VOV4.K’ho – Buôn Ma Thuột là tiah drà khà 1 bơh càr Dak Lak dê, mơya kung gam gơlik geh bơta ròng phan lơh [ơ\ tiah ơm kis kơn jơ\ ngan. Bơh xã bơdìh [òn dờng Cư Êbur tus sơnah [òn tàm dơlam [òn dờng Ea Tam, làng bol kung gam pal kong mờ bơta [ơ\ tiah kis tài bơh broă ròng phan lơh gơbàn. Bulah gah lơh broă geh gơnoar mờ gơnoar atbồ ală tiah do ua\ dơ\ lơh glài mơya bơta do kung gam gơlik geh bè ờs.

Trang trại ròng sur bơh hìu bơnhă ồng Trần Văn Dắm tàm tổ dân phố 7, sơnah [òn Ea Tam, [òn dờng Buôn Ma Thuột, càr Dak Lak ơnàng pơgap 300 thơk vuông bal mờ 2 anih, gam ròng mờr 30 nơm sur me mờ pơgap 100 nơm sur lơh poac. Gùng yuh dà [ơ\ bơh do ờ hềt geh lơh niam mờ geh yuh tơn hờ dà dờng Ea Tam.

Bi Đặng Thành Luân, dùl nă cau ơm kis jo\ nam tàm tiah do ờ suk, trang trại ròng sur bơh hìu bơnhă ồng Dắm dê ua\ nam do lơh [ơ\ tiah ơm kis, lơh aniai tus pràn kơldang să jan bơh hìu bơnhă bi mờ ală hìu bơnhă kis tàm tiah do: “Hìu ồng Dắm ròng sur neh pơgap 10 nam do. Bơh sơn rờp ròng dùl êt den ờ geh bơta lơi, tơnơ\ do ròng ua\ den lơh [ơ\ tus tiah ơm kis, lơh aniai tus làng bol kis gùt dar tai. Pah dơ\ càl khồm den [ô [ơ\ ngan, ờ jai kong, sàu piang, bic ngai hìu bơnhă pal til kơ\ mpồng, mơya kung ờ jơh [ô [ơ\ sơl. Rơhài, sơmac gùt dar wàng ròng mut tàm hìu [ơ\ ngan. Ală kòn a` dê sùm gơtìp bơsia\, duh să, as sồt klờm soh tài bơh aniai bơh [ô [ơ\ bơh wàng ròng. Làng bol đơs mờ ồng Dắm neh ua\ dơ\ mơya ồng ờ bài iat. Bol hi kơp kờ` anih lơh broă geh gơnoar bơsong broă do.”

Bal mờ [ơ\ nhơm kis, phan [ơ\ ờ hềt geh lơh niam bơh trang trại kung lơh dà tàm tiah do ờ gơtùi ngui, lơh aniai tus phan tam bơh ală hìu bơnhă gùt dar dê. Ồng Triệu Chí Thịnh, dùl nă cau kis mờ broă tam biap rềp trang trại pà git: "Dà croh lài do sàng kloh ngan, tơnơ\ hơ\ den ồng Dắm yuh dà [ơ\ bơh trang trại ròng sur lik hờ dà croh, den tàng tu\ do dà croh [ơ\ ngan. Dà [ơ\ rềp hìu a`, [ồm biap in kung ờ gơtùi, tu\ [ồm gơtìp gơ kòl jơh bek, biap den gơtìp bơ sềt kòp lơh aniai chơt jơh tơn. Kờ` tam biap pal kơp ồng tac sur halà dan dà tơrlung nàng [ồm hơ\ sồng biap gơtùi kis. Bol hi dan gah Môi trường, UBND [òn dờng Buôn Ma Thuột bơsong broă do bol hi in”.

Trang trại ròng sur hìu bơnhă ồng Dắm dê lơh gơbàn [ơ\ tiah kis tàm sơnah [òn Ea Tam

Jat ồng Y Ser Mlô, Phó Chủ tịch UBND sơnah [òn Ea Tam đơs, tơngai lài, sơnah [òn geh dờp sră yal bơh làng bol dê bè broă trang trại ròng sur bơh hìu bơnhă ồng Dắm dê lơh gơbàn [ơ\ tiah ơm kis, lơh aniai tus rài kis bơh mờr 70 hìu bơnhă làng bol tàm tổ dân phố 7 mờ tiah gùt dar. Sơnah [òn neh crơng gơs mpồl lơh broă lòt lùp sền broă gơlik geh mờ lơh glài 3 tơlak 700 rbô đông, mơkung sồr cau tờm trang trại pal tơrmù khà sur ròng, lơh niam bơ tô biogas, lơh kơlik pơng gàr nàng gàr niam tus tiah ơm kis: “Tàm tơngai tus, bol hi geh sồr oh mi pơn jat tai sền gròi mờ iat jơnau yal bơh làng bol. Dilah hìu bơnhă ồng Dắm gam lơh tìs den geh sồr gah lơh broă geh gơ noar lơh glài kơn jơ\ rlau; dilah sơr lèt rlau mờ gơ noar bol hi dê den geh dan UBND [òn dờng geh broă lơh rồn bơ klơn sồr ntrờ` nàng gàr niam tiah ơm kis làng bol in”.

Tơnơ\ 4 nhai kờp bơh tu\ kơrnuat lơh glài sơnah [òn Ea Tam dê, bơta [ơ\ [ơl tài bơh trang trại ròng sur tàm tổ dân phố 7 lơh gơbàn kung gam bè ờs. Cau tờm trang trại, ồng Trần Văn Dắm đơs là, he lơh gơbàn [ơ\ den tong pria\ lơh glài, ai broă ntrờ` trang trại, ồng kung ờ hềt gơtùi lơh: “Hìu bơnhă ra` ròng sur lơh gơbàn [ơ\ [ơl tiah kis den tàng gơtìp lơh glài, den hìu bơnhă a` kung tong pria\ lơh glài. Sur dờng ir ờ gơtùi ntrờ` mut tàm trang trại pa. Tus do a` geh ntrờ` mut tàm Châu Sơn ròng nàng ờ lơh aniai tus làng bol, gàr niam tiah ơm kis ai jơh hìu bơnhă a` in tai”.

Trang trại ròng iar tàm xã Cư Êbur lơh [ơ\ tiah kis

Châu Sơn, tiah mờ ồng Dắm kờp du\ ntrờ` mpồl sur mut ròng gơ wèt xã Cư Êbur, [òn dờng Buôn Ma Thuột, càr Dak Lak kung gam gơtìp [ơ\ tiah ơm kis kơn jơ\ ngan, tài bơh cau ròng phan tuh phan [ơ\. Ồng Trần Hoài Nam, kuang bàng địa chính, xây dựng, môi trường xã Cư Êbur pà git, 3 nam do, UBND xã neh tơlik kơrnuat lơh glài mờ pria\ mờr 14 nă cau tờm trang trai, hìu bơnhă ròng phan lơh gơbàn [ơ\ [ơl tiah ơm kis mờ sồr ki\ jơnau hơ pơrgon gàr niam tiah ơm kis tu\ ròng phan… Bulah bè hơ\, tài ală wàng ròng gơ ơm tàm [òn làng bol ơm kis mờ ờ hềt geh lơh anih lơh niam phan [ơ\ tuh tơlik den tàng bơta [ơ\ tiah kis là ờ gơtùi pleh.

Ai ồng Nguyễn Mạnh Hà, Chủ tịch UBND xã Cư Êbur den pà git, xã geh 47 trang trại mờ hìu bơnhă ròng sur, iar, tàm hơ\ geh ua\ trang trại ơm tàm [òn làng bol ơm kis. Ua\ ngan ală trang trại ndrờm ròng bơh 2, 3 rbô tus 2, 3 jơt rbô nơm iar mờ git nđờ rhiang niam sur. Tàm ală nam do, bơh jơnau yal bơh làng bol dê bè bơta [ơ\ tiah kis tài bơh ală trang trại ròng sur, iar lơh gơbàn, gơ noar atbồ tiah do neh crơng gơs mpồl lơh broă sùm lòt sền. UBND xã neh lơh ua\ dơ\ sền sơ wì mờ lơh glài mờ pria\ ua\ cau tờm trang trại ròng phan lơh [ơ\ tiah kis, mơkung sồr cau tờm trang trại ki\ jơnau hơ pơrgon gàr kloh niam tiah ơm kis mơya bơta do kung gam gơlik geh sùm.

Cau cih Tuấn Long – Cau mblàng K’Duẩn