VOV4.K’ho- Ngai òr 27/6, tàm Hà Nội geh lơh Pơrjum pờ tơn tàm internet gùt lơgar bè bơsram mờ lơh jat Chỉ thị sồ 10 bơh Thủ tướng Chính phủ dê bè broă sơlơ bơsong mờ kơryan geh cồng nha jơnau lơh bơthì bơthà, lơh lơngah lơnga` ai làng bol mờ mpồl lơh sa kă bro in tàm bơsong broă lơh. Tàm pơrjum, ala mat ală bộ, gah sơnah lơh broă, ală tiah tơrgùm cribơyai bè broă geh ngan sa kuề sa kùa dềt rah rài tàm anih lơh broă mờ sồr geh ală gùng dà broă lơh nàng kơryan bơta geh ngan ờ niam do.

                                Phó Thủ tướng ồng Trương Hòa Bình đơs sơnđờm mu\t pơrjum

Phó Thủ tướng ồng Trương Hoà Bình geh 10 jơnau sồr gơ wèt mờ ală kấp, ală gah, ală tiah nàng kờ` kơryan mờ bơsong geh cồng nha bơta geh ngan ờ niam sa kuề sa kùa dềt rah rài, tàm hơ\ đơs sùm: ngui pràn kơldang măy mok yal tơngi\t jơnau nàng tơrmù uă ngan rlau jơh broă tam tìp tơn bơh kuang bàng, công chức, viên chức mờ làng bol, mpồl lơh sa kă bro; dilah bộ, gah sơnah lơh broă, ală tiah pơn jat tai lời gơlik geh bơta geh ngan sa kuề sa kùa dềt rah rài, cau lam bồ pal kong kơnòl.

Cau mblàng Lơ Mu K’Yến