VOV4.K’ho- Drim do (10/12), tàm Hà Nội, sơn đờm mu\t pơrjum dờng tàm pơrlòng kờ` gơboh mờ dà lơgar gùt lơgar dơ\ 10 mờ tơngu me “Tam klăc, bơceh lơh, tàm pơrlòng bơ\t bơtàu mờ sền gàr dà lơgar”.

Bơh tu\ geh bơyai lơh pơrjum tàm pơrlòng kờ` gơboh mờ dà lơgar dơ\ sơnrờp tàm nam 1952, tus tu\ do, neh geh 9 pơrjum dờng geh bơyai lơh mờ uă cau geh pơnrơ jăk, ala măt ală gah broă mờ tơl rài geh pơn jờng. Kờp jơh khà kuang bàng tus pơrjum tàm pơrlòng kờ` gơboh mờ dà lơgar gùt lơgar dơ\ 10 là 2 rơbô 300 nă.

Pơrjum dờng geh sền wơl cồng nha lơh jăt ală broă tàm pơrlòng kờ` gơboh mờ dà lơgar bal mờ broă pơn jờng tơngai bơh nam 2015 tus 2020; ai geh gùng dà, kơnòl broă lơh bơh broă tàm pơrlòng kờ` gơboh mờ dà lơgar bal mờ broă pơn jờng tơngai bơh nam 2020 tus 2025; pơn jờng ală broă tàm pơrlòng kờ` gơboh mờ dà lơgar 5 nam do; pơn jăt tai lam sồr geh bơta pràn dờng màng bơh mpồl tam klăc gùt jơi bơtiàn kòn cau; ai geh bơta pràn pa tàm broă tơnguh bơtàu dà lơgar.

Cau mblàng Ndong Brawl