VOV4.K’ho- Tus mờ Dà Làc, càr Lâm Đồng, bơdìh mờ ală tiah nhơl chờ tàm [òn drà, uă năc lòt nhơl den kờ` rê wơl tàm tiah bơdìh [òn dờng nàng kờ` jòi g^t bơta niam chài rơgơi, rài kis bơh làng bol tàm [òn kòn cau K’ho dê bè dùl bơta sền g^t bơta pa.

{òn làng bol kòn cau K’ho {òn Nơr C ơm tềng hơ đơm jơng bơnơm Langbiang (kơnhoàl Lạc Dương) ờ gam krơi is mờ năc lòt nhơl tàm lơgar mờ bơdìh lơgar ală nam pa do. Hơ\ là dùl [òn dềt kung gam prap gàr bơta niam bal hiă, brê bơnơm mờ lơngap lơngai bơh làng bol tàm tiah do dê.

Kàl ru ờ geh broă lơh, tàm ală hìu lơh mờ mpàn mờ mpồng pơnet tơl dà sơng sền niam ngan, ùr kòn cau K’ho tryang tryồng nggui tà` ồi yau. Năc lòt nhơl mut tàm [òn, khi chờ hờp wă rò mờ kung ờ hui\ yal bè phan tà` mờ tê bơh kòn cau he dê.

Dùl mpồl năc lòt nhơl lòt jơng sền g^t tàm [òn kòn cau K’ho {òn Nơr C hơ đơm jơng bơnơm LangBiang

Bi Ka Hen (45 sơnam) pà g^t, năc lòt nhơl tus sền, jòi g^t bè broă tà` ồi yau dilah cau lơi kờ` blơi den geh làng bol tàm tiah do yal anih tăc tàm [òn tơn, gơlơh bè jòi geh priă jền tai tàm tu\ ờ geh broă lơh.

Là cau geh gơnoar bơh “ Anih tờm lam năc lòt nhơl” tàm {òn Nơr C, bi Rolan Cơ Liêng (33 sơnam) neh pờ tơn dùl anih wă năc, ràng tơlik phan bơna kơphê Arabica mờ yal broă lơh gơlik bơta kơphê pơn rơ bơkah do.

Mờ bơta chài đơs dà Mỹ jak ngan, bi Rolan gam wă jơh ală mpồl năc lòt nhơl bơh lơgar ndai tus tàm [òn. Tơnơ\ tu\ yal mờ năc bè bơta pơn rơ bơkah kơphê tàm ù tiah dê, bi gam lam năc lòt gùt dar [òn, yal khi in g^t bè ală bơta niam chài rơgơi tàm ù tiah do dê, rài kis làng bol halà bè broă tà` ồi yau bơh kòn cau he dê.

Năc lòt nhơl prap wơl ală rùp hin tàm điện thoại ală tu\ niam geh sền g^t tàm [òn kòn cau K’ho

Bi Rolan đơs: Năc lòt nhơl lơgar ndai khi kờ` ngan jòi g^t bơta niam chài rơgơi he dê uă ngan den he rcang lời tu\ tơngai nàng lam khi lòt sền g^t tàm [òn nàng kờ` yal tơng^t, yal bè ală bơta krơi is bơh kòn cau K’ho dê. Hơ\ kung là dùl broă lơh nhơl chờ krơi is ngan bơh [òn dê.

Tu\ pa jơh dơ\ lòt sền, jòi g^t bè broă lơh gơlik kơphê Arabica pơn rơ bơkah tàm suơn tơn, bơta niam chài rơgơi mờ broă tà` ồi yau bơh yau bơh kòn cau K’ho dê, ùr lòt nhơl Trần Thanh Hải ([òn dờng Hồ Chí Minh) lơh gơ kờ` uă ngan: “ A` lòt Dà Làc uă dơ\ mơya do là dơ\ sơn rờp geh sền g^t gơ kờ` ngan bè do. Ală anih tus bè : Thung lũng Tình yêu, LangBiang, tơnau Than thở… neh kuèng ngan bloh, tu\ do rê tàm [òn bè do hơ\ sồng sền go\ tàm Dà Làc gam ală bơta gơ kờ` ndai tai”.

Năc lòt nhơl lòt sền jòi g^t bè broă tà` ồi yau bơh kòn cau K’ho dê 

Tàm tu\ hơ\, ồng Neil Sumer (năc lòt nhơl cau lơgar Australia) pà g^t: ồng kờ` ngan lòt sền, jòi g^t bơta niam chài rơgơi bơh kòn cau tàm [òn dê. Kơnờm bơh hơ\, ồng gơtùi sền g^t rài kis pah ngai, bơta niam chài rơgơi, nùs nhơm bơh kòn cau K’ho dê tàm tiah do geh bơta krơi is mbè lơi gơ wèt mờ dà lơgar bơh ồng dê.

Ală nam pa do, tiah bơdìh [òn dờng Dà Làc geh ală [òn kòn cau K’ho neh mờ gam gơ gơs là tiah tus nhơl pa mờ krơi is ngan ai năc lòt nhơl in. Hơ\ là [òn kòn iar Klong (xã Hiệp An, Đức Trọng), [òn làng bol kòn cau hơ đơm kèol kơh Tà Nung (xã Tà Nung, [òn dờng Dà Làc ), [òn làng bol kòn cau Dà Blah, Long Lanh (xã Dà Nhim, kơnhoàl Lạc Dương)…

Bi Ngọc Nhiên (năc lòt nhơl bơh Cà Mau) pà g^t, kàl duh do mè mờ kòn bi dê geh dơ\ lòt nhơl tus Dà Làc, tu\ tơngai lơyah ngan mơya bi Nhiên lời dùl ngai nàng lòt nhơl sền g^t tiah bơdìh [òn dờng Dà Làc.

Anih lòt nhơl sơn rờp ngan là [òn kòn cau K’ho tàm xã Tà Nung lơh mè mờ kòn bi dê gơ kờ` uă ngan. Tus tàm [òn, bol a` geh jòi g^t bè bơta niam chài rơgơi bơh kòn cau tàm tiah do dê. Khi rềp mềr mờ sơrmah sơrmài ngan, geh ală cau ùr tàm [òn den p^t plai pơ ò tàm suơn pà kòn ùr a` in tai, den kòn ùr a` chờ hờp ngan.  Ngan là dùl dơ\ lòt nhơl ờ tu\ lơi hui\- bi Nhiên yal wơl bè hơ\.

Tiah niam lơngap lơngap tàm dùl hìu tàm tiah nggùl [òn 

G^t bơta kờ` bơh năc lòt nhơl dê, uă công ty nhơl chờ, gah lơh broă wă năc lòt nhơl neh ai bàr pe [òn mut tàm tour nhơl chờ lòt sền bơh he dê. Bơh hơ\, nàng kờ` lơh gơlik bơta pa, krơi is, gơkờ`, tu\ uă ngan tiah nhơl chờ bơh [òn drà kơh bơnơm Dà Làc neh mờng kuèng ir.

Ồng Nguyễn Thư Bính, Kuang bàng Phòng Văn hóa kơnhoàl Lạc Dương đơs là, nhơl chờ lòt sền tàm ală [òn làng bol kòn cau gam gơ gơs là tiah gơ hòi gơ jà năc lòt nhơl tàm lơgar mờ bơdìh lơgar tus mờ ală tiah bơdìh [òn dờng Dà Làc. Kuơ màng, tàm bàr pe [òn gam lơh gơs ală tiah ơm rơlô, anih ràng tăc kơphê, sa sào, homestay… tàm tiah do tơn nàng drơng broă cau lòt nhơl den năc lòt nhơl di nùs uă ngan

Cau mblàng K’ Hạnh