trần Tấn Phú pà g^t, bi g^t jơnau yal do là tài bơh sền jơnau hòi jà dong kờl biăp, plai đo tàm facebook bơh ală oh mi tàm Dak Lak dê. Tơnơ\ tu\ g^t jơnau yal do, bi neh hòi điện thoại tàm yal tơng^t mờ ală cau hòi jà nàng lùp broă tă pơgồp hơ\ sồng cribơyai mờ hìu bơnhă lời 1 sào biăp, tàm kờp jơh bă ù 7 sào biăp bơh hìu bơnhă dê nàng dong kờl Đà Nẵng. Bi Phú đơs là, lời dùl sào biăp geh lơh tơr mù priă lơh geh hìu bơnhă dê, mơya den geh dong kờl ală cau tàm tiah ơm yah ngài in tàm Đà Nẵng geh tơl biăp nàng sa, geh gơ rềng dùl ết bè priă lơh geh hơ\ kung là di ngan sơl.

Tu\ do tàm hìu a` geh 7 sào biăp, a` mờ hìu bơnhă a` lơh nền ai dùl bơnah lơi hơ\ bơh hìu bơnhă dê nàng dong kờl ai Đà Nẵng in mờ tiah lam lài sơn dră kòp. A` kơ\p kờ` bơta tam pà bal bơh hìu bơnhă bol a` dê geh pơ gồp bơnah dong kờl tơl nă cau mhar sơr lèt gan tơngai kòp.

 Ală kơl dung biăp, plai đo geh làng bol prap niam ngan nàng pơ yoa Đà Nẵng in

Bi Nguyễn Thị Thái Thanh, Kuang atbồ Công ty TNHH Ban Mê Green Farm (anih lơh broă tàm [òn dờng Buôn Ma Thuột, càr Dak Lak) là cau lam hòi jà tơl nă cau dong kờl biăp, plai đo ai Đà Nẵng in. Bi Thanh đơs: pơgap mờ do 2,3 ngai, bi dờp điện thoại bơh 1 nă gơ\p bơyô dan bơyai lơh tă pơ gồp biăp, plai do ai ală hìu bềp tru\ phan sa nùs nhơm dong kờl is tàm [òn dờng Đà Nẵng in, tài bơh uă hìu bềp tru\ phan sa dong kờl ală tiah ơm yah ngài in tàm [òn dờng gam ờ tơl biăp, plai đo. Kơlôi là he gơtùi dong kờl dùl ết den bi Thanh neh dờp jơnau.

Tơnơ\ tu\ dờp jơnau dong kờl, bi neh cih jơnau yal kờ` geh dong kờl tàm màng xã hội facebook nàng hòi jà ală cau tam biăp, plai đo, gơ\p bơyô, cau rềp mềr mờ làng bol tàm ù tiah do dê pơgồp bal biăp, plai đo nàng pơyoa tus Đà Nẵng mờ kơ\p kờ` dong làng bol tiah gơbàn kòp geh tai bơta gơn kơnờm, iang nùs rcang sơn dră kòp. Mờ mìng tơnơ\ 4 jiơ đồng hồ, bi Thanh neh dờp geh 1 tần 5 tạ biăp, plai đo ală bơta ta nàng pơ yoa.

 Tơnơ\ 5 ngai hòi jà, tus tu\ do mpồl bi dê neh jun tus tàm Đà Nẵng geh mờr 7 tấn biăp, plai đo mờ ală cau dong kờl biăp plai do ai Đà Nẵng in pah ngai sơlơ uă. Ờ mìng ală cau tam biăp lơm gời mờ uă ngan làng bol r[ah ơm ngài mờ tiah tờm [òn dờng Buôn Ma Thuột g^t nđờ rơhiang kơi sồ kung pơn diang biăp tus tă pơgồp bal sơl. Uă cau mìng geh 2,3 ki\ biăp, plai nhồng, 2,3 nơm plai thanh long… kung ơn tàm thùng niam ngan den hơ\ sồng tus pơyoa.

Uă tu\ gơ lơh ngoh rơngă ngan, go\ tơl nă cau tus bal uă ngan, kơlôi mờ gơlơh nđàc sơng^t ngan Đà Nẵng tu\ do gam là tiah tờm ơm yah ngài bè hơ\ den tơl nă cau lơh jơh nùs nhơm he dê hơ\ sồng sền go\ là nùs nhơm tàm dong tàm kờl bal mờ tam klăc bal bơh jơi bơtìan he dê ngan ngồn là geh. Bè ờs den cau lơi pràn cau hơ\ lơh, piang cau lơi cau hơ\ sa, mơya tu\ mờ gơtìp kal ke là tơl nă cau dùl nùs dùl tồr bal, dong kờl tus lồi du\t. Uă cau gam lùp là geh dờp biăp tai là ờ, a` đơs là a` geh dờp tus dì tu\ Đà Nẵng bè ờs wơl den hơ\ sồng ờ dờp tai.

Mờ yờ ơn dăp tàm rơndeh nàng pơn diag tus tàm Đà Nẵng

Geh biăp plai đo nàng dong kờl ai Đà Nẵng in, mơya mpồl bi Thanh dê gơtìp kal ke tàm broă pơn diang biăp tài bơh jơh ală rơndeh tàm tơr bo\ bal 2 tiah kòp ndrờm ờ ai lòt rê tai. Bi Thanh neh jòi cau dong kờl uă tiah mờ 2,3 nơm rơndeh dong kờl pơn diang mơya mìng geh bơh 100 tus 200 ki\ dùl dơ\ 1 rơndeh lơm. G^t nùs nhơm bơh làng bol Tây Nguyên dê, ồng Nguyễn Thành Long, Kuang atbồ Văn phòng ala mat tiah Tây Nguyên Công ty jun phan mhar Nhất Tín, neh chờ hờp mờ jơh nùs dong kờl tơn.

Rơndeh tu\ do gah a` den sùm geh lòt 1 poh 3 dơ\ den a` geh lòt bal tàm ală rơndeh hơ\. Gah Mpồl lơh broă nùs nhơm niam tàm do yal là kờ` geh nđờ nơm rơndeh mờ bơta kơn jơ\ nđờ den a` rơndap tăp sèng mờ dong kờl jơh nùs mờ Cồng ty gơtùi lơh.

Gơtùi go\ tàm tơnngai kòp dờng ngòt rơngơ\t, bơta tam pà bal bơh làng bol dê ai ală cau tàm tiah gơbàn kòp là bơta dờng màng ngan. Ală rơndeh pơn diang biăp, plai đo mờ làng bol Tây Nguyên pơgồp wơl nàng jun ai Đà Nẵng in ờ mìng cèng tus ai làng bol tàm tiah ơm yah ngài in, tàm hơ\ geh tai bơnah biăp tàm phan sa he dê mờ gam cèng bal nùs nhơm, bơta pin dờn mờ bơta pơn jờng bơh làng bol Tây Nguyên dê wèt tus mờ Đà Nẵng.

            Cau cih Nam Trang- Cau mblàng K’ Hạnh