VOV4.K’ho- Drim do 14/10, tàm Hìu pơrjum Tỉnh ủy, Pơrjum dờng cau ala măt Đảng bộ càr Dăk Lăk dơ\ XVII, tơngai lơh broă bơh nam 2020- 2025 ngan ngồn sơnđờm mu\t pơrjum. Tàm dơ\ pơrjum rơcăng lài geh lơh tàm mho ngai 13/10, ală cau ala măt neh ring bal pồ Mpồl Kuang ătbồ Pơrjum dờng geh 15 nă kuang bàng, Mpồl cau gơnoar cih pơrjum dờng geh 3 nă kuang bàng, Mpồl lùp sền gơnoar broă cau ala măt geh 7 nă kuang bàng, ring bal broă lơh, tơngume pal jăt, kơrnoat lơh broă bơh Pơrjum dờng dê.

Dơ\ pơrjum rơcăng lài

Đơs tàm dơ\ pơrjum rơcăng lài, ồng Bùi Văn Cường, ủy viên Đảng dà lơgar, Bí thư Tỉnh ủy Dăk Lăk sồr ală cau ala măt tus bal pơrjum dờng pal lơh jăt niam nùs nhơm dùl nùs bal, bồ tơngoh jak, nùs nhơm geh kơnòl, jơh nùs cribơyai, tă pơgồp ală jơnau đơs jrô ơnàng tàm Jơnau yal chính trị mờ ală sră nggal sền tàm Pơrjum dờng Đảng bộ càr dơ\ XVII; kơlôi sơnơng săc rwah ală kuang bàng jak ngan nàng pồ mu\t tàm Ban Chấp hành Đảng bộ càr khoá XVII.

Cau mblàng Lơ Mu K’Yến