VOV4.K’ho – Tơnơ\ 10 nam mu\t lơh broă lơh dong kờl ală hìu r[ah là hìu làng bol kòn cau ròng kơnrồ tàm pơdar, Anih tờm Bơto pơlam lơh broă sa sươn sre càr Daklak neh pơgồp bơnah dong gi\t nđờ rhiang hìu làng bol lik klàs r[ah:

Pah drim, mò H’Reng Byă là cau Rơđê kis tàm [òn Yă Wăm B, ntum Ea Kiết, kơnhoàl Cư\ Mgar, càr Daklak lòt siăt tai nhơ\t tàm sươn, tah dềt klài bal mờ lơ\ tơn siam kơnrồ in. Mò pà gi\t, hìu bơnhă mò geh 6 nă cau mơya priă lơh geh pah nam mìng kơ\p kơnờm tàm 4 sào kơphê neh kra tài bơh jo\ sơnam, den tàng rài kis hìu bơnhă kal ke ngan. Nam 2006, Anih tờm dong kờl bơto pơlam lơh broă sa sươn sre càr Daklak dong kờl hìu bơnhă mò dùl nơm kơnrồ me nàng ròng. Kơnờm Anih tờm dong kờl bơto pơlam lơh broă sa sươn sre kơnhoàl Cư\ Mgar bơto pơlam bơta chài ròng siam sền gàr niam, den tàng mìng tơnơ\ dùl nam bơh ròng, kơnrồ me neh deh kơnrồ kòn; hìu bơnhă gàr wơl, ai kơnrồ me den geh jàu tus hìu ndai in ròng. Bơh hơ\ tus tu\ do, hìu bơnhă mò H’Reng Byă neh ròng geh 4 nơm kơnrồ, kờp priă pơgăp 25 tơlak, mờ geh tai tơl bơta nàng sơngka sền gàr kơphê gơ in niam rlau. Mò H’Ren Byă, đơs:“Dilah ờ ròng kơnrồ den ờ gi\t tus tu\ lơi den hìu bơnhă hơ\ sồng jơh r[ah. Tu\ do, geh bàr pe nơm kơnrồ, è kơnrồ den ơn kơphê in, kơnờm bơh hơ\ mờ hìu bơnhă neh geh priă nàng blơi phơng sih, tềm pềr geh priă jền lơh sa. Ưn ngài Đảng mờ Dà lơgar uă ngan, hìu gal kòn mờ ờ geh dong kờl den là bòl glar kal ke ngan, ờ go\ tu\ lơi khin kơlôi tus priă jền dờng bè hơ\ ờ”.

Ồng Y Răm Byă kuang atbồ [òn Yă Wăm B, ntum Ea Kiết, pà gi\t: {òn geh 90 hìu bơnhă, bal mờ mờr 400 nă làng bol, uă ngan là cau Rơđê. Pơgăp mờ do 10 nam, khà hìu r[ah tàm [òn geh pơgăp 1/3. Bơh nam 2006 lài do, uă hìu bơnhă tàm [òn geh Anih tờm dong kờl bơto pơlam lơh broă sa sươn sre càr Daklak dong kờl kơnrồ me deh kòn nàng ròng tàm pơdar. Kuang bàng lơh broă dong kờl bơto pơlam lơh broă sa sươn sre mờ cau lơh sơnơm ntum jơh nùs ngan bơto pơlam broă ròng siam, sền gàr, rơcang sơndră kòp niam ngan den tàng kơnrồ neh kis dờng mờ rơ\ rài ngan. Bal mờ bơtàu tơnguh ròng phan, làng bol geh tai priă jền nàng bơcri tàm broă tam phan. Kơnờm bè hơ\ mờ rài kis làng bol tàm [òn dê geh bơtàu tơnguh uă ngan, khà hìu r[ah tu\ do mìng gam 7% lơm. Ồng Y Răm Byă, pà gi\t: “Mpồl dong kờl bơto pơlam lơh broă sa sươn sre kơnhoàl neh dong kờl làng bol ròng kơnrồ ờ gơtìp kòp, nàng kơnrồ deh geh kòn den tàng klàs geh bơta r[ah, dùl yô kơnrồ tu\ do kung geh 30 tơlak priă den tàng làng bol ròng kơnrồ  neh jơh klàs geh bơta jơgloh r[ah”.

Jat Anih tờm dong kờl bơto pơlam lơh broă sa sươn sre càr Daklak yal, tàm 10 nam do, anih do neh dong kờl 30 nơm kơnrồ me deh kòn ai ală hìu bơnhă làng bol kòn cau r[ah tàm ală kơnhoàl Buôn Đôn, Cư\ Mgar mờ [òn drà Buôn Hồ in. Mờ broă lơh tàm pơdar bơh hìu bơnhă do tus hìu bơnhă ndai, broă lơh do neh dong gi\t nđờ rhiang hìu bơnhă lik klàs r[ah. Ồng Nguyễn Nhân kuang atbồ Anih tờm dong kờl bơto pơlam lơh broă sa sươn sre càr Daklak, pà gi\t: “Broă lơh geh lơh geh cồng nha bè hơ\ là kơnờm bơh bơta sền gròi dong kờl bơh gơnoar atbồ tiah do dê mờ să tờm làng bol kòn cau dê. Broă ròng kơnrồ tàm pơdar neh dong ală hiù bơnhă r[ah tàm [òn gàr niam priă jền bơh Dà lơgar dê, rài kis phan bơna bơh khi dê tơl ngui tơl sa. Uă hìu bơnhă bơh sơn rờp ờ geh dùl nơm kơnrồ lơi, den tus tu\ do kơnờm broă lơh do neh geh bơh 3 tus 4 nơm kơnrồ, broă lơh do neh dong làng bol kòn cau klàs bơh bơta jơgloh r[ah geh cồng nha ngan!

                                                                                   Cau cih mờ yal tơngi\t- Lơ Mu K’ Yến