VOV4.K’ho- Broă lơh jơnau kờ` dà lơgar dê bè bơ\t bơtàu [òn lơgar pa neh cèng tus ai xã tiah ngài Phi Liêng, kơnhoàl Dam Rong, càr Lâm Đồng in uă bơta tam gơl pa. Ală broă lơh đèng, gùng lòt, hìu bơsram, hìu sơnơm geh sền gròi bơcri priă lơh neh dong ai rài kis làng bol in ngai sơlơ geh bơtàu tơnguh uă. Bơh xã kal ke mơya bal mờ bơta dùl nùs bal bơh Đảng bộ, gơnoar ătbồ bal mờ làng bol dê, bồ sơnam pa nam do dê Phi Liêng neh jơh lơh ală broă jàu bơ\t bơtàu [òn lơgar pa.

Rê tus thôn Bo\ble\, xã Phi Liêng ală ngai lồi nam, ală sươn kơphê tam pa bal mờ sơntìl pa, tam tàm bơrlu\ bal mờ tờm macca, tờm [ơ sáp ai priă jền lơh sa uă là cồng nha bơh broă lơh ngan tàm gơl chi tam bơh làng bol cau K’ho tàm tiah do dê. Ồng K’Ôn, Kuang ătbồ thôn Blo\ble\ yal, thôn geh 235 hìu bơnhă bal mờ mờr 900 nă làng bol mìng là cau K’ho lơm. Lài do, khà hìu bơnhă r[ah bơh thôn dê geh tus mờr nggùl tơn. Ală nam do, làng bol neh gi\t đòm jăt ngui bơta jak chài măy mok tàm broă tam phan den tàng rài kis ngai sơlơ bơtàu tơnguh. Ồng K’Ôn, đơs: Rài yau, làng bol lơh sa lòt ntrờn làm bă tiah, mus brê lơh mìr. Tu\ do, kơnờm bơh mblàng yal, hòi jà làng bol tam gơl bàr pe bă kơphê kra neh jo\ sơnam koh bơkiar wơl kơphê pa, ngan là kơphê gơ ai cồng nha uă, bal mờ hơ\ den tam tàm bơrlu\ bal tai mờ tờm macca, tờm [ơ. Tàm tơngai ơm kơ\p kơphê gơ ai sa den tam tờm zơu ròng tu ruồi brài lơh jăt broă lơh ai phan lơyah ngai ròng phan jo\ ngai. Tus tu\ do, tàm thôn, hìu bơnhă r[ah gơmù mìng gam wơl 10 hìu lơm.

Gùng lòt geh dă mờ [ê tông lòt mu\t tàm thôn Pang Sim, xã Phi Liêng gơklo\ gơcrà ngan bơkàu wa\ rò sơnam pa. Ồng Hoàng Tùng, Bí thư Chi bộ thôn Pang Sim yal, lơh jăt gùng dà, jơnau sồr bơh dà lơgar dê mờ làng bol bơ\t bơtàu [òn lơgar pa, mìng tàm dùl tu\ tơngai lơyah lơm làng bol neh tă pơgồp gi\t nđờ rbô thơk vuông ù mờ tus bal tă pơgồp gi\t nđờ rhiang ngai lơh broă nàng lơh gùng. Ală sơne\ gùng bê tông tàm tơrbo\ bal bơh [òn tô tus [òn đah đơm neh dong ai rài kis làng bol in ngai sơlơ tam gơl pa. Ồng Hoàng Tùng, đơs: Lài do, gùng ờ niam, làng bol lòt jơh dùl jiơ đong hồ tơn mơya tu\ do mìng lòt jơh bơh 5 tus 7 phuk lơm là tus tơn tàm anih tờm xã dê, ngan là gơ [ươn ngan. Kuơmàng, broă blơi phan lơh geh bơh sươn sre, lài do gùng bo\ bol ntiar lơmbè lơm den tàng làng bol gơtìp cau kă phan bơcăp khà priă, ai tu\ do den ờ gam tai jơnau hơ\.

{òn lơgar pa tàm xã tiah ngài Phi Liêng

 Sền gròi bơtàu tơnguh lơh sa, tơrgùm bal pràn bơ\t bơtàu [òn lơgar pa, làng bol ală jơi bơtiàn tàm Phi Liêng kung rơhời sang te\ ală adat bơhiàn bơrngơl gơla ờ gam kuơ tai, bơ\t bơtàu rài kis pa jak chài rlau. Mò K’Đợi, Kuang ătbồ Mpồl tam klăc cau ùr xã Phi Liêng pà gi\t, jơnau tam bau gờ`, tam bau mờ cau rềp jơi nòi bal ờ gam tai, broă `ô bau, ies tơ\p [ồc cau chơ\t làng bol kung ờ gam lơh kơn jơ\ kơn ju\t ir tai, mờ neh lơh tềm pềr ngan. Mò K’Đợi, đơs: Lài do, làng bol kòp tê jê să sùm hòi jà bơ jơu lòt juh lòt triang, ngui ală adat bơhiàn mờng quèng bơh he dê. Ai tu\ do den oh mi deh kòn, cau kòp tê jê să ndrờm lòt tus tàm hìu sơnơm xã, tus hờ hìu sơnơm nàng geh kham mờ sơm kòp.

Bơh broă lơh ngan bơh Đảng bộ, gơnoar ătbồ mờ làng bol dê, tus tu\ do, jơh 8 thôn bơh xã Phi Liêng dê ndrờm geh dờp là thôn niam chài. Jơh ală gơl gùng lòt làm gùt xã, gùt thôn ndrờm neh dă cài halà tuh bê tông. Ồng Trần Đình Sơn, Chủ tịch Ủy ban Nhân dân xã Phi Liêng pà gi\t, tu\ do khà hìu bơnhă r[ah bơh xã dê gơmù mìng gam wơl 6% lơm. Ồng Trần Đình Sơn, đơs: Xã Phi Liêng geh làng bol jơi bơtiàn kòn cau ơm kis bơh jo\ dùl bă tiah geh tus 70%, rài kis lơh sa bơh làng bol dê bơh sơnrờp kal ke ngan. Bơh sơnrờp, Đảng ủy, Ủy ban Nhân dân xã hòi jà làng bol tam gơl rơndăp tăp sèng chi tam, phan ròng bè lơh hìu krơh, tam kơphê bơkiar, tờm macca, ală tờm phan tam geh priă jền lơh sa uă. Kơnờm bè hơ\ tus tu\ do, làng bol tàm xã neh kơ\ kơl jăp bè rài kis, priă lơh geh kờp bal lơh geh rlau 41 tơlak đong dùl nă cau dùl nam. Tus tu\ do, jơh 19 broă jàu den xã ndrờm lơh geh mờ lòt tus gùng [òn lơgar pa.

Broă lơh {òn lơgar pa neh cèng tus ai làng bol xã Phi Liêng, kơnhoàl Dam Rong, càr Lâm Đồng in uă ngan bơta tam gơl bơh phan bơna tus rài kis lơh sa mờ bơta niam chài mpồl bơtiàn. Gơn kơnờm dùl sơnam pa mìu nhàc niam trồ tiah niam geh pơn jăt tai cèng wơl rài kis hờm ram ai làng bol ală jơi bơtàin xã tiah ngài Phi Liêng in.

Cau cih Tuấn Anh- Cau mblàng Lơ Mu K’Yến