VOV4.K’ho-Tổng cục Chính trị Ling klàng làng bol Việt Nam pa bơyai lơh pơrjum tơn jơh broă lơh tờm bè bơta niam chài đơs crih tam ya, sră ba\o ling klàng tơngai bơh nam 2016-2020. Pơrjum lơh nền tơngai bơh nam 2021-2025 tơr gùm lơh pràn ală jơnau bơceh, bơceh pa ală jơnau cih niam chài đơs crih tam ya bè tơngume mpồl ling phàu crong, sền gròi rùp să cau ling ngai do dê mờ bơcri pria\ ai ală jơnau cih dờng geh kuơ màng.

Jat jơnau yal, 5 nam do, bơh bơta đơng lam, sồr lơh bơh Quân ủy dà lơgar, Bộ Quốc phòng mờ bơta bơ to pơlam bơh Tổng cục Chính trị ală broă lơh tờm bè bơta niam chài đơs crih tam ya, sră ba\o ling klàng geh lam lơh jat di mờ gùng dà broă lơh, rề ơnàng jơh gùt ling klàng mờ rài kis mpồl bơtìan, drơng broă niam kơnòl broă Chính trị bơh Ling klàng dê.

                                                Dùl dơ\ đơs crih tam ya bơh mpồl ling klàng dê

Tàm dơ\ pơrjum, ală jơnau đơs đơs là, ală broă rơndap lơh niam chài ơm tàm ală kấp tàm tơngai pa do geh lơh jat ua\ ngan rlau jơh, rài kis niam chài nùs nhơm bơh cau ling dê geh tơnguh loh làng; pơgồp bơnah bơ to bơtê bơhìan kăc màng, nùs nhơm kờ` gơ boh dà lơgar, bơt bơtàu nùs nhơm “cau ling Wa Hồ” mờ nùs nhơm chính trị- nùs nhơm ai kuang bàng, cau ling tàm gùt ling klàng mờ làng bol in. Đại tá Nguyễn Xuân Thủy, Kuang atbồ Hìu bơsram Đại học Văn hóa Nghệ thuật ling klàng đơs, bơdìh mờ ală gah neh lơh geh, kung gam geh ală gah ờ hềt lơh geh sơl tàm broă lơh gùng đơs crih tàm tơngai pa do.

 Broă bơcri pria\ bơceh pa kung gam rah rài, siơ\u bơta tờm, kuơ màng. Ală jơnau cih geh lơh ua\ ngan là jơnau đơs crih, ờ hềt geh ua\ jơnau cih mờ broă lơh dờng bè the kơ`i, ală jơnau đơs crih, ờ hềt geh ua\ ală jơnau cih kuơ màng, ờ hềt geh ua\ ală jơnau cih niam ngan, jrô ơnàng cèng bal nùs nhơm niam bơne\ kòn bơnus dà lơgar dê, di pal mờ tàm rài pa bơh kòn bơnus Việt Nam dê, ngan là gơ wèt mờ cau ling.

                   Mpồl bơyai lơh jàu Sră jờng rơ ai ală mpồl cau, cau dùl nă să is geh cồng nha jak ngan in

Đơs tàm dơ\ pơrjum,  Thượng tướng Nguyễn Trọng Nghĩa, Phó Chủ nhiệm Tổng cục Chính trị Ling klàng làng bol Việt Nam pà g^t, Bộ Quốc phòng neh mờ gam lơh sir rơndap broă lơh rap tap sèng bơceh lơh bơta niam chài tàm ling klàng nàng drơng broă niam rlau tai ai rài kis niam chài nùs nhơm ai kuang bàng mờ cau ling in, sơlơ drơng broă ai làng bol kòn cau tiah sar lơgar ngài in ngai sơ lơ niam rlau tai. Đơs ngan ală nam tus geh pơn jat tai geh ală bơta lòng tàm gah niam chài bồ tơngoh, Thượng tướng Nguyễn Trọng Nghĩa lam lơh broă lơh tờm bè bơta niam chài, chài rơgơi đơs crih tam ya, sră ba\o ling klàng tơngai bơh nam 2021-2025 mờ 2 broă lơh dờng:

Broă lơh dơ\ 1 là pal lơh pràn bơceh pa bè tơngume mpồl ling phàu crong mơ tam lơh kăc màng. Tờm ngan là rùp rài cau ling ngai do dê, sền gròi bơcri pria\ ai lơh ală broă lơh dờng, geh bơta niam ngan bè niam chài. Broă lơh dơ\ 2 hơ\ là rơndap tap sèng, tơnguh ua\ bơta niam ală bơta rơndap lơh bè bơta niam chài, lơh pràn broă lơh bơ to bơtê, bơyai lơh ală dơ\ pơr lòng geh gơ rềng tus dơ\ ràng tơlik, sền sơ wì jàu khà jờng bơh Bộ Quốc phòng dê bè niam chài tàm ling klàng, lơh geh bơta tam gơl pa mờ  bơtàu tơnguh pa, ờ mìng là tàm ling klàng, tàm lơgar lơm gời  mờ tơnguh tai bơta pràn tìp mat lơh kuèng lơh broă bal dunia.

Thượng tướng Nguyễn Trọng Nghĩa đơs là: tềng đap jơnau sồr  kơnòl broă bơt bơtàu mờ sền gàr dà lơgar tàm tơngai pa gam ai tơlik kơ nòl broă chính trị bồ tơngoh đơs bal, kơnòl broă  niam chài, chài rơgơi đơs crih tam ya, sră ba\o tàm Ling klàng đơs is ală jơnau sồr pa ngai sơlơ ua\.  Nàng lơh jat geh cồng nha ală broă lơh niam chài, chài rơgơi đơs crih tam ya, sră ba\o ling klàng tàm ală nam tus tơl khà bơta niam, geh cồng nha ngai sơlơ niam rlau tai, pal tơr gùm lơh jat niam 2, 3 tơngume, gùng dà broă lơh, ngan ngồn là: pơn jat tai lam lơh jat niam Nghị quyết dà lơgar sồ 5 khóa 8 bè “bơt bơtàu rài bơta niam chài Việt Nam gơguh jak, bềng lìu bơhìan niam bơne\ jơi bơtìan dê”, Nghị quyết sồ 23 bơh Bộ Chính trị bè “Pơn jat tai bơt bơtàu mờ bơtàu tơnguh bơta niam chài,  chài rơgơi đơs crih tam ya tàm tơngai pa”, lơh nền mờ lơh jat geh cồng nha Nghị quyết Pơrjum dờng cau ala mat gùt lơgar dơ\ 13 bơh Đảng dê; Nghị quyết Pơrjum dờng dơ\ 11 bơh Đảng bộ Ling klàng dê, pơgồp bơnah sơlơ bơtàu tơnguh mờ tơnguh ua\ bơta niam ală broă lơh niam chài, chài rơgơi đơs crih tam ya, sră ba\o tàm ling klàng.

 Di dơ\ do, Tổng cục Chính trị Ling klàng làng bol Việt Nam kung neh lam lơh broă lơh tờm niam chài, chài rơgơi đơs crih tam ya mờ sră ba\o Ling klàng tơngai bơh nam 2021-2025, tàm hơ\ tơr gùm lơh pràn ală jonau bơceh,  bơceh pa ală jơnau cih niam chài, chài rơgơi đơs crih tam ya bè tơngume mpồl ling phàu crong, sền gròi rùp să cau ling ngai do dê mờ bơcri pria\ ailơh jơnau cih dờng geh bơta kuơ màng.

Cau cih Nguyên Nhung (VOV1)- Cau mblàng K’ Hạnh