VOV4.K’ho- Drim ngai 27/9, rơndăp broă lơh “Tiah tơrgùm ală tiah lơh sa sươn sre ngui công nghệ cao tàm Dăk Lăk” neh sơnđờm bơ\t bơtàu. Tiah tơrgùm do geh bă ù ơnàng kờp jơh pơgăp 200 lồ, bơ\t bơtàu tàm xã Ea M’droh, kơnhoàl Cư Mgar, càr Dăk Lăk.

Rơndăp broă lơh Tiah tơrgùm do geh tiah tơrgum lơh gơlik ală Phan bơna lơh broă sa sươn sre niam bơkah ngan jăt ală broă lơh is jơh lơm. Rơndăp broă lơh bơh Tập đoàn De Heus, lơgar Hà Lan dê mờ Tập đoàn Hùng Nhơn lơh broă bal bơcri priă, mờ kờp jơh priă bơcri là 66 tơlak dolar Mỹ, pơgăp 1 rbô 500 tơmàn đong, kờp du\ geh lơh gơs tàm lồi nam 2025.

Tiah tơrgùm ală tiah lơh sa sươn sre công nghệ cao do geh lơh geh broă lơh ai mờr 300 nă cau lơh broă tàm tiah do in, bơto mpồl cau lơh broă geh bơta mờng chài bè ròng phan lơh geh priă jền uă, tam phan hữu cơ jăt măy mok pa rài do dê, pơgồp bơnah tàm bơta bơtàu tơnguh lơh sa bal bơh càr Dăk Lăk dê.

Cau mblàng Lơ Mu K’Yến