VOV4.K’ho - Pah nam, tàm kơnhoàl Kông Cro, càr Gia Lai geh mờr 100 nă cau chơ\t tài gơsơ\t să is, geh uă ngan là làng bol kòn cau Bơnhàr, lơh mpồl đơng lam Đảng kơnhoàl Kông Cro pal crơn gơs mpồl đơng lam kờ` kơrian bơta do. Jơnau moăt jrùng ngan là ală dơ\ chơ\t ờ geh kuơ mìng gơl^k geh bơh tàm ală dơ\ tam lah bè ờs tàm rài kis pah ngai, gam lời wơl ală kal ke, ală jơnau moăt jrùng tus mờ cau gam kis.

Bu\ lah neh 60 sơnam mờ gam ròng 7 nă kòn, mơya tơnơ\ mờ tu\ ùr bơklao oh ùr tòm là Đinh Thị Blết mờ Đinh Liôch chơ\t, ồng Đinh Binh kis tàm [òn Dâng pal ròng tai 6 nă kơmòn. Ồng Binh yal là, bồ nam 2013, tài pin bơklao b^c bài mờ cau ndai, oh ùr ồng sơnđan là Đinh Thị Blết lòt is tàm mìr, hơ\ sồng hùc sơnơm tu kờ` gơsơ\t să. 6 nhai tơnơ\, tu\ ală cau tàm [òn cau lơi kung kơlôi jơnau moăt chơ\t pơ-ùr neh ờ hoan geh tai, den kung là tu\ bi Đinh Liôch yồng ngko gơsơ\t să sơl, lời is mè kra bal mờ 6 nă kòn gam dềt. Bu\ lah rơ[ah, glar bòl, mơya ồng gam lơh ngan ròng siam ală kơmòn tus dờng, mìng sơnđàc ală kơmòn ồng dê pal dờp sùm nùs nhơm moăt jrùng tu\ kis kòn đời bơh dềt.

Ồng Đinh Binh bal mờ kơmòn

Den mờ lo\ Anheng, 37 sơnam, kis tàm [òn Pyang, [òn drà Kông Cro, bơh ngai bơklao gơsơ\t să, ờ geh cau dong kờl, broă lơh sa hìu nhă gơtìp kal ke ngan, 2 nă kòn lo\ dê pal ơm ờ lòt bơsram. Sre, mìr ờ uă, ală broă ngui sa tàm hìu nhă mìng kơnờm bơh priă lơh broă ờ uă ngan. Bơta moăt jrùng ngan rơlao tai là tàm 2 nam do, lo\ Anheng neh kơlôi uă ngan mơya kung gam ờ g^t tài bè lơi tàng bơklao gơsơ\t să, lời is kòn bao: “Ùr bơklao kis bal, geh tu\ cri bơyai broă lơh sa kung gơtìp ờ ndrờm bal, jơnau do đơs, jơnau ne drờl. Bơklao a` `ô hơ\ sồng lah kòn, lah bao, tam lah mờ pơ-ùr den đơs tus jơnau kờ` gơsơ\t să. Să tòm a` kung ờ g^t sơl tài bè lơi tàng bơklao a` gơsơ\t să. Tu\ bơklao gam kis, den geh cau lơh broă. Tu\ do mìng gam 1 nă a` ròng is 2 nă kòn den kal ke ngan, piang sào geh tu\ tơl, geh tu\ ờ tơl, ào mpha, kho\ je\p kòn in kung ờ geh”.

Jăt jơnau yal bơh gah bơto pơlam gùng dà broă lơh mpồl đơng lam Đảng kơnhoàl Kông Cro yal, broă gơsơ\t să tàm kơnhoàl do geh uă ngan. Mìng bơh nam 2010 tus jơh 3 nhai bồ nam 2013, neh geh 306 nă cau gơsơ\t să. Gơl^k geh ală dơ\ gơsơ\t să ờ g^t loh, ha là di lah geh den mìng geh bơh ală jơnau bè ờs tàm rài kis bè tam lah, tam kơn dang mờ ală cau tàm hìu nhă tòm, gơtìp bơyô sền ờ sơ\p, ha là gơtìp cau dờng lah tài lơh broă ờ di. Tam dră mờ bơta ờ niam do, uă [òn tàm kơnhoàl do gam lơh ngan lam sồr tam gơl nùs nhơm g^t wă làng bol in. Bi Đinh Chuyênh, kuang atbồ [òn Pyang, [òn drà Kông Cro đơs: “Jăt kơrnoăt mpồl đơng lam Đảng [òn ai, bol a` bơyai lơh pơrjum [òn kờ` lam sồr, hìu lơi geh cau gơsơ\t să den làng bol ờ tus bal. Cau lơi chơ\t tài gơsơ\t să, làng bol ờ tus ies cau hơ\. Bơyai lơh đơs crih tamya kờ` lam sồr là, gơsơ\t să lơh glar bòl tus hìu nhă, lơh phan bơna roh rui, roh kòn bơnus, ờ geh cau lơh broă, broă lơh sa sơlơ kal ke, cau chơ\t roh bal rơpu, kơnrồ, drăp tơrnờm, oh kòn ờ geh mè, bèp ròng. Đơs ngan là làng bol kung g^t wă đao bè bơta aniai bơh broă gơsơ\t să”.

Bồ nam 2013, kơnhoàl Kông Cro neh crơng gơs mpồl đơng lam mờ lam sồr kơrian cau gơsơ\t să kờ` tơnguh jơnau g^t wă làng bol in mờ wèt tus kơrian mờ sơbì jơh jơnau gơsơ\t să tàm kơnhoàl do. Jăt mờ hơ\, pah nhai, ala măt gah bơto pơlam gùng dà broă lơh bal mờ ală mpồl lơh broă bơyai lơh 4 dơ\ đơs crih tamya tàm 4 [òn krơi is. Bơh tàm broă lơh do, làng bol geh tus sền lơma bè rài kis gơtìp kal ke bơh ală hìu nhă geh cau gơsơ\t să, geh kuang bàng kòn cau Bơnhàr lam sồr bè jơnau g^t wă ờ di pal bè gơsơ\t să. Tơnơ\ mờ 1 nam lơh ngan lam sồr, bơyai lơh mờr 80 dơ\ đơs crih tamya pơgồp bal mờ lam sồr, khà dơ\ cau gơsơ\t să nam 2014 gơmù 28 dơ\ jăt mờ nam 2014. Ồng Đinh Keo, kuang atbồ gah lam sồr mpồl đơng lam Đảng kơnhoàl Kông Cro đơs: “Gah bơto pơlam gùng dà broă lơh mpồl đơng lam Đảng kơnhoàl mờ gah lam sồr neh pơgồp bal mờ gah tề lam gùng dră bal bal mờ ală mpồl lơh broă lam sồr mờ broă lơh lơma. Bol a` geh ngui jơnau đơs dà kòn cau Bơnhàr, rơwah ală cau niam ngan đơs loh bè bơta ờ niam bơh broă gơsơ\t să dê. Làng bol g^t broă kờ` gơsơ\t să là ờ niam. Tus tu\ do, bol a` neh lam sồr tus 11 tàm 14 ntum mờ [òn drà tàm gùt kơnhoàl. Tu\ do, broă kờ` gơsơ\t să tàm kơnhoàl Kông Cro neh gơmù”.

Kơnhoàl Kông Cro geh rơlao 47 rơbô nă làng bol, tàm hơ\ geh rơlao 85% khà là làng bol kòn cau. Bơta ngăc ngar ờ uă, geh uă bơhiàn ờ niam, rài kis lơh sa gam uă kal ke, geh mpồl đơng lam Đảng kơnhoàl Kông Cro ai là bơta tòm ală dơ\ tam lah tàm hìu nhă gơl^k geh gơsơ\t să. Den tàng, bơdìh mờ broă lam sồr tơnguh jơnau g^t wă làng bol in bè ală broă mpồl bơtiàn, bè kơnòl mờ hìu nhă, oh kòn mờ ală bơta aniai bơh broă gơsơ\t să lời wơl, kơnhoàl pal chồl pràn broă tơnguh bơtàu lơh sa, tơnguh rài kis phan bơna mờ nùs nhơm làng bol in, hơ\ sồng kờ` geh tơl^k ală cồng nha niam./.

Cau mblàng Ndong Brawl