VOV4.K’ho – Phó Thủ tướng, Bộ trưởng Bộ Ngoại giao Phạm Bình Minh neh tus còp lơgar Nhờk bơh ngai 8 tus ngai 10 nhai 5 nam 2017, đơng lam bal pơrjum dơ\ 9 Ủy ban tam klac Việt Nam mờ Nhờk mờ tìp mat cribơyai broă mờ Bộ trưởng Ngoại giao lơgar Nhờk ồng Fumio Kishida. Tàm tơngai ơm tàm lơgar Nhờk, Phó Thủ tướng Phạm Bình Minh kung neh tìp mat cribơyai broă mờ Thủ tướng lơgar Nhờk ồng Shinzo Abe, Chủ tịch Hạ viện Tadamori Oshima mờ wă Chủ tịch anih lơh broă tam klac dunia lơgar Nhờk Shinichi Kitaoka. Tàm dơ\ tìp mat cribơyai broă đah 2 Bộ trưởng Ngoại giao mờ pơrjum dơ\ 9 Ủy ban tam klac Việt Nam - Nhờk, 2 gah neh cribơyai ală broă lơh kờ` chul chồl mut lơh geh cồng nha ală jơnau ringbal bơh kuang đơng lam bồ dờng màng 2 lơgar tàm tơngai lài mờ rơcang tơngume nàng gàr niam cồng nha ai dơ\ tus còp ngan ngồn lơgar Nhờk bơh Thủ tướng Nguyễn Xuân Phúc dê tàm tơngai tus kờ` sơlơ lơh niam, geh cồng nha mờ ngan ngồn rlau git gơp lơh broă bal kuơ màng Việt Nam - Nhờk.

                 Cau cih mờ yal tơnggit K’Duẩn