VOV4.K’ho- Drim ngai (7/7), tàm Hà Nội, Đảng bộ anih lơh broă Ủy ban Kòn cau bơyai lơh pơrjum dờng cau ala mat dơ\ 8, tơngai lơh broă bơh nam 2020-2025. Mờ jơnau đơs lơh broă là: lơh jat niam làng bol lơh tờm, tam klăc bal, tam gơl pa, lơh jat kơrnoat boh lam, lơh krơh niam bơt bơtàu Đảng bộ anih lơh broă Ủy ban Kòn cau kơ\ kơl jap tài jơnau kờ` bơtàu tơnguh kơ\ kơl jap tiah làng bol kòn cau mờ tiah kơh bơnơm.

Đơs tàm dơ\ pơrjum ồng Đỗ Văn Chiến, Bộ trưởng mờ kung là Chủ nhiệm Ủy ban Kòn cau đơs nền, tơngai lơh broă pa do, tềng đap bơta đơng lam bơh Đảng ủy Ủy ban kòn cau dê, mpồl kuang bàng, đảng viên Ủy ban Kòn cau neh lơh gơs niam kơnòl broă. Tàm hơ\ pơn rơ ngan là lơh gơs mờ yal mờ Quốc hội in ring bal Nghị quyết ki\ ring bal rơndap broă lơh jơnau kờ` dà lơgar bơtàu tơnguh lơh sa- mpồl bơtìan tiah làng bol kòn cau mờ tiah kơh bơnơm tơngai bơh nam 2021-2030. Đảng bộ anih lơh broă Ủy ban Kòn cau bơyai lam lơh jat Chỉ thị sồ 35 bơh Ban Bí thư dê bè đơng lam Pơrjum dờng cau ala mat ală kòn cau Việt Nam tờm ngan là broă đơng lam bơyai lơh geh cồng nha Pơrjum dờng cau ala mat ală jơi bơtìan kòn cau kấp càr, kấp kơnhoàl mờ Pơrjum dờng cau ala mat ală jơi bơtìan kòn cau gùt lơgar dơ\ 2.

Cau mblàng K’ Hạnh