VOV4.K’ho- Mpồl đơng lam Dà lơgar bè rơcăng sơndră trồ tiah lơh aniai pa geh Sră pơyua tus Mpồl đơng lam rơcăng sơndră trồ tiah lơh aniai mờ lòt jòi dong kờl rềs àr ală càr mờ [òn dờng rềp kềng dà lềng bơh Thừa Thiên- Huế tus Ninh Thuận in bè sơndră wơl mờ mìu càl rbu\t dờng geh mat sơnđan dunia là Molave, lơgar he hòi là mìu càl rbu\t dờng sồ 9.

Tàm sră pơyua geh tơngume sồr bè do” Nàng gàr niam ờdo ờdă ai ơhò plung in den yal mờ pơlam cau tờm ơhò, cau ătbồ mpồl cau măy ơhò in lơh jăt broă lòt rê, pleh mờ ơm mpồn. Pơlam ơhò pơndiang phan, ơhò lòt rê tàm dà lềng lòt rê mờ ơm tàm ală anih ơhò ơm. Gơnoar ătbồ tàm tiah hơ\ pal lòt sền broă lơh jăt bơh làng bol dê, ai mpồl cau sền gàr phan bơna ai làng bol in lòt pleh mìu càl rbu\t dờng.

Rơcăng lài phanm sa dà hùc jăt jơnau đơs “4 dùl bă tiah” nàng rơcăng lài sơndră wơl mờ mìu, dà ko\ dờng, ngơr bam dà, dà wềl jo\ jòng uă ngai. Lam lơh ală broă lơh gàr niam ờdo ờdă ală gùng che đèng, gùng che điện thoại, ờdo ờdă gùng lòt, ngan là broă lòt rê tàm tu\ geh mìu càl rbu\t dờng mờ dà ko\, dà cò; rơcăng lài mpồl cau, phan bơna nàng dong kờl rềs àr, bơsong di tu\ ală bơta ờ niam gơlik tus.

Cau mblàng Lơ Mu K’Yến