VOV4.K’ho- Tàm [òn dờng Kon Tum, càr Kon Tum, Hợp tác xã lơh sa suơn sre mờ broă drơng ala kă bro ngui công nghệ cao tiah đah tô Tây Nguyên FARM sơn đờm ai lơh broă Tiah tờm ràng tơlik, yal tơngit mờ tac phan OCOP, phan lơh sa suơn sre [òn lơgar geh pơn rơ, phan bơkah bơh ală tiah, plai chi kloh niam.

Tàm do, ràng tơlik mờr 300 phan bơna ală bơta bơh 33 hợp tác xã tàm càr mờ ală càr ndai là Gia Lai, Dak Lak, Lâm Đồng, Dak Nông dê. Do là ală phan OCOP bơh ală hợp tác xã, cau dùl nă să dê geh dờp tơl khà bơh 3 sơma` rlau hơđang. Bơdìh hơ\ tai, anih ràng tơlik gam yal tơnggit 2, 3 bơta plai chi kloh niam, biap kloh niam bơh ală hợp tác xã, trang trại phan lơh gơs bơh suơn sre càr Kon Tum dê. Bơh tiah tờm ràng tơlik do kờ` yal tơnggit phan bơna niam krơi is bơh ală tiah, ală xã tàm càr dê nàng cau nac in lòt sền, sac rơ wah, bơh hơ\ chul chồl lơh bal kă bro, ai phan bơna càr he dê tus mờ gal ngan cau ngui sa.

Cau mblàng K’Duẩn