VOV4.K’ho- Đơs pơndu\t Pơrjum Đảng Dà lơgar dơ\ 12, ồng Nguyễn Phú Trọng, Tổng Bí thư, Chủ tịch lơgar đơs sùm bè broă yal tơngi\t, sac rwah kuang bàng Quốc hội ai tơngai lơh broă tus in, pal ai bơta tơl khà, bơta niam kuang bàng là ai lài khà dùl, ờ go\ di tài bơh rơndăp tăp sèng mờ tơrmù lơyah tơl khà. Do là bơta sùm geh sền gròi tàm ală dơ\ te\ khà pồ kuang bàng Quốc hội.

Ồng Nguyễn Phú Trọng Tổng Bí thư, Chủ tịch lơgar tơngkah ală anih lơh broă geh gơnoar lơh ngan yal tơngi\t, sac rwah pồ geh ală cau pơnrơ ngan, dipal ngan ala măt ai bồ tơngoh, bơta kơ\p kờ` mờ gơnoar lơh tờm bơh làng bol dê; pal di tơl khà, tơl khà cau, geh bơta rơndăp tăp sèng dipal mơya ờ go\ di tài bơh rơndăp tăp sèng mờ tơrmù lơyah tơl khà; Lơh ngan pồ tơl 500 nă kuang bàng Quốc hội mờ lơh geh khà kuang bàng Quốc hội lơh kơnòl broă sùm. Bơh bơta geh ngan bơh dà lơgar dê jơnau sồr gơ tơlik tus mờ cau tơlik măt te\ khà kuang bàng Quốc hội kờ` pal lơh geh jơnau sồr uă bè nùs nhơm bồ tơngoh, gi\t nền gùng dà, nùs nhơm bơh Đảng dê; gi\t wa\ jrô kơrnoat boh lam mờ geh bơta jak bơ\t bơtàu kơrnoat boh lam; geh bồ tơngoh lơh broă ờs mờng jak ngan mờ bơta gi\t wa\ tàm bơta geh ngan. Giáo sư, tiến sĩ Trần Ngọc Đường, lài do là Phó Kuang ătbồ Văn phòng Quốc hội dê đơs là: Kuang bàng Quốc hội là jơnau lơh gơs Quốc hội, kuang bàng Quốc hội bơta niam ờ pràn den lơh broă bơh Quốc hội dê ờ gơtùi pràn.

 Giáo sư, tiến sĩ Trần Ngọc Đường, đơs: Ồng Tổng Bí thư, Chủ tịch lơgar đơs sùm, ờ go\ di tài bơh rơndăp tăp sèng mờ tơrmù bơta niam. Bơh ală dơ\ pồ Quốc hội, tơnơ\ ală tu\ tơngai tam gơl pa den bơta niam Quốc hội là kuơmàng ngan. Tài bơh lơh broă Quốc hội ngai sơlơ lơh nền ală broă dờng màng dà lơgar dê, kal ke ngan. Kuơmàng tàm broă lơh kơrnoat boh lam, ală adat boh lam pa, kơlôi sơnơng pa, dilah kuang bàng geh ờ geh bơta pràn jak, ờ geh bơta sền sơnơng, ờ geh bơta gi\t wa\ den kal ke ngan ai tơlik ală bơta lơh nền dipal.

 Tàm tu\ tơngai, rài kis kăc màng lơi den bồ tơngoh đơng lam sùm bơh Đảng dê bè tơl khà kuang bàng Quốc hội sùm geh sền kuơ, là cau tờm hơ pơrgon bơ\t bơtàu anih lơh broă gơnăp gơnoar dà lơgar pràn kơldang kơ\ kơl jăp, ngan ngồn ala măt ai làng bol in, pơgồp bơnah lơh jăt jai pha kơnòl broă kăc màng. Broă tơl khà kuang bàng Quốc hội ờ go\ di mìng gơ tơlik ai anih lơh broă, mpồl yal tơngi\t cau tơlik măt te\ khà lơm mờ gam là cơng tàng, bơta pal geh nàng cau te\ khà in sac rwah kuang bàng mờ lơh jăt gơnoar chính trị tờm bơh he dê. Jăt ồng Nguyễn Văn Giàu, Kuang ătbồ Ủy ban lơh broă mờ lơgar ndai Quốc hội dê đơs, tàm tu\ rơndăp lơh Adat tam gơl, bơtơl bàr pe bơta bơh Adat Bơyai broă Quốc hội gam geh cribơyai den jơnau sồr gơ wèt mờ kuang bàng Quốc hội sơlơ geh đơs sùm, kuơmàng là tơl khà kuang bàng Quốc hội tàm “gi\t wa\ chính trị”.

Ồng Nguyễn Văn Giàu, đơs: Bồ tơngoh đơng lam sùm bơh Tổng Bí thư, Chủ tịch lơgar dê bè tơl khà kuang bàng Quốc hội. Pơndu\t Pơrjum Đảng Dà lơgar, Tổng Bí thư, Chủ tịch lơgar đơs tai dùl dơ\ tai “Kuang bàng Quốc hội pal geh bơta gi\t wa\ chính trị”, ờ go\ di mìng nùs nhơm bồ tơngoh, pràn jak, mờng chài lơm. A` go\ pal bơtơl tai. Tàm rơndăp cih Adat Bơyai broă Quốc hội geh cih mơya cih ờ loh làng. Adat pal tơngo\ tus geh nùs nhơm iăt kơno hơ\.

Bè tơl khà kuang bàng, ngan là kuang bàng lơh kơnòl broă sùm, Tổng Bí thư, Chủ tịch lơgar ồng Nguyễn Phú Trọng đơs loh, pal geh bơta rcăng lài wil tơl, nền nòn mpồl kuang bàng yal tơngi\t tơlik măt te\ khà kuang bàng Quốc hội nàng lơh broă lơh kơnòl broă sùm, lơh geh bơta niam, lơh geh bơta gơtùi lơh jăt ngan ngồn bơh Adat dê. Ồng Vũ Trọng Kim, mpồl kuang bàng Quốc hội càr Hải Dương geh jơnau đơs tă pơgồp bè do: Broă sền dờng màng tơl khà, kuơmàng là ờ go\ di tài bơh rơndăp tăp sèng mờ tơrmù lơyah tơl khà. Jăt mờ hơ\, nàng bơ\t mòn rùp să muh mat tam klăc dờng tàm Quốc hội, ồng Vũ Trọng Kim sồr: Dà lơgar geh 54 jơi bơtiàn kòn cau oh mi, gi\t nđờ rơnàng làng bol, mpồl cau geh bồ tơngoh jak, ngan là ală cau kòn cau, cau jăt yàng den rùp să tam klăc dờng mờ rùp să bơh bồ tơngoh jơh gùt làng bol dê tơngo\ tàm do. Den tàng jòi lùp nàng ală cau geh bơta tơl pràn, tơl khà tus bal geh tơl 500 nă cau lơh broă tàm Quốc hội. Quốc hội là rùp să bơh bồ tơngoh dê, rùp să bơh bồ tơngoh lơngăp krơi is jơi bơtiàn tơrgùm dùl dà lơgar dê. Bơ\t bơtàu tơn tàm rơndăp tăp sèng, tàm tơl khà pal đơs wơl geh bơta nùs nhơm hơ\.

 Rlau 70 nam do, Quốc hội Việt Nam neh đơs nền bơngă, gơnoar broă là anih lơh broă kuang bàng ala măt jơnhoa ngan rlau jơh bơh làng bol dê. Mờ gi\t nđờ rbô nă kuang bàng Quốc hội geh cau te\ khà, làng bol gùt lơgar sac rwah, pồ geh. Cau te\ khà mờ làng bol gơn kơnờm ală kuang bàng Quốc hội khoá tus sùm tam gơl pa, tơnguh uă bơta niam, gơnoar broă là anih lơh broă kuang bàng ala măt jơnhoa ngan rlau jơh bơh làng bol dê. 

Ală kuang bàng Quốc hội tàm tơngai tus do geh dùl gơnoar broă kuơmàng ngan. Jăt a` kơlôi là bơta tam gơl pa tàm Đảng geh lơh gơrề tus bơta tam gơl pa tàm kuang bàng Quốc hội nàng ai jơnau đơs in gơ geh sơlơ pràn kơldang rlau, pa rlau mờ tơngo\ geh bơta kơ\p kơnờm ngan bơh jơi bơtiàn bol he dê tàm tu\ tơngai kuơmàng ngan tàm tơngai kah yau do.

 Kuang bàng Quốc hội là ală cau geh làng bol pồ. Nàng geh làng bol sac rwah, ală cau hơ\ pal ngan ngồn là cau geh nùs nhơm niam, geh bồ tơngoh jak, ala măt ai làng bol in lơh jăt gơnoar lơh kơrnoat boh lam, sền gròi mờ lơh nền ală broă dờng màng bơh dà lơgar dê. Den tàng bè hơ\, broă lơh kuang bàng, tàm hơ\ broă tờm là tơl khà, bơta niam kuang bàng Quốc hội sùm geh sền gròi, là jơnau tờm kuơmàng ai cồng nha bơh pah dơ\ te\ khà dê in.

Cau cih Lại Hoa- Cau mblàng Lơ Mu K’Yến