VOV4.K’ho – Đah sền gàr mat sơnđan phan lơh gơs di Gah Khoa học mờ Công nghệ dà lơgar neh ngan ngồn lơh sră cih mat pơlam ù tiah lơh gơlik sơnơm kơnuh Ngọc Linh.

Dùl tờm sơnơm kơnuh Ngọc Linh gam geh plai

Jat mờ hơ\, sơnơm kơnuh Ngọc Linh geh lơh sră cih mat pơlam ù tiah lơh gơlik sồ 00049, geh sền gàr tàm gùt ù tiah lơgar Việt Nam. Mpồl bơyai lơh atbồ pơlam ù tiah lơh gơlik là Gah Khoa học mờ Công nghệ càr Kontum, Quảng Nam. Tiah geh sơnơm kơnuh Ngọc Linh geh 2 ntum Măng Ri, Ngọc Lây ( kơnhoàl Tu Mrong, càr Kontum) mờ ntum Trà Linh ( kơnhoàl Nam Trà My, càr Quảng Nam). Ală ntum do di bơnơm Ngọc Linh jơnhua bơh 1 rbô 800 tus 2 rbô 500 thơk. Sră cih mat pơlam ù tiah lơh gơlik sơnơm kơnuh Ngọc Linh kung ai tơnggo\ loh làng bè bơta niam pơn rơ is phan do dê; bơta pơn rơ is bè ù tiah; bơta chài lơh gơlik.

Suơn tam sơnơm kơnuh tàm bơnơm Ngọc Linh tàm càr Kontum

Tu\ do, tàm 2 càr Kontum mờ Quảng Nam ndrờm gam lơh ngan rề ơnàng bă ù tam tờm sơnơm kơnuh Ngọc Linh. Tàm hơ\, mìng is càr Kontum neh tam geh rlau 180 lồ. 2 càr kung rơndap ù tiah tam sơnơm kơnuh Ngọc Linh tus git nđờ jơt brô lồ gùt gar bơnơm Ngọc Linh.

                                                    Cau cih mờ yal tơnggit K’ Duẩn.