VOV4.K’ho – Tàm 3 ngai do, tàm càr Quảng Đông, lơgar Lo geh lơh Pơrjum dơ\ 7 sền tìs di broă lơh bal đah ală Bộ, gah lơh broă, ală tiah bơh lơgar Việt Nam mờ càr Quảng Đông. Tàm pơrjum, 2 gah neh tơr gùm cribơyai bè ală tơngume lơh broă bal kă bro, sơlơ chồl pràn rề ơnàng blơi phan bơna geh bơta niam uă bơh lơgar Việt Nam dê, sơlơ chồl pràn lơh broă bal pràn jak lơh sa; mpồl lơh sa kă bro Quảng Đông lơh ngan tus bal bơt bơtàu phan bơna tàm lơgar Việt nam; lơh niam bơtàu tơnguh tiah công nghiệp An Dương, Hải Phòng.

 Đơs tàm pơrjum, Thứ trưởng Bộ Ngoại giao, ồng Lê Hoài Trung đơs ngan gùng dà broă lơh ờ tam gơl bơh Đảng, Chính phủ Việt Nam dê, sền dờng màng git gơp lơgar rềp bal lơh bơyô mờ lơh broă bal tơl làm đah Việt Nam mờ Lo; kơp kờ` sơlơ chồl pràn git gơp lơh broă bal geh kuơ bal mờ lơgar Lo đơs bal mờ càr Quảng Đông đơs is bơtàu tơnguh sùm, pràn kơldang mờ kơ\ kơljap.

Cau mblàng K’Duẩn