VOV4.K’ho- Tàm dơ\ pơrjum bơh Mpồl sồr đơng pơlam khà priă dê tàm ngai 1/7, Bộ Giáo dục mờ Đào tạo neh mblàng đơs bè broă `chi bơh tài khà priă tăc sră măy pa jơnhoa rlau mờ sră măy lài do, tài bơh tam gơl broă bơceh cih, li\p ai ngui mờ geh sră nggal dan mờ Chính phủ jun yal mờ Ủy ban Thường vụ Quốc hội in sền swì, lơh nền ai sră măy cih tàm sră cih măt phan bơna bơh Dà lơgar ai khà priă.

Ai jơnau đơs bè jơnau dan do, ồng Nguyễn Xuân Phúc Thủ tướng Chính phủ sồr Bộ Tài chính sơrbac mhar lơh gơs, yal mờ Ủy ban Thường vụ Quốc hội in bè broă bơtơl bơta phan do tàm sră cih măt phan Dà lơgar ai khà priă. Thủ tướng kung sồr Bộ Tài chính mờ Bộ Giáo dục mờ Đào tạo kơlôi sơnơng sền swì broă dong kờl tơrmù khà priă halà pà gời ờ sa priă sră măy gơ wèt mờ kơnòm bơsram, kòn hìu cau r[ah, ală cau ờ pràn, ală cau kal ke tài gơrềng bơh kòp Covid-19.

Cau mblàng Lơ Mu K’Yến