VOV4.K’ho- Jăt jơnau yal bơh Mpồl Rơndăp broă Dà lơgar dê, Pơrjum dờng mpồl đảng kơnă hơđơm tơngai lơh broă bơh nam 2020- 2025 tàm gùt lơgar neh jơh lơh gơs. Kờp tus jơh ngai 30 nhai 06 nam 2020, neh geh 52 rbô mpồl đảng kơnă hơđơm bơyai lơh geh cồng nha pơrjum dờng tơngai lơh broă bơh nam 2020- 2025, mìng gam 120 mpồl đảng kơnă hơđơm bơyai lơh pơrjum dờng tơnơ\ ngai 30 nhai 06.

Dùl tu\ tơngai bal, 85 Đảng bộ kấp rlau kấp hơđơm neh bơyai lơh pơrjum dờng; tàm hơ\ geh 54 pơrjum dờng lơh tơrlòng lài, 33 pơrjum dờng pồ tơn Bí thư. Hà Nội, Yên Bái, Quảng Ninh là ală đảng bộ jăt kờp du\ geh khà pơrjum dờng kấp rlau kấp hơđơm pồ tơn Bí thư tàm pơrjum dờng jơnhoa tàm gùt lơgar.

Bơh sơnrờp, Mpồl Rơndăp broă dà lơgar cih dờp broă lơh rcăng pơrjum dờng tàm ală tiah geh lơh wil tơl, jơh nùs, di jơnau sồr, lơh jăt niam nùs nhơm làng bol lơh tờm, bơtòm tơrgùm geh bồ tơngoh jak bơh gal ngan kuang bàng, đảng viên mờ làng bol dê. Kuang bàng yal tơngi\t nàng pồ lơh broă tàm kấp ủy, Ban Thường vụ, Bí thư, Phó Bí thư, Ủy ban Sền swì ndrờm lơh geh tơl jơnau sồr, bơta pal geh, lơh jăt di broă rơndăp tăp sèng. Broă lùp sền wơl, ki\ sră nggal, rơndăp broă kuang bàng bơh kấp hơđơm geh lơh niam ngan.

Nùs nhơm cribơyai tàm uă pơrjum dờng duh hồl, song dơ pă. Kơrnoăt te\ khà tàm đảng geh lơh jăt niam; jơh ală mìng pồ dùl dơ\ tơl khà kuang bàng tàm kấp ủy, kuang bàng tàm Ban Thường vụ, Bí thư, Phó Bí thư, Kuang bàng tàm Ủy ban sền swì mờ cau ala măt lòt pơrjum dờng đảng bộ kấp hơđang. Khà kuang bàng kơnòm să, kuang bàng cau ùr, kuang bàng jơi bơtìan kòn cau lơh broă tàm kấp ủy tàm uă tiah lơh geh mờ sơrlèt mờ jơnau kờ` neh ai tơlik. 

Mơya, sră nggal bơh bàr pe tiah dê ờ hềt tơl làm, jrô ơnàng. Khà dơ\ tă pơgồp jơnau đơs cribơyai tàm bàr pe pơrjum dờng gam dùl êt, ờ hềt lơh geh nùs nhơm tàm pơndang, tă pơgồp wơl tàm pơrjum dờng; broă tus bal tă pơgồp jơnau đơs tàm sră rơndăp cih sră nggal bơh Dà lơgar mờ kấp hơđang dê tă pơgồp tơn jơnau đơs ờ hềt geh sền gròi dipal. Kung geh sơl jơnau, gam bàr pe nă kuang bàng pồ lơh Bí thư, Phó Bí thư geh pồ tai dùl dơ\ mơya ờ geh pồ.

Ồng Phạm Mạnh Khởi, Kuang ătbồ Vụ Mpồl Đảng, Mpồl Rơndăp broă Dà lơgar pà gi\t, ală bơta pa bơh Pơrjum dờng Đảng tơngai lơh broă bơh nam 2020- 2025 geh lơh niam mờ lơh geh cồng nha niam. Bè là broă cribơyai tơn tàm pơrjum dờng broă lơh broă mờ broă lơh tơrlòng lài pồ tơn Bí thư kấp ủy tàm pơrjum dờng. Bal mờ hơ\, rơndăp tăp sèng kuang bàng kung geh uă tam gơl pa, lơh jăt 5 broă, kuang bàng geh pồ tai dùl dơ\ lơh lài, kuang bàng tus bal dơ\ sơnrờp lơh tơnơ\ jăt broă lơh lơh dơ\ dùl broă kơ\ kơl jăp, dơ\ dùl broă loh làng, tơl mpồl gơnoar broă bơh kấp dềt tus kấp dờng, pal lơh kơrhia ngan, nền nòn ngan, lơh tus kàr lơi den pal kơ\ kơl jăp tus kàr hơ\.

Nàng bơyai lơh geh cồng nha pơrjum dờng kấp hơđang mờ să tờm là kấp hơđơm đơs is mờ pơrjum dờng đảng bộ ală kấp đơs bal, ồng Khởi đơs sùm 5 jơnau bơsram pal kah.

Ală kấp ủy pal kơlôi sơnơng wil tơl, jrô ơnàng Chỉ thị sồ 35 bơh Bộ Chính dệ, bồ tơngoh đơng lam tàm jơnau cih bơh Tổng Bí thư, Chủ tịch lơgar ồng Nguyễn Phú Trọng dê bè rcăng mờ bơyai lơh gơ in niam ngan pơrjum dờng đảng bộ ală kấp mờ ală jơnau cih bơto pơlam bơh Dà lơgar dê nàng tơnguh tai đơng lam, sồr lơh, bơto pơlam, sền swì broă lơh rcăng mờ bơyai lơh pơrjum dờng. Sền dờng màng broă lùp sền wơl, ki\ sră nggal, rơndăp broă kuang bàng bơh kấp hơđơm dê, krà` cê kơ\ nùs sồr tam gơl, bơtơl dilah ờ hềt lơh geh jơnau sồr.

Jơnau yal chính trị pal geh bơta rơndăp tăp sèng dipal, pal lơh niam, sền swì niam, tơl làm cồng nha lơh geh, sền wơl jơh ală broă lơh niam, bơceh pa, cồng nha lơh geh pơnrơ ngan nàng ai geh ală jơnau bơsram jrô ơnàng; mơkung yal lài broă gơlik geh nàng tơlik khàu jàu geh nùs nhơm lơh ngan uă, ală kơnòl broă, gùng dà broă lơh dùl ròt bal, tơl làm jơh bal bè bơ\t bơtàu Đảng, bơtàu tơnguh lơh sa- mpồl bơtiàn, gàr niam dà lơgar, bơta lơngăp lơngai, lơh broă mờ lơgar ndai, sac rwah di kơnòl broă tờm kuơmàng, ală gùng dà broă lơh tam gơl sơrbac mhar nàng bơtàu tơnguh mhar, kơ\ kơl jăp, bal mờ bơta sền sơnơng tus nam 2030 mờ 2045.

Jơnau yal sền tìs di bơh kấp ủy dê pal geh bơta tam lơh uă. Jăt tàm ală kơnòl broă bơh kấp ủy dê neh geh cih tàm ală jơnau cih bơh Bộ Chính trị, Ban Bí thư dê nàng sền tìs di, pleh ndrờm bal tơngume mờ jơnau yal chính trị. Sền dờng màng sền tìs di broă lơh jăt bơta pal jăt tơrgùm làng bol lơh tờm, kơrnoat lơh broă bơh kấp ủy dê, tam gơl pa gùng dà đơng lam, nùs nhơm, bồ tơngoh lơh broă, bơh hơ\ gi\t loh kơnòl bơh mpồl cau, cau dùl nă să is dê nàng tơlik gùng dà, broă lơh dipal nàng kờ` lơh niam wơl, bơsong bơta ờ hềt pràn jak, ờ hềt niam.

Lơh niam broă bơto sồr cribơyai ală rơndăp cih sră nggal Pơrjum dờng dơ\ 13 bơh Đảng dê, sră nggal pơrjum dờng đảng bộ kấp hơđang să tờm he dê tơn mờ kấp he dê. Tơrgùm bơto sồr cribơyai ală tơngume kal ke, pa, ală khà jàu, kơnòl broă tờm, gùng dà broă lơh tam gơl mhar halà broă gam uă jơnau đơs krơi is, ngan là ală tơngume gơrềng tơn tus tiah he dê, anih lơh broă, mpồl cau mờ pơyua lài tơngume bơto sồr cribơyai ai ală cau ala măt in kơlôi sơnơng nền, rcăng jơnau đơs tă pơgồp geh bơta bơ\t bơtàu bal, lơh geh nùs nhơm duh hồl, tàm pơndang, tă pơgồp wơl tàm pơrjum dờng.

Tàm broă lơh kuang bàng pal sền dờng màng ngan bơta jak, ai jơnau sồr, bơta pal geh là tờm, mơkung sền swì dipal kuang bàng jơh bal bè nùs nhơm, bồ tơngoh, rài kis, broă lơh, bơngă mờ cồng nha lơh broă. Ală broă kal ke, kòl yan, mhar gơrềng, gam uă jơnau đơs krơi is sơlơ pal gàr di bơta pal jăt, lơh jăt ờ tu\ lơi tam gơl, rề ơnàng nùs nhơm làng bol lơh tờm, ngui niam bồ tơngoh jak mpồl cau bal mờ lơh nền jăt khà uă.

Cau cih Thanh Hà- Cau mblàng Lơ Mu K’ Yến