VOV4.K’ho - Bình Phước là càr geh rơlau 260 kơi sồ gùng nhàr dà lơgar mờ 3 càr la:Tabong Khmum, Karatie mờ Mundulkiri, lơgar Campuchia. Tơnguh bơhiàn tam klăc, g^t gơ\p lơh bơyô mờ ală rài ồng pàng neh bơ\t bơtàu, càr Bình Phước gam chồl pràn broă lơh bal tơl ală bơta mờ ală càr do kờ` geh uă cồng nha bè broă lơh sa-mpồl bơtiàn mờ lơngăp lơngai dà lơgar. Broă lơh g^t gơ\p, lơh bơyô bal bơh càr Bình Phước mờ ală càr rềp nhàr bal mờ lơgar Campuchia gam sơlơ ngai sơlơ cèng tus rài kis niam làng bol 2 lơgar in mờ pơgồp bal tàm broă sền gàr niam gơl gùng nhàr dà lơgar đah jum măt tơngai mu\t dà lơgar.

Ală ngai sa tềp bơhìan Ất Mùi pa do, broă lơh bơh ală cau ling sền gàr tiah nhàr lơgar tàm tiah mpồng nhàr lơgar dunia Hoa Lư, kơnhòal Lộc Ninh càr Bình Phước sơ lơ ờ ru rlau, tài khà cau mờ phan bơna gam tiah nhàr lơgar do gơguh uă ni sơna. Mơya broă hơ\ kung ờ huan bòl glar rlau tu\ geh bơta tam pà mờ lơh broă bal bơh mpồl sền gròi phan kă bro mờ lơgar cau, cảnh sát mpồng nhàr lơgar, mpồl ling sền gàr tiah nhàr lơgar Campuchia. Bơta chờ hờp là làng bol kis kềng 2 gah tiah nhàr lơgar sùm tam klac mờ tu\ lơi kung rơcang lài bal mờ mpồl ling sền gàr tiah nhàr lơgar mờ gơnuar atbồ lơgar tam dră mờ bol ờ niam. Nùs nhơm tam klac, lơh bơ yô bal đah làng bol kơn hòal Lộc Ninh, càr Bình Phước mờ làng bol kơnhòal Sanuol, càr Karatie neh geh bơt bơtàu bơh uă nam do mờ broă sền gàr ngap lơngai tiah nhàr dà lơgar kung bè sền gàr hìu `hă kờ` gơ boh he dê. Ồng Điểu Vem, kòn cau S’Tiêng ơm tàm bòn 8B, ntum Lộc Hòa, kơnhòal Lộc Ninh đơs:“ Làng bol bòn 8B bol a` mờ làng bol lơgar Campuchia kung geh cau dờp lơh oh mi, geh cau den là jơi nòi bal. di `ô bau, lùp lăp mờ ngai sa tềp he kung tus đah ne jà nàng bơtàu tơnguh nùs nhơm tam klac bal gơp bơ yô, tam dră wơl ală kai mờ bol ờ niam kờ` sơ mờm, lơh aniai. Tu\ khi git, den khi yal mơ bol a` in, hơ\ sồng bol a` yal mơ gơnuar atbồ tàm bòn lơgar in nàng kơryan mờ bơ song di tu\.”

Pôs ling sền gàr tiah nhàr dà lơgar dunia Hoa Lư tàm kơnhòal Lộc Ninh, càr Bình Phước geh kơnòl atbồ mờ sền gàr 8 nơm `jrong tồt tiah nhàr lơgar rềp mờ ntum Pithanu, kơnhòal Sanuol, càr Karatie. Bulah geh mpồng nhàr lơgar dunia Hoa Lư mờ uă gùng ù lòt rê tiah nhàr lơgar, mơya kơ nờm lơh niam broă pơ gồp bal mờ mpồl sền gàr tiah nhàr lơgar Campuchia, bal mờ broă lơh làng bol sền gàr bal, den tàng gơnuar tờm ngap lơngai tiah nhàr lơgar geh gàr kơ\, bơta ngap lơngai, ờ do ờ dă mpồl bơtiàn sùm geh gàr niam. Nàng bơtàu tơnguh rlau tai nùs nhơm tam klac, lơh bơ yô đah mpồl ling 2 lơgar, pôs ling sền gàr mpồng nhàr lơgar dunia Hoa Lư pa ki\ dờp lơh oh mi mờ mpồl ling 204-la mpồl ling sền gàr tiah nhàr lơgar campuchia. mờ nùs nhơm tam klac, bơtàu tơnguh bal, mpồl ling sền gàr tiah nhàr lơgar 2 lơgar neh kơryan geh uă dơ\ dô gan kơ`au tiah nhàr lơgar, kă bro ma túy mờ pơndiang phan kơ`au gan mpồng nhàr lơgar. Thượng tá Vũ Tuấn Anh, lơh broă gùng dră bal pôs ling sền gàr mpồng nhàr lơgar dunia Hoa Lư pà git:“ Bol a` sùm gàr bè ờs broă tìp mat, cribơyai jat tơngai neh pơrgon. Dơ\ 2 là cribơyai bè ală bơta tàm 2 gah tiah nhàr lơgar. Ală mpồl lơh broă, ală mpồl ling lơh ngan mblàng làng bol lòt rê tàm 2 gah tiah nhàr lơh jat adat boh lam bè tiah nhàr lơgar bơh tơl lơgar dê, mờ kơrnuat boh lam bè sền gàr ngap lơngai ờ do ờ dă. Bol a` kung neh bơyai lơh niam ală broă lơh tìp mat chài rơ gơi, đơs crih tamya,tàp pràn să jan, dong kờl bal tàm broă tă bơ song kal ke bè rài kis, bơh hơ\ sơ lơ git wă mờ pin dờn bal mờ gơp.”

Bơta git gơp tam klac, lơh bơ yô bal đah càr Bình Phước mờ ală càr tiah nhàr lơgar Campuchia neh geh kuang bàng, cau ling mờ làng bol 2 lơgar bơt bơtàu mờ nùs nhơm song dơpă mờ ală broă lơh ngan ngồn. Ală mpồl bè mpồl cau lơh broă sa, mpồl cau ùr, mpồl ơruh pơnu ală kơnă càr Bình Phước dê sùm lùp còp, pà phan, tìp mat đơs crih tamya, tàp pràn să jan mờ tam pà mờng chài lơh broă sa làng bol ală càr tiah nhàr lơgar bơh lơgar Campuchia de. Uă broă lơh sa càr Bình Phước dê bơto pơlam neh geh làng bol tàm càr Karatie mut ngui, cèng wơl cồng nha lơh sa uă bè ròng đà điểu, pơn tăp iar, tam điều, tam bùm blàng sơntìl pa.

Tơngai tus, càr Bình Phước mờ ală càr rềp tiah nhàr lơgar di lơgar Campuchia geh ngan ngồn dờp lơh oh mi ală mpồl bòn làng bol ơm kis tiah nhàr lơgar mờ ală broă lơh ngan ngồn, kờ` dong làng bol 2 lơgar sơ lơ tơnguh rlau tai bơta git wă bal mờ gơp, rơcang lài tam pà, dong kờl bal tàm broă bơtàu tơnguh lơh sa. Ồng Hoàng Nhật Tân kuang jat jơng atbồ anih duh broă làng bol kơnhòal Lộc Ninh, càr Bình Phước pà git:“ Tơ nơ\ sa tềp do, bol a` geh mut lơh ki\ tam klac lài đah 1 mpồl kàng bol ơm kis kơnhòal Lộc Ninh mờ 1 bòn làng bol ơm kis đah ne tiah nhàr lơgar Campuchia, tơ nơ\ hơ\ geh mut lơh tàm ală ntum ndai. Broă do den bol he sơ lơ tơr bo\ kơ\ rlau git gơp lơh bơ yô đah làng bol 2 lơgar. Mờ bơhìan yau bơh 2 lơgar bol he dê là tam klac, lơh bơ yô, bol he neh geh tu\ bal mờ gơp tam pà bal kal ke tàm rài tam lơh, tus tơngai bơt bơtàu dà lơgar, làng bol 2 lơgar tam klac bal tai, kung là tìp mat chài rơ gơi mờ bơtàu tơnguh lơh sa đah ală bòn làng bol ơm kis kềng 2 gah tiah nhàr lơgar.”

Nam lài kờp priă tac phan bơna gan mpồng nhàr lơgar càr Bình Phước mờ lơgar Campuchia geh rlau 100 tơlak dolar Mỹ. Bình Phước kung neh dong ală càr rềp tiah nhàr lơgar bơcri mờ lơh gơs ờ uă broă lơh đèng, gùng lòt bè rơbàng dà dờng Măng tàm mpồng nhàr lơgar Hoàng Diệu càr Bình Phước mờ mpồng nhàr lơgar Laphakê, càr Mundulkiri, mờ priă bơcri 12 tơmàn, dong lơh niam gùng lòt bơh mpồng nhàr lơgar Tà Vát càr Bình Phước mờ mpồng nhàr lơgar Tôn Lê Chàm, càr Tabong Khmum tus gùng rơndeh sồ 7 đah lơgar Campuchia, mờ priă bơcri 4 tơmàn 560 tơlak priă, dong lơh gùng che đèng trung thế, hạ thế mờ anih biến áp bơh mpồng nhàr lơgar dunia Hoa Lư tus kơnhòal Samoul, càr Karatie đah lơgar Campuchia mờ priă bơcri 3 tơmàn 900 tơlak. Tu\ do, Bình Phước neh geh 4 mpồl lơh sa kă bro bơcri priă tàm lơgar Campuchia, mờ priă bơcri cih mat rlau 148 tơlak đôlar Mỹ. Ồng Nguyễn Tuấn kuang atbồ gah lơh broă mờ lơgar cau càr Bình Phước pà git:“Tàm nam tus den càr geh bơcri, lơh ală drà bơhiàn yau mờ rề ơnàng ală gơl gùng mpồng nhàr lơgar. Dơ\ 2 là bol a` geh sền sơ wì tac đèng gan ală càr rềp tiah nhàr lơgar Campuchia dê. Bal mờ hơ\ den bol a` kung chồl pràn broă cribơyai bal mờ lơgar ndai, ngan là cribơyai làng bol, làng nùs nhơm tam klac, lơh bơ yô mờ ală càr rềp tiah nhàr ngai sơ lơ niam rlau.”

Nùs nhơm tam kla], lơh bơ yô bơtàu tơnguh bal đah càr Bình Phước mờ ală càr tiah nhàr lơgar Campuchia neh cèng wơl cồng nha ngan ngồn bè broă lơh sa, mpồl bơtiàn mờ gàr niam ngap lơngai dà lơgar. Bơta tam klac, lơh bơyô hơ\ kung pơ gồp bơnah cèng tus làng bol tiah nhàr đah jum mattơngai mut dà lơgar ală sơnam pa ram mhu\ mờ ngap lơngai.

           Thành Trung VOV-TPHCM-}au mblàng K’ Duẩn.