VOV4.K’ho - Nùs nhơm rơcang wă rò nam pa Đinh Dậu 2017 gam geh uă bơh bồt dà lềng tus mờ ù gờl dà lơgar dê. Tàm tiah nhàr dà lơgar Tây Nguyên, kuang bàng, cau ling tàm ală mpồl ling sền gàr tiah nhàr dà lơgar kung bơyai lơh wă rò nam pa hờm ram, chờ hờp, geh rơcang g^t ală bơta gơl^k geh, kơ\ tê at ngkơr phào sền gàr kơl jăp gơnoar ù tiah dà lơgar. Tàm pơrjum ling sền gàr mpồng nhàr dà lơgar dunia Lệ Thanh, xã Ia Dom, kơnhoàl Đức Cơ, càr Gia Lai, kuang bàng, cau ling neh bơyai lơh satềp gờ` kờ` lơh jăt kơnòl sền gàr tiah nhàr dà lơgar.

Pôs ling là hìu, tiah nhàr dà lơgar là [òn, satềp tàm tiah pôs ling sền gàr tiah nhàr dà lơgar Lệ Thanh bu\ lah geh bơyai lơh gờ` nggùl nhai, mơya kung geh tơl ală bơta bơkah, geh tơl bơta bơhiàn ờs mờng, bè mbar, plai chi pơdơng, bơkào đào, bơkào mai.

Kuang bàng, cau ling tàm pôs ling sền gàr tiah nhàr dà lơgar Lệ Thanh wă rò satềp gờ`

Ală cau ling mờ mpàng tê kơl dang, kung chài ngan sơl, den tàng neh lơh gơs ală kơnơm mbar tàm pôs ling niam bơne\ ngan. Dơ\ sào sa ngai satềp tàm do gam geh tai bơta niam bơne\, chờ hờp bơh ală bơta biăp kloh, geh tam bơh ală cau ling dê tơn. Đại uý Nguyễn Văn Quang, Chính trị viên phó mpồl ling sền gàr mpồng nhàr dà lơgar dunia Lệ Thanh pà g^t: “Mpồl ling bol a` geh ală cau ling gam kơnòm ngan, nam sơnrờp satềp tàm mpồl ling. Ai tơl^k lài kờ` rơcang ai ală cau ling in ba` gơbàn kah hìu, bal mờ mpồl ling tàm broă sền gàr gơnoar ù tiah, bơta lơngăp lơngai tiah nhàr dà lơgar, gàr niam bơta lơngăp lơngai chính trị, ờ do ờ dă mpồl bơtiàn tàm do, den Đảng uỷ, mpồl đơng lam neh rơcang tơl ngan bè phan sa, phan ngui, ka, poăc, mbar mờ plai chi kờ` rơcang ai kuang bàng, cau ling tàm ală ngai satềp in”.

Chờ nam pa mơya ờ hu^ kơnòl. Ală kơnòl sền gàr gơnoar ù tiah gam geh mpồl ling sền gàr mpồng nhàr dà lơgar dunia Lệ Thanh bơyai lơh sùm, 100% khà ling tàm mpồl sùm sền gàr mờ tu\ lơi kung rơcang lơh gơs ală kơnòl geh jàu.

Cau ling sền gàr lòt sền gròi tiah nhàr dà lơgar

Broă lòt sền gròi cau, rơndeh, phan kă bro l^k mu\t tàm tiah nhàr dà lơgar geh lơh niam, pơgồp bal tàm broă sền gàr kơl jăp gùng nhàr dà lơgar, `jrong nhàr dà lơgar tàm tiah mờ mpồl ling geh sền gàr. Tàm hơ\, mpồl ling do kung pơgồp bal nền nòn mờ ală mpồl lơh broă geh gơnoar tàm do kờ` lơh jăt broă gàr niam bơta lơngăp lơngai lài mờ satềp, tàm satềp mờ tơnơ\ mờ satềp Đinh Dậu nam 2017. Lòt sền gròi tàm gùng nhàr dà lơgar, Thượng uý Đào Quang Tài, atbồ mpồl sền gròi sră nggal, mpồl ling sền gàr mpồng nhàr dà lơgar dunia Lệ Thanh đơs: “Bol a` sùm ai broă sền gròi tàm tiah nhàr dà lơgar là broă lơh sùm bơh mpồl ling sền gàr tiah nhàr dà lơgar dê. Bơh broă sền gròi do, bol a` geh di tu\ kơrian broă kă bro blơ\ blăc. Bơh tu\ hơ\, bol a` sền gàr geh niam gùng nhàr dà lơgar, `jrong nhàr dà lơgar, pơgồp bal tàm broă lơh ring niam lơngăp lơngai chính trị tàm do kung bè gàr niam tiah nhàr dà lơgar dê. Di satềp nam Đinh Dậu nam 2017, a` kơ\p kờ` làng bol ală kòn cau gùt lơgar geh satềp gơboh gơbài, hờm ram bal mờ cau pròc mhàm. Kơ\p kờ` ală cau ling lơh broă niam mờ tu\ lơi kung rơcang lài, lơh jăt niam ală kơnòl geh jàu”.

Bal mờ broă lơh jăt kơnòl sền gàr bơta lơngăp lơngai, ờ do ờ dă mpồl bơtiàn mờ ală kuang bàng, cau ling tàm tiah nhàr dà lơgar dê, gam geh gal làng bol kis tàm tiah nhàr dà lơgar. 12 [òn bơh xã nhàr dà lơgar Ia Dom ndrờm geh crơng gơs mpồl sền gàr bơta lơngăp lơngai ờ do ờ dă is, tàm xã den geh mpồl ling gàr [òn, tus bal mờ ală cau ling sền gàr tiah nhàr dà lơgar lòt sền gròi, gàr niam bơta lơngăp lơngai, ờ do ờ dă di tàm satềp. Lòt sền gròi bal mờ tàm gùng nhàr dà lơgar bal mờ ală cau ling sền gàr tiah nhàr dà lơgar, bi Trương Thanh Hùng, atbồ tiểu đội ling gàr [òn xã Ia Dom đơs: “Ling gàr [òn bol a` lơh jăt jơnau sồr bơh gơnoar atbồ, sùm tus bal mờ ală lòt sền gròi gùng nhàr dà lơgar, sền gròi tàm ală tiah, sền gròi kờ` di tu\ kơrian ală broă ờ niam bè kơ`ao phan, tam lơh tam lah mờ sền gròi tiah nhàr dà lơgar là kờ` sơndră mờ cau gan nhàt dà lơgar ờ di pal. Di tàm satềp do, bol a` neh tơl^k tơngai mờ tu\ lơi kung lơh jăt kơnòl geh gơnoar atbồ ai tơl^k”.

Mpồl ling sền gàr mpồng nhàr dà lơgar dunia Lệ Thanh geh lơh pôs tàm xã Ia Dom, kơnhoàl Đức Cơ, do là tiah geh broă kă bro kuơ màng, den tàng ală cau tìs kung geh uă kal ke. Tài bè hơ\, kung bè uă satềp ndai, satềp Đinh Dậu nam 2017 do, tềng gah sơlào piang cau ling, sùm là ală ngkơr phào.

Tòm mai lì bơkào wă rò nam pa

Cau ling sền gàr tiah nhàr dà lơgar wă rò satềp, chờ nam pa mờ iăt ală jơnau gơl^k geh tàm tiah nhàr dà lơgar, tu\ lơi kung rơcang l^k lơh jăt kơnòl. Thượng tá Lê Thuần Chất, Bí thư Đảng uỷ, Chính trị viên mpồl ling sền gàr mpồng nhàr dà lơgar dunia Lệ Thanh đơs: “Mờ kơnòl chính trị uă di tàm satềp, den tàng Đảng uỷ, mpồl đơng lam ling klàng neh lơh niam broă bơto bơtê chính trị nùs nhơm, lơh jăt ală chỉ thị, kơrnoăt sồr bơh gơnoar atbồ tàm broă sền gàr satềp tus mờ ală kuang bàng, cau ling. Bơh Tu\ hơ\, tơnguh jơnau g^t wă, kơnòl tòm. Mờ nùs nhơm lơh ngan uă là chờ satềp ờ hu^ kơnòl, gàr niam, kơl jăp gùng nhàr dà lơgar, tiah nhàr dà lơgar pràn kơl dang, ring niam, tơl niam kờ` làng bol tàm lơgar wă 1 satềp hờm ram, chờ hờp mờ ờ do ờ dă”.

Dùl nam pa tus tàm tiah nhàr dà lơgar kơnhoàl Đức Cơ. Broă lơh jăk chài, rơcang lài tàm broă lơh jăt kơnòl bơh mpồl ling sền gàr mpồng nhàr dà lơgar dunia Lệ Thanh neh pơgồp bal kuơ màng tàm broă gàr niam ờ do ờ dă mpồl bơtiàn tàm tiah do. Bơh tu\ hơ\, làng bol tàm tiah do iang nùs lơh sa, tơnguh bơtàu lơh sa, pơgồp bal tàm broă lơh gơs 1 tiah nhàr dà lơgar pràn kơl dang mờ pas gơs.

       Cau cih mờ yal tơng^t Ndong Brawl