VOV4.K’ho - La ntum tiah nhàr dà lơgar mờ rơlao 40% khà kờp làng bol là kòn cau S’tiêng dê lơm, ntum Lộc Hoà lài do là 1 tàm ală ntum rơ[ah ngan càr Bình Phước dê. Tơnơ\ mờ 4 nam lơh jăt broă lơh jăt khà dà lơgar bè bơ\t bơtàu [òn lơgar pa, Lộc Hoà gam tơnguh pràn kơl dang mờ gơs là ntum lam lài tàm boă tơnguh bơtàu lơh sa-mpồl bơtiàn kơnhoàl Lộc Ninh dê. Di tàm bồ nam pa, jà…tus bal mờ ntum Lộc Hoà kờ` g^t bè ală tam gơl niam bơne\ tàm ntum tiah nhàr dà lơgar đah jum măt tơngai mu\t dà lơgar dê

Sa tềp do, làng bol tàm bòn 8B, ntum Lộc Hòa, kơnhòal Lộc Ninh, càr Bình Phước geh bơta chờ hờp dờng ngan, tài gùng lòt bêtông ơnàng 3 thơk, jòng 400 thơk, mờ priă bơcri rlau 1 tơmàn priă neh lơh gơs. Do là gơl gùng lòt ală bòn sơn rờp bơh ntum Lộc Hòa dê, bơh làng bol tă pơ gồp priă jền, phan bơna, ngai lơh broă nàng lơh gơs. Gùng do là pơn rơ bơh nùs nhơm tam klac, bal mờ bơta lơh ngan bơh kuang bàng mờ làng bol tiah do dê. mờ làng bol kòn cau tàm tiah do den do là gùng lòt tàm mpau, tài git nđờ rài do, làng bol sùm pal lòt rê tàm gùng lòt bo\ lơmbè tu\ trồ mìu, thul kơmbuh tu\ trồ păng. Ồng Điểu Wem, kòn cau S’Tiêng ơm tàm 8B, ntum Lộc Hòa chờ hờp đơs:“ Làng bol tă pơ gồp ngai lơh broă, priă jền nàng ơpah rơndeh tơn ring, cho\ ù, ja\ lu\ mờ tuh bêtông. Geh gùng lòt pa, làng bol chờ hờp ngan wă rò sơnam pa mờ buơn buài tàm broă lòt rê.”

Sơnam pa do, Lộc Hòa tơnhàu kàl lơh sa geh uă. Ală bơta phan lơh gơs bơh suơn sre bè tiêu, điều, kơphe ndrờm tac geh ỳom. Làng bol tiah do gam kơp wă rò 1 dơ\ sa tềp răm mhu\ rlau mờ nam lài. Ală suơn kau su dờng ơnàng, ală blàng sre kòi neh du\m, ală suơn tam chi sa plai, gam tam gơl muh mat 1 ù tiah kal ke lài do. Tềng bơnhă ồs hơng, làng bol kòn cau tàm ntum Lộc Hòa bal mờ gơp wă rò sơnam pa tàm săp ntas cing mồng chờ hờp.

Gơ wèt mờ ồng Nguyễn Văn Miện, 1 nă cau ling yau neh geh tu\ tus bal tam lơh tàm tiah do lài do, sơnam pa do cèng tus ồng in uă ngan bơta sơnơng. Mờ 3 lồ tiêu, kau su, nam lài, hìu nhă ồng Miện geh 200 tơlak priă mờ gơs là hìu nhă pas ntum dê. Ồng kung chờ hờp ngan, tài tàm ù tiah nhàr lơgar do, gam ngai sơ lơ tam gơl muh mat mờ 1 dà tơlir ngap lơngai:“ A` wă rò sa tềp dơ\ do là dơ\ 16 tàm ù tiah Lộc Hòa do. Ală măng lồi dut nam yau dê, ntum sùm bơyai lơh chờ cing mồng, sing ồs, đơs crih tamya wă rò sa tềp. kuang bàng, ală gah, mpồl lơh broă kung tus bal chờ hờp mờ làng bol. Broă lơh do geh kuơ ngan, cèng wơl ală tu\ jiơ wă rò sơnam pa răm mhu\, ngan là tus mờ làng bol kòn cau S’ Tiêng tiah do. A` go\ chờ hờp ngan.”

Lộc Hòa là ntum tiah sar lơgar ngài, uă kal ke pal kơ nờm tàm uă bơta dong kờl bơh broă lơh 135 gơnuar atbồ lơgar dê. mờ bă ù geh is ơnàng 5 rbô 100 lồ, mơya khà kờp làng bol mìng geh rlau 5 rbô nă. Tàm hơ\ mờr 50% là làng bol kòn cau, uă ngan là cau S’Tiêng. Nam 2011, Lộc Hòa sơn đờm mut lơh broă lơh bơt bơtàu bòn lơgar pa, bơh sơn rờp geh lài 2 broă lơh. Mơya mìng tơ nơ\ 4 nam mut lơh broă lơh do, Lộc Hòa neh geh bơta bơtàu tơnguh pràn ngan bè broă lơh sa - mpồl bơtiàn. mờ bơta dong kờl bơh gơnuar atbồ tàm bòn lơgar, git nđờ rhiang hìu nhă là cau kòn cau neh khin cha càn priă bơh anih priă jền dê nàng tam ală bơta chi tam jo\ tơngai mờ chi sa plai ai cồng nha tơnhàu uă. Ntum Lộc Hòa tu\ do geh 1 rbô 150 lồ kau su, mờr 200 lồ tiêu, 142 lồ điều, mờr 30 lồ kơphe mờ rlau 50 lồ chi sa plai. Bal mờ hơ\, ntum kung geh rlau 500 lồ kòi sre. Kơnờm bơh hơ\ mờ git nđờ rhiang hìu nhă gơs pas sơm. Gùt ntum mìng gam rlau 8% hìu nhă rơbah. Ồng Hoàng Nhật Tân kuang jat jơng atbồ anih duh broă làng bol kơnhòal Lộc Ninh pà git:“ Nam do, làng bol geh wă rò sa tềp tàm bòn lơgar geh uă tam gơl pa, ngan là tàm tiah nhàr lơgar, hơ\ là bè gùng lòt, bè tiah ơm kis mờ ală broă lơh. Jơh ală bơta hơ\ lơh sơnam pa tàm tiah nhàr lơgar sơ lơ niam rlau mờ nùs nhơm cau tiah nhàr lơgar sơ lơ pin dờn tàm Đảng, tàm rài bol he dê rlau.”

Tus Lộc Hòa tu\ do, dà tơlir bơh tờm kau su dê neh gơ glòm jơh ală bơ tô bồm. ală hìu nhă gam geh lơh kềng ală gơl gùng bê tông kloh niam. Jơh tơl nă kơ nòm dềt ntum dê ndrờm geh lòt bơsram mờ bơsram tàm ală hìu bơsram dờng niam. Rlau 95% khà hìu nhă làng bol tàm ntum neh geh đèng mờ dà  ngui. Tu\ do, ntum geh 2 hìu chài rơ gơi, là anih pơrjum bơh làng bol ală kòn cau tiah do dê. Kuơ màng, Lộc Hòa geh 12 kơi sồ gùng tiah nhàr rềp mờ lơgar Campuchia, mơya bơta ngap lơngai tàm bòn lơgar sùm geh nùs niam. Làng bol tu\ lơi kung rơcang lài tàm broă sền gàr ngap lơngai tàm bòn lơgar.

Sơnam pa gam tus làm gùt tiah Lộc Hòa, lơh àng rlau tai ală blàng sre kòi dum, cèng wơl rài kis hờm ram làng bol tiah do in. rài kis tơl làm bal mờ nùs nhơm jơh nùs jat Đảng bơh làng bol ală kòn cau tàm ntum tiah nhàr lơgar Lộc Hòa kung gam pơ gồp bơnah sền gàr kơ\ gơnuar tờm tiah nhàr bơh dà lơgar dê.

                                                                         }au mblàng K’ Duẩn.